JEREMIA 9:3 - AMÜSÜH HÜM CL Bible (BSI)

³ Arünü akeangyu thsungkheak arü mulobo sanglüh nangde hünchoh; arübo lomi ching thiyuro thsungkheak amürangrü yung; tümüde arünü amütsü chingnü amütsü ching yüdo, tüsho arünü I mümükheah, Atungpuhnü thachoh.

JEREMIA 9:3 Iomraidhean Croise

THRÜNTAN 39:16

Jumonü api putungrü thüyam lim marüyi khiungde alibenü khimmih ju anihbe ki zo.

MÜCHITMUDU 12:5

Thiyuro-lungkirü lümkhibo alim lah, tüshe mihbukmuyuk lümthiyanbo mülapyukbe lah.

ISAIA 1:3

Moshipungnü atungrü mükheahlah, tüsho donkinü aputungrünü yimkippung mükheahlah; tüshe Israelnü mümükheah, I mihtsürünü manikhit.

ISAIA 3:5

Mihtsürübo mihbüm abande püpürünü tüsho mihbüm abande yamhingrünü junobah; athunurünü azothsürü ki, tüsho akheamkhirünü wüntre larü ki mükhemükimbah.

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

ISAIA 9:18

Tümüde mihbukmuyuknü mo nangde takchoh, khingphu tüsho ayangbo aniuabahchoh; hanü murung achak takkihchoh, tüsho mokhüh nangde yükihchoh.

JEREMIA 12:6

Tümüde nü keoniorü tüsho nü yamkhünnü she nü kheak mihyu manide rhimodo; arünü nü azhihde azhikhi lah; arünü nü ki müyamrü yu thatha she arü kheak akin düla.

JEREMIA 22:16

Apinü zhochihrü tüsho müthsümülarü dünkheak mahkhap; ju tsüde alakheah. Ha amütsan I mükheahpü yung de? Atungpuhnü thachoh.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

JEREMIA 4:22

“Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

JEREMIA 5:4

Judüki inü tha, “Harü lang zhochihrü ah, arübo lümduhlah; tümüde arünü Atungpuh limro, arü Thrünpuh yakzan mümükheah.

JEREMIA 5:5

I atorü kilim yübah tüsho arü ki asukanü; tsükjide arünü Atungpuh limro, arü Thrünpuh yakzan mükheahlah.” Tüshe arü rukhühnü sangkaplak yihshakdo, arü rhükkhi rukshakdo.

JEREMIA 6:28

Arü alala nihnihrara azhihrü, chikhide atsahrü, arübo müwayinchi tüsho yinchi, arü alalanü thsünimthsüshide rhimochoh.

JEREMIA 7:26

tütüshe arünü I ki mani yungsho manguh, tüshe arü hungbo chungthülangde la. Arünü arü jipürü kheaknü amütsübe rhimodo.

JEREMIA 9:5

Arü alalanü arü yamhingrü mülapyukchoh, tüsho shenü she thiyuro masuk; arünü akeangyu thapü arü mulobo ki thsangyudo; arünü amülim yihbeakdo tüsho neak yihbeakkhinü keaka lah.

JEREMIA 9:8

Arü mulo ju ashebe hühzo lah; mün hode akeangyu asukchoh. Arü alalanü arü yamhingrü ki tsüyihkhi yubo asukchoh, tüshe mulong ching a jimchoh.

EZEKIEL 8:13

Kheaküshe apinü tha, “Arünü alü athraneanbe rhimokhi nünü angübah.”

DANIEL 11:27

Judüki kiulongthsürü mahne ju lümkhi amütsü hanbah tsühyungpü dükhüm khülang kheak binbah, tüsho anenü khülangnü khülang ki akeangyu thaachihbah, tüshe ju akuk müngü, tümütüsho ju kim akhukhi mukhiungyi.

LEVI 19:11

Nüsanü dahüh yungsho rük thsüde dümülapyuk yungsho khülangnü khülang ki akeangyu dütha.

MARK 8:38

Tümütüsho shepünü ha yüliyüra tüsho neak lakhi lün ching I tüsho I yubo dünkheak achihbanü, amüsüh yunirübo bede Abuh müretahkhi ching api arüchoki Mihtsürü Tsührünü anihbuh dünkheak achihbah.”

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

YUNIRÜBO RHIMO 24:9

Tüsho Jihudarünü she harü thiyuro ah de lümbah amüdamkhi lung berung.

ROMRÜ KILIM PAULNÜ ATHRÜTKHI KIHÜM HUHTANYU 1:16

Tümütüsho inü thiyusheakatsü dünkheak machih: ha akin larü aban kilim akhuhde Jihudarü tüsho Greekrü kilim akhümkhit thsungkheak Thrünpuh wu lah.

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

ROMRÜ KILIM PAULNÜ ATHRÜTKHI KIHÜM HUHTANYU 3:13

Arü thrukeang ju akhimshuhkhi kiuyuk ah, arü mulonü mülapyukchoh. Arü münküpbo khüp phuruto müzüm lah.

1 KORINT 15:34

Nü lümkhi alungki ching arang, tüsho neak düyihbeaklo. Tümüde khürü a Thrünpuh mükheahkhi müla. Inü ha nüsa achihbe thachoh.

FILIPI 1:28

Tüsho nüsa azhihrübo hode tümü ching she nüsa mümüzün, ha arü thsümünimpü arü ki mütsandakkhi lah, tüshe nüsa akhümkhit Thrünpuh kilimnü lah.

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

JUDNÜ ATHRÜTKHI KIHÜM HUHTANYU 1:3

Amuzho müyamrübo, isa rukhüh akhümkhit dünkheak nüsa kilim thrütpü khide mulungkhinü, khülangkinü lang amüsührü kilim jihkhi akin dünkheak shochihpü tuthsukde nüsa kilim thrütpü yihnüpü lakheah.

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.

MAHKHAPRÜ 14:17

Kheakü alibenü arü thünio kheambah nimung thüne bankhitde api ki trip. Tüsho thüne nipü apinü alibe ki tha, tümütüsho alibenü api ki khide thsurang. Jushu alibenü anihbe mihtsürübo ki akeokhikhi thaa huh.

MAHKHAPRÜ 2:10

Küyimki ju lün alala arü bebuhrü ki mukhungkhea, Atungpuh mümükheahkhi yungsho Israel thsungkheaknü rhimokhi mümükheahkhi, arü dunglim lün püpü asürü.

1 SAMUEL 2:12

Kheakü Eli tsührübo mihyuchi ching mülarü lakheah; arünü Atungpuh mümükheah.