JEREMIA 9:5 - AMÜSÜH HÜM CL Bible (BSI)

⁵ Arü alalanü arü yamhingrü mülapyukchoh, tüsho shenü she thiyuro masuk; arünü akeangyu thapü arü mulobo ki thsangyudo; arünü amülim yihbeakdo tüsho neak yihbeakkhinü keaka lah.

JEREMIA 9:5 Iomraidhean Croise

THRÜNTAN 19:11

Tüsho arünü thüyam ripit limro kheak larü anini tüsho ato chido mük tukshihpünü shik, junangde arünü khimdopü müyimkhit.

JOB HU H T ANYU 11:3

Nü keangthakhinü püpürü zhikde akamshihba de, tüsho nünü luhmünechoki khürünü nü mümüdanba de?

JOB HU H T ANYU 15:5

Tümüde nü amülimbonü nü mün thsangyuchoh, tüsho nünü mulomülaprü mulo mokhitchoh.

MUNGSHIKHÜN 140:3

Arü mulo phuruto nangde zükhitchoh; arü münküpbo khüp ngümto müzüm lah.

MUNGSHIKHÜN 50:19

Nünü kamruhroro amütsü asukpü thsakhamlah; nünü küyimkishe akeangyu thapü mudukiuhlo.

MUNGSHIKHÜN 52:3

Nünü atsü kheaknü alü amütsü, tüsho thiyuro-lungki asukpü kheaknü alü akeangyu thapü muzholah.

MUNGSHIKHÜN 64:3

sherünü nukshang nangde arü mulo zücho, tüsho hühzobo nangde arü akhüh yubo amucho,

MUNGSHIKHÜN 7:14

Shepü amütsü-rhimonü mübünkeangde kamcho, tüsho küpkhuk lashihchonü akeangyu zübechoh.

MÜCHITMUDU 12:5

Thiyuro-lungkirü lümkhibo alim lah, tüshe mihbukmuyuk lümthiyanbo mülapyukbe lah.

MÜCHITMUDU 4:16

Tümüde arünü amütsü mürhimoyikia arü müyapchoh; arünü khürü mükeamshihyikia arü yapshede müyü.

ISAIA 5:18

Nüsa shepü akeangyu liubo yande amülim müshamcho, shepünü lolungbe liubo yande neak müshamchonü are,

ISAIA 57:10

Hihde arümkhinü nü keakabah, tüshe nünü, “Ha akeangkeang” de mütha. Nünü nü shihkünkhi alü kamdo de ngü, tüsho junangde nünü muyiuhyiuh.

JEREMIA 12:13

Arünü wheat hi yang tüshe ayangbo yimludo, arü keakzungdo tüshe tümü alü müla. Atungpuh bukakhiukkhi hode arü yimlukhi ching arü achihbah.

JEREMIA 12:6

Tümüde nü keoniorü tüsho nü yamkhünnü she nü kheak mihyu manide rhimodo; arünü nü azhihde azhikhi lah; arünü nü ki müyamrü yu thatha she arü kheak akin düla.

JEREMIA 13:23

Ethiopiarünü arü küp müthrikhukba de, yungsho sangtsungbonü arü yak müthrikhukba de? Jushu lang nünü she amütsü rhimode alakhi atsü rhimobah.

JEREMIA 4:22

“Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

JEREMIA 51:58

Wuto Atungpuhnü ha thachoh: Babilon chipi ato ju alo arihde akambah, tüsho anihbe chipiripit achangbo monü atakbah. Mihtsürübo akeangkeang ching khichoh, tüsho trükshihbonü mo thsungkheak lang rhimochoh.

JEREMIA 51:64

tüsho thaang, ‘ Hanangde inü anihbe kheak thsümütsü handarükhi dünkheak Babilon keamyukbah, masürülo.’ ” Ha khiungde Jeremia yubo lah.

JEREMIA 7:28

Nünü arü ki thabah: Ha Atungpuh arü Thrünpuh yu manikhi trükshih tüsho yakli danyukkhi müleangkhi; thiyuro dükheakdo; ha arünü müthadebah.

JEREMIA 9:3

Arünü akeangyu thsungkheak arü mulobo sanglüh nangde hünchoh; arübo lomi ching thiyuro thsungkheak amürangrü yung; tümüde arünü amütsü chingnü amütsü ching yüdo, tüsho arünü I mümükheah, Atungpuhnü thachoh.

JEREMIA 9:8

Arü mulo ju ashebe hühzo lah; mün hode akeangyu asukchoh. Arü alalanü arü yamhingrü ki tsüyihkhi yubo asukchoh, tüshe mulong ching a jimchoh.

EZEKIEL 24:12

Akeangkeang ching I khido; monü she thrung akheah mutsoshih.

MIKA 6:12

Anihbe alarübo athsümünimrü ah; anihbe mihtsürübo akeangyu tharü ah, tüsho arü mulonü mülapmüjide thachoh.

MIKA 6:3

“ O I mihtsürü, inü nüsa ki tümü rhimoa la? Tümü ching inü nüsa khishih-a la? I ki aloang!

HABAKKUK 2:13

Mihtsürübonü motrushihpü mokhih lang Atungpuh kilimnü mürhimode tüsho akeangkeang ching trükshihbo khichoh yung de?

MALAKI 2:10

Isa alala abuh khülang lah yung de? Thrünpuh khülangnü isa thrünkhi yung de? Dale tümüde isanü isa jipürü tangzüng müneande khülangnü khülang ki akin mülaachih le?

EFISIA 4:25

Jumonü arükchih lakhi bahbah mihbüm abannü yamhingrü ki thiyuro thaang, tümüde isa rukhüh kheyukrü ah.

1 TIMOTHI 4:2

Hadürü thsangyukhibo ju yinchi takmürümkhinü athsahkhi nangde arü lümkhibo shekhirü akeangyu tharü hode bushihchoh.

MAHKHAPRÜ 2:10

Küyimki ju lün alala arü bebuhrü ki mukhungkhea, Atungpuh mümükheahkhi yungsho Israel thsungkheaknü rhimokhi mümükheahkhi, arü dunglim lün püpü asürü.