JIHUSUA 1:1 - AMÜSÜH HÜM CL Bible (BSI)

¹ Atungpuh yamlarü Mosa she dunglim, Nun tsührü Jihusua, Mosa rungbuh ki Atungpuhnü tha,

JIHUSUA 1:1 Iomraidhean Croise

1 KIULONG THSÜRÜ 19:16

Kheaküshe nünü Israel kurungkheak kiulongthsürü thsüpü Nimshi tsührü Jehu mujudemokhitang; tüsho Abelmeholarü Shaphat tsührü Elisha nü müthri wukihrü thsüpü mujude-mokhitang.

2 KIULONG THSÜRÜ 3:11

Tüshe Jehoshaphatnü tha, “Atungpuh ki isanü keoakheahpü thsüde ha ching Atungpuh wukihrü müla de?” Judüki Israel kiulongthsüpuh yamlarü khülangnü alo, “Elija khah kheak ke bukkihde alabuh, Shaphat tsührü Elisha ha ching lah.”

NEHEMIA 8:17

Ramtso chingnü alunglorü alalanü yünshim thsübah ju ching la; tümüde Nun tsührü Jihusua kim chingnü rhimode arüchoki Israelrünü ha ruk nioa mükheah. Tüsho arü asühachihkhi ju ato lakheah.

ABEKHIT 24:13

Jumonü Mosanü api rungbuh Jihusua bebah tsahmusu tüsho Atungpuh müzüng kheak wutu.

WÜHKHE 11:28

Tüsho Nun tsührü Jihusua athunu kim chingnü Mosa rungrü, apinü amokhitkhi mihtsürünü tha, “ I tungpuh Mosa, arübo zhipdoang.”

WÜHKHE 12:7

I yamlarü Mosa ki a ju ruk yung; inü api Israel mihtsürü athrünkhi kurungkheak zojihlah.

WÜHKHE 13:16

Mihtsürü harübo ha alomi züta kheahpü Mosanü ayüshihkheah. Tüsho Mosanü Nun tsührü Hoshea mung ju Jihusua de müthrijih.

WÜHKHE 13:8

Ephraim trük chingnü, Nun tsührü Hoshea;

LUKNÜ ATHRÜTKHI THIYUSHEAK-ATSÜ HUHTANYU 16:10

“Shepünü anükbe ching thiyuro lanü ahihkhüh ching she thiyuro labah; tüsho shepünü anükbe ching thiyuro mülanü ahihkhüh ching she thiyuro lapü yung.

YUNIRÜBO RHIMO 7:45

Isa jipürünü arüngkhimyam leangkhia lubah Thrünpuhnü arü müngüh yankhita bahkhi trükshih lomi luchoki Jihusua lungnü hanbah yü. Tüsho ju ching David kim khiungde la.

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

YUZÜNGTHALO 1:38

tüshe Nun tsührü nü rungbuh Jihusua, ju ching yüzahbah. Api ki mulong tuthsukang, tümüde api hode Israelnü ju yamrüplurüp lubah.

YUZÜNGTHALO 31:23

Judüki Atungpuhnü Nun tsührü Jihusua ki rhimo jihde tha, “Reangzahang tüsho mulong toang; tümüde nünü Israel tsührübo inü arü ki thiyuchihchimkhi lo ching bede ayübah, tüsho I nü lung labah.”

YUZÜNGTHALO 31:3

Atungpuh nü Thrünpuh nüsa müngüh yübah; apinü harü trükshihbo dükheakshihbah tüsho nüsanü arübo yankhita bahbah; tüsho Atungpuhnü athakhi nangde, Jihusua nüsa müngüh yübah.

YUZÜNGTHALO 33:1

Ha müngühmühi ha Thrünpuh mihtsürü Mosanü api shepü müngüh Israel tsührübo müngühjihkhi ah.

YUZÜNGTHALO 34:12

tüsho wu ato, tüsho Israel mikinü Mosanü atrebe ato rhimokhi nangde wukihrü sheshe mülakheah.

YUZÜNGTHALO 34:5

Jumonü Atungpuh yukhüm nangde, Atungpuh yamlarü Mosa ju Moab lomi ching she.

YUZÜNGTHALO 34:9

Kheakü Nun tsührü Jihusua lümlung menü mithülamde lakheah, tümüde Mosanü akhah api kheak nimkih; jumonü Israel tsührübonü api yu ani, tüsho Atungpuhnü Mosa ki thiyukhüm jihkhi nangde rhimo.

TITA 1:1

Paul, Thrünpuh tankihrü tüsho Jisu Khrista amüsüh-thsangyurü, Thrünpuhnü amokhitrü akin tüsho akin lim bekhi thiyuro mükheahmudu rungpü,

JAKOB 1:1

Thrünpuh tüsho Atungpuh Jisu khrista tankihrü Jakob kilimnü, Hiumüzüta lakhi trük thürükheak mahne kilim: Salüm.

JIHUSUA 1:15

Atungpuhnü Jordan aniyüzahlim lo arü le nüsa kilim jihkhi mümükühyi khiungde arü rungpü yübah, küyimki apinü Israel trükbo khümkhitba, nüsanü alode arang tüsho Jordan aniakhiuklim Atungpuh yamlarü, Mosanü nüsa kilim jihkhi lo ching laang.”

JIHUSUA 1:2

“I yamlarü Mosa sheabahdo. Kheakü thsakhamang, nü tüsho Israelrü athrünkhi Jordan hobah inü ajihkhi lomi ching yüang.

JIHUSUA 12:6

Ha kiulongthsürü mahne ju Mosa le Israelrünü akukkheah. Atungpuh yamlarü Mosanü arü lo Reuben le Gad trükbo tüsho Manase trük chamnakkhüh kilim arü lo thsüshihpü jih.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.