JEREMIA 9:8 - AMÜSÜH HÜM CL Bible (BSI)

⁸ Arü mulo ju ashebe hühzo lah; mün hode akeangyu asukchoh. Arü alalanü arü yamhingrü ki tsüyihkhi yubo asukchoh, tüshe mulong ching a jimchoh.

JEREMIA 9:8 Iomraidhean Croise

2 SAMUEL 3:27

Küyimki Abner Hebron lim alodarükhea, Joabnü api ki mükhingde athapü ripit limro lim bebah yü, tüsho ju ching apinü abuk ching düchip. Jumonü api Joab akhiung Asahel thiyih bukkhi dünkheaknü api she.

MUNGSHIKHÜN 12:2

Mihbüm abannü api yamhingrü ki akeangyu thachoh; arünü münjipjipde mülapyukchoh.

MUNGSHIKHÜN 12:3

Atungpuhnü münjipjip tüsho kükheangkhi mulo aban zhikde kamshang,

MUNGSHIKHÜN 120:3

Nü kilim tümü jihba, yungsho nü ki tümü thsüba, nüsa akeangyu mulo?

MUNGSHIKHÜN 28:3

Sherünü yamhingrü ki mungtsü asukcho, tüshe arü mulong ching amütsü larü mihbukmuyuk lung I dübahyuk.

MUNGSHIKHÜN 35:20

Tümüde arünü mungtsü masuk, tüshe arünü lomi ching keamramde alarü azhihde mülapmüji asahchoh.

MUNGSHIKHÜN 55:21

Api mün ching thiyubo ju shihkingkung kheaknü athünakbe, tüshe api mulong ching thirithsü lakheah; api yubo ju müdangke kheaknü athünakbe tütüshe jurübo ayuk nukshangbo lakheah.

MUNGSHIKHÜN 57:4

I a mihtsürü tsühbe kekhüzübo nangde alakhi thiriribonü sündobah lah; arü hübo thsüh tüsho hühzobo ah tüsho arü mulo ju azüpzüp nukshang ah.

MUNGSHIKHÜN 62:5

I menü Thrünpuh thsungkheak lang zhikde aleangchoh, tümüde I mükkin ju api kilimnü lah.

MUNGSHIKHÜN 64:8

Arü mulo dünkheaknü apinü arü kheak athsümünim handarübah; arü ngürü alalanü arü kubo angambah.

MÜCHITMUDU 25:18

Mihtsürü shepünü nihbuh yamhingrü azhihde thiyumütsan thsüchonü shitso, nukshang, tüsho hühzo nangde lah.

JEREMIA 5:26

Tümüde I mihtsürü bolung mihmukhiuhbo lah; arünü püpürü kukrukbo luchoh. Damrimrünü ajimkhi nangde azheang thsübah mihtsürü phuhchoh.

JEREMIA 5:9

Hadürü dünkheak inü arü müthsümüchiba de? Atungpuhnü thachoh; tüsho hadürü hode inü trükshih kheak romüyimba de?

JEREMIA 9:3

Arünü akeangyu thsungkheak arü mulobo sanglüh nangde hünchoh; arübo lomi ching thiyuro thsungkheak amürangrü yung; tümüde arünü amütsü chingnü amütsü ching yüdo, tüsho arünü I mümükheah, Atungpuhnü thachoh.

JEREMIA 9:4

Nü yamhingrübo dünkheak rhüngrhüngang, tüsho nü keoniorü she kheak she akin düla; tümüde nü keoniorü alala mülapmüjirü, tüsho nü yamhingrü abannü achikhirü nangde lah.

JEREMIA 9:5

Arü alalanü arü yamhingrü mülapyukchoh, tüsho shenü she thiyuro masuk; arünü akeangyu thapü arü mulobo ki thsangyudo; arünü amülim yihbeakdo tüsho neak yihbeakkhinü keaka lah.

MIKA 6:12

Anihbe alarübo athsümünimrü ah; anihbe mihtsürübo akeangyu tharü ah, tüsho arü mulonü mülapmüjide thachoh.