JEREMIA 9:4 - AMÜSÜH HÜM CL Bible (BSI)

⁴ Nü yamhingrübo dünkheak rhüngrhüngang, tüsho nü keoniorü she kheak she akin düla; tümüde nü keoniorü alala mülapmüjirü, tüsho nü yamhingrü abannü achikhirü nangde lah.

JEREMIA 9:4 Iomraidhean Croise

THRÜNTAN 32:28

Tüsho apinü tha, “Nü mung kheaküa Jakob de müji, tüshe Israel; tümüde nünü Thrünpuh tüsho mihtsürübo bede shochih, tüsho kukdo.”

MUNGSHIKHÜN 101:5

Shepünü nihbuh yamhingrü mülapmüjichonü inü api thsümünimbah; shepü mükzahlungzah la tüsho akükheangkhi mulong lanü, inü api marümkheam.

MUNGSHIKHÜN 15:3

Shepünü api mulonü müjipjipraracho, tüsho api müyamrü ki amütsü müthsücho, yungsho api yamhingrü ki azhihde kiubuyu müthacho;

MÜCHITMUDU 10:18

Shepünü athraneankhi ramchonü akeangyu münküpbo lah, tüsho shepünü dünthamungtha bushihchonü makharü ah.

MÜCHITMUDU 25:18

Mihtsürü shepünü nihbuh yamhingrü azhihde thiyumütsan thsüchonü shitso, nukshang, tüsho hühzo nangde lah.

MÜCHITMUDU 4:16

Tümüde arünü amütsü mürhimoyikia arü müyapchoh; arünü khürü mükeamshihyikia arü yapshede müyü.

MÜCHITMUDU 4:17

Tümüde arünü mihbukmuyuk yikhap tsühchoh, tüsho athsümünimbe yukhu yungchoh.

MÜCHITMUDU 6:16

Harü mungji thuruk Atungpuhnü thraneanlah, am, thüne apinü thranean lah:

MÜCHITMUDU 6:19

arükchih thiyumütsan asukkhi, tüsho keoniorü bolung alanaji akhiukshihkhi mihtsürü.

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

ISAIA 9:16

tümüde sherünü ha mihtsürübo bekheanü arübo bephülapdo, tüsho sherübo arünü abekheanü yingyingde zojih.

JEREMIA 12:6

Tümüde nü keoniorü tüsho nü yamkhünnü she nü kheak mihyu manide rhimodo; arünü nü azhihde azhikhi lah; arünü nü ki müyamrü yu thatha she arü kheak akin düla.

JEREMIA 6:28

Arü alala nihnihrara azhihrü, chikhide atsahrü, arübo müwayinchi tüsho yinchi, arü alalanü thsünimthsüshide rhimochoh.

JEREMIA 9:8

Arü mulo ju ashebe hühzo lah; mün hode akeangyu asukchoh. Arü alalanü arü yamhingrü ki tsüyihkhi yubo asukchoh, tüshe mulong ching a jimchoh.

EZEKIEL 22:9

Nüsa mihtsürü khürü asheshihpü akeangyu tharü lah. Arü khürünü sangthsü kingaünkhibo tsühchoh tüsho yüliyürarü lah.

LEVI 19:16

Nünü nü mihtsürü lung jipjiprarade wutula akila de düthsü, tüsho nü yamhingrü rhangdung azhihde düzhip: I Atungpuh ah.

MALAKI 2:10

Isa alala abuh khülang lah yung de? Thrünpuh khülangnü isa thrünkhi yung de? Dale tümüde isanü isa jipürü tangzüng müneande khülangnü khülang ki akin mülaachih le?

MATHI 10:17

Tüshe mihtsürübo dünkheak kümkangang, tümüde arünü nüsa kiuthsü-binkiubo kilim jihbah tüsho sinagogbo ching nüsa rhapbah.

MATHI 10:21

Kheakü keoniorünü keoniorü tüsho buhrünü tsührü ashepü ching jihbah; tsührübonü berübuhrü azhihde wusubah tüsho arü asheshihbah.

LUKNÜ ATHRÜTKHI THIYUSHEAK-ATSÜ HUHTANYU 21:16

Nüsabo ju bebuhrü le keoniorü, betsührü tüsho müyamrübonü she mülapyukbah; tüsho arünü nüsa khürü a asheshihbah.

1 TESALONIKA 4:6

junangde mihtsürü shenü she hadürü ching nihbuh keoniorü ki müthsümünim, tüsho amülim müthsü, tümütüsho isanü nüsa ki amüngühnü düh de athakhi nangde harü alala ching Atungpuh ju royimrü lah.