JEREMIA 9:6 - AMÜSÜH HÜM CL Bible (BSI)

⁶ Junokhi kheak junokhi, mülapmüji kheak mülapmüji! Arünü I mükheahpü thsunglochoh, Atungpuhnü thachoh.

JEREMIA 9:6 Iomraidhean Croise

MÜCHITMUDU 1:24

Tümütüsho inü ji tüsho nünü reanglo, inü I khah chungkhit tüsho shenü manijih,

MÜCHITMUDU 1:29

Tümütüsho arünü mükheahmudu thranean tüsho Atungpuh trepü mümokhit,

ISAIA 1:25

Inü nü azhihde I khah rholobah; yinchikhih tsangkhitkhi nangde nü münean alala yihkhita bahjihbah.

ISAIA 1:3

Moshipungnü atungrü mükheahlah, tüsho donkinü aputungrünü yimkippung mükheahlah; tüshe Israelnü mümükheah, I mihtsürünü manikhit.

ISAIA 4:4

Küyimki Atungpuhnü Zion liberü münean tüsho Jirusalem thiyih bukkhi mahkhapkhi me tüsho motakkhi menü müsühjihbanü,

JEREMIA 11:10

Arünü adüso arü jipürü I yu anipü reanglorü amülimbo lim rholode yüdo; arübonü püpürü thrünpuhbo dunglim tankihpü yüabahdo; Israel yamkhün tüsho Juda yamkhünnü inü arü jipürü ki tangzüngkhi thsümünimdo.

JEREMIA 11:19

Tüshe I a azhihayihkhi namfimihnunu alaksahpü bede yükhi ruk lakheah. Tüsho ha I azhihkhi ah de inü mümükheah, junangde arünü amütsü lümkhi thsüde tha, “ Isanü sangaso kihde sangdung kiushakanü, isanü api rhangdung lomi chingnü lipkhianü, junangde api mung kheaküa mülümkhit!”

JEREMIA 13:10

Ha amütsü mihtsürü, sherünü I yu anipü thsunglocho, sherünü nihnihde arü lümkhi ching yancho tüsho püpürü thrünpuhbo dunglim arü tankihpü tüsho kingaünpü yüdünü, atsü thsungkheak tümü mülakhi ha chimrüm khim nangde alabah.

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

JEREMIA 5:27

Wuhnubonü amikhi truji nangde, arü yambo mulomülapnü milah; jumonü arübo ato tüsho alarü kamkheah,

JEREMIA 8:5

Dale küde ha mihtsürünü murholo tsantsande tsoa la? Arünü akeangyu kheak düküngde ramrihdo, arünü arholopü reanglodo.

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

1 KORINT 15:34

Nü lümkhi alungki ching arang, tüsho neak düyihbeaklo. Tümüde khürü a Thrünpuh mükheahkhi müla. Inü ha nüsa achihbe thachoh.

1 SAMUEL 2:12

Kheakü Eli tsührübo mihyuchi ching mülarü lakheah; arünü Atungpuh mümükheah.