JEREMIA 9:25 - AMÜSÜH HÜM CL Bible (BSI)

²⁵ Atungpuhnü thachoh, küp lang tsütabahrü alala inü athsümüchipü nimung tsükjide arado:

JEREMIA 9:25 Iomraidhean Croise

JEREMIA 25:23

Dedan, Tema, Buz, tüsho kuyü khihde ahütrü alala;

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JEREMIA 49:32

Arü yo kemelbo tüsho moshibo yankhia luang. Limshu ching larübo apung ching hiumüzütshihbah, tüsho thrip aban chingnü arü azhihde inü thsümütsü handarübah, Atungpuhnü thachoh.

EZEKIEL 28:10

Khiungkerübo khah hode nü a tsütamübahrü shenü ashebah; tümüde inü asukdo, Atungpuh Thrünpuhnü thachoh.

EZEKIEL 31:18

Eden sangdung bolung nü nangde müretahkhi tüsho toshangkhi küpü a? Kheakü nü a Eden sangdungbo lungnü abobe lomi ching bede yüzahbah; nü ju nukshangnü alaksahkhi tsütamübahrü bolung yapbah. Ha Pharao tüsho api boto alala ah, Atungpuh Thrünpuhnü thachoh.

EZEKIEL 44:7

Nüsanü athraneanbe rhimokhi lungnü nüsanü mulong tüsho shih tsütamübahkhi khiungkerü I arüngyam ching beyukde nüsanü tsühyungpü, amüdang tüsho athiyih jihchoki I arüngyam müneanjih tüsho nüsanü I ki tangzüngkhi thsümünim.

LEVI 19:27

Nüsanü nüsa müchipnam hütadübah, yungsho mükhühnam dünipmüchih.

LEVI 26:41

tüsho inü nüsa azhihkhi hode nüsabo thiriri lo ching hande yükhea; nüsa mulong tsütamübahkhi azhihayihde kamsho, tüsho nihbuh neak le azhihde atsahkhi thsüphulosho,

AMOS 3:2

Alomi ching yamkhün alala lung inü nü lang mükheahlah; jumonü nü neak alala dünkheak inü nü thsümüchibah.

ROMRÜ KILIM PAULNÜ ATHRÜTKHI KIHÜM HUHTANYU 2:28

Mihtsürü ju amikheak lang a sho, yungsho amikheak shih tsütabahkhi lang a sho Jihudarü yung.

ROMRÜ KILIM PAULNÜ ATHRÜTKHI KIHÜM HUHTANYU 2:29

Shepü alunglim lanü api Jihudarü ah tüsho atsütsü tsütabahkhi ju mulong tüsho me ah tüshe atsütsünü yung. Api mungshi ju mihtsürü kilimnü yung tüshe Thrünpuh kilimnü lah.

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”