JEREMIA 9:7 - AMÜSÜH HÜM CL Bible (BSI)

⁷ Jumonü Wuto Atungpuhnü ha thachoh: Inü kheakü arü tsangkhitbah tüsho rükakibah, tümüde I mihtsürü neak dünkheak inü tümü thsükhukba?

JEREMIA 9:7 Iomraidhean Croise

2 SAMUEL 13:26

Judüki Absalomnü tha, “Jude yungsho, muzhobah I khiung Amnon isa lung arüshang.” Kiulongthsüpuhnü api ki tha, “Tümü thsüpü api nü lung yüpü?”

2 KIUTHSÜYUKHEAN 36:15

Atungpuh , arü jipürü Thrünpuhnü api yunithsürübo hode mutukzhakde arü kilim thiyusheak yüshih, tümütüsho apinü anihbuh mihtsürü tüsho api lapung kheak amuzho lakheah;

MUNGSHIKHÜN 120:4

Thirithsürü ayuk hühzobo, mokhih-mürüm bede!

MUNGSHIKHÜN 55:22

Atungpuh kheak nü hahmülang zojang, tüsho apinü nü tsunglobah; apinü küyimkishe thiyuro-lungkirü matrütshih.

MUNGSHIKHÜN 62:5

I menü Thrünpuh thsungkheak lang zhikde aleangchoh, tümüde I mükkin ju api kilimnü lah.

ISAIA 1:25

Inü nü azhihde I khah rholobah; yinchikhih tsangkhitkhi nangde nü münean alala yihkhita bahjihbah.

ISAIA 48:10

Kheahang, inü nü tsangkhitdo tüshe shotoyinchi nangde yung; inü thsünü motru ching nü rükakido.

ISAIA 59:3

Tümüde nüsa khahbo thiyihnü tüsho nüsa yingkhingbo amülimnü müneana lah; nüsa münküpnü akeangyu asukdo, nüsa mulonü mihbukmuyuk kolahdo.

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

JEREMIA 5:1

Jirusalem kiudunglimrobo hode yüla arüla de alihang, mükamde kheahang tüsho mütsanang! Wungdobo ching yimang tüsho nünü thiyuro rhimorü tüsho thiyuro yimrü mihtsürü khülang lang she ngünahnü kheahang– junangde inü Jirusalem neak bahjihanü.

JEREMIA 6:27

Inü nü I mihtsürübo thsungkheaknü qiuakheahbe tüsho atsangkhitbe kamshihdo, junangde nünü arü limro mükheahbah tüsho tsahakheahbah.

HOSEA 4:1

Atungpuh yu soang, O Israel mihtsürü; tümüde Atungpuhnü lomi ching larü thürühpü lah. Lomi ching athülünkhi yungsho mihmuzho, tüsho Thrünpuh mükheahkhi müla.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

MALAKI 3:3

api ju atsangkhitbe tüsho shotoyinchi tsangkhitbe nangde abinbah tüsho apinü suna le shotoyinchi tsangkhitkhi nangde Levi tsühsoniusobo tsangkhitbah, junangde arünü thiyuro-lungki ching Atungpuh kilim kingaünbo hande arübah.

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

1 PETER 4:12

Amuzho müyamrübo, nüsa rükaki thsünü lachoki nüsa ki tümükhüh aso dünjikhi nangde dümüyinsah.