JIHUSUA 1:17 - AMÜSÜH HÜM CL Bible (BSI)

¹⁷ Isanü kamruhroro Mosa ki anikhi nangde, isanü nü ki anibah, tüsho Atungpuh nü Thrünpuh Mosa lung lakhi nangde nü lung lashang!

JIHUSUA 1:17 Iomraidhean Croise

2 SAMUEL 14:17

Nü yamlaberünü lümdo, ‘I tungpuh kiulongthsüpuh yu hode I sühakhimshihbah’; tümüde I tungpuh kiulongthsüpuh a Thrünpuh yunirü nangde lah, atsü tüsho amütsü kheahkhitchoh. Atungpuh nü Thrünpuh nü lung lashang!”

1 KIULONG THSÜRÜ 1:37

I tungpuh kiulongthsüpuh lung Atungpuh lakhi nangde Api Solomon lung lashang, tüsho api kiulongthsü-binkiu ju I tungpuh kiulongthsüpuh David kiulongthsübinkiu kheaknü atobe lashang.”

1 KIUTHSÜYUKHEAN 28:20

Davidnü kheaküshe api tsührü Solomon ki tha, “Reangzahang, tüsho tsüde mulong toang, tüsho rhimoang. Dütre yungsho mulong dünini: tümüde Atungpuh Thrünpuh, I Thrünpuh, nü lung lah. Atungpuh yam ching arüngako rhimo alala mübanyi khiungde apinü nü müdükhe yungsho nü mübahyuk.

MUNGSHIKHÜN 20:1

Küpkhuk nimung ching Atungpuhnü nü ki aloshang; Jakob Thrünpuh mungnü nü tsungdoshang!

MUNGSHIKHÜN 20:4

Apinü nü mulongnü akünkhi mülüshang, tüsho nü lümkhi alala akuk ngüshang.

MUNGSHIKHÜN 20:9

Kiulongthsüpuh kilim akuk ngüshang O, Atungpuh ; isanü ajichoki isa ki alojang.

WÜHKHE 27:18

Tüsho Atungpuhnü Mosa ki tha, “Nun tsührü Jihusua, me lakhi mihtsürü nünü bedarübah nü khah api kheak nimang;

WÜHKHE 27:20

Tüsho Israelrü mihtsürü boto alalanü api yu anipü thsüde nünü api kheak nü yukhüm khürü jihang.

MATHI 21:9

Judüki müngühlim yükhi tüsho dunglim yankhi botonü zhide tha: “Hosanna, David tsührü! Shepü Atungpuh mung chingnü arüchonü müngühmühi thsang! Achangbe chingnü shiang!”

YUZÜNGTHALO 34:9

Kheakü Nun tsührü Jihusua lümlung menü mithülamde lakheah, tümüde Mosanü akhah api kheak nimkih; jumonü Israel tsührübonü api yu ani, tüsho Atungpuhnü Mosa ki thiyukhüm jihkhi nangde rhimo.

JIHUSUA 1:16

Arünü Jihusua ki alo, “Nünü isa ki thakhi alala rhimobah tüsho kürü ching thiyibanü isa ayübah.

JIHUSUA 1:18

Sherünü nü yukhüm azhihbanü tüsho manibanü arübo asheshihbah. Reangzahang tüsho mulong ato thsang!”

JIHUSUA 1:5

Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

JIHUSUA 4:14

Ju nimung Atungpuhnü arhimokhi hode Israel mihtsürü miki Jihusua ato kamshih. Mosa kheak wüntre jihkhi nangde api rhangdung amuyung arünü api kheak wüntre jih.

1 SAMUEL 17:37

Davidnü tha, “Atungpuh , shepünü kekhüzü tüsho kuto münjak chingnü I khümkhitkheanü apinü ha Filistiabuh khah chingnü I khümkhitbah.” Jumonü Saulnü David ki tha, “Yüang, tüsho Atungpuh nü lung lashang!”

1 SAMUEL 20:13

Tüshe I buhnü thsümünimpü lümsho, tüsho inü nü ki thaa muhuhde nü thiyia tsoshihbah tsüde tsokhisho, Atungpuhnü Jonathan kheak alübe she rhimoshang. I buh lung lakhi nangde, Atungpuh nü lung lashang.