JEREMIA 9:24 - AMÜSÜH HÜM CL Bible (BSI)

²⁴ tüshe arünü I Atungpuh de anikhitkhi tüsho mükheahkhi ching kükheangshang; inü muzhodakde, thiyuro tüsho alomi ching thiyurolungkinü rhimochoh, tümüde hadürü ching inü asühlah, Atungpuhnü thachoh.

JEREMIA 9:24 Iomraidhean Croise

MUNGSHIKHÜN 20:7

Khürünü khora-lolungbe tüsho khürünü khorabo kheak akin lachoh; tüshe isanü Atungpuh isa Thrünpuh mung lümkhitbah.

MUNGSHIKHÜN 34:2

I menü Atungpuh lung kükheangbah; junoa larünü ha sobah tüsho asühbah.

MUNGSHIKHÜN 34:3

I lung Atungpuh müretahshang, tüsho isa rukhühnü api mung shuhkihanü.

MUNGSHIKHÜN 44:8

Isanü Thrünpuh lung nimung amuyung kükheangchoh, tüsho lünnü nü mung shichoh.

MUNGSHIKHÜN 44:9

Tüshe nünü isa bahyuk tüsho achih ngüshih; nünü isa bonungrübo lung müyü.

MUNGSHIKHÜN 51:1

O Thrünpuh, nü muzho yande I kheak amüthsüm laang; nü amüthsüm hihdakkhi yande I amülimbo nankhita bahjang.

MUNGSHIKHÜN 91:14

Tümütüsho apinü nihbuh amuzho I kheak zo, jumonü inü api bekhitbah; inü api achang kheak lashihbah, tümütüsho apinü I mung mükheahdo.

MUNGSHIKHÜN 99:4

Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

ISAIA 20:5

Tüsho arünü arü mulonglamkhi Ethiopia tüsho arü kükheangkhi Ijip dünkheaknü trede achih ngübah.

ISAIA 41:16

Nünü arü yünbah tüsho apungnü hande atsobah, tüsho chinthrümnü arü yünmüzütbah. Judüki nünü Atungpuh lung asühachihbah; Amüsüh Israel Thrünpuh lung nü müretahbah.

ISAIA 45:25

Atungpuh kheak Israel tsührü alala alim kambah tüsho müretahbah.

ISAIA 61:8

Tümüde I Atungpuhnü thiyuro muzholah, inü ahühara tüsho amülim rhimo thraneanlah; inü thiyuronü arü kilim thsambah jihbah, tüsho inü arü ki akheam mülakhi tangzüng khülang thsübah.

JEREMIA 22:16

Apinü zhochihrü tüsho müthsümülarü dünkheak mahkhap; ju tsüde alakheah. Ha amütsan I mükheahpü yung de? Atungpuhnü thachoh.

JEREMIA 4:2

tüsho nüsanü, “Atungpuh lale!” de thiyuro ching, jakmükheahkhi ching, alungki chingnü thiyuchihchimsho, apinü trükshihbo müngühjihbah, tüsho api lung arü müretahbah.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

LUKNÜ ATHRÜTKHI THIYUSHEAK-ATSÜ HUHTANYU 10:22

I Buhnü lüpdükhi I kilim jihdo, tüsho Abuh kheak hode shenü atsührü mümükheah, tüsho atsührü le api amikheak akhiukshihpü mokhitrü kheak hode shenü Abuh mümükheah.”

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

ROMRÜ KILIM PAULNÜ ATHRÜTKHI KIHÜM HUHTANYU 5:11

Ju lang yung, tüshe shepü hode kheakü isa tsüarihkhi leangkhia la, isa Atungpuh Jisu Khrista hode Thrünpuh lung she isa asühachihchoh.

1 KORINT 1:31

jumonü ha thrüta lah, “Shepü kükheangchonü, Atungpuh lung kükheangshang.”

2 KORINT 10:17

“Shepünü kükheangchonü, Atungpuh dünkheak kükheangshang.”

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

GALATIA 6:14

Tüshe küpü hode alomi I lung, tüsho l alomi lung yümkihkhea, isa Atungpuh Jisu Khrista sangkim kheak hode akükheangpü I kheaknü limshuang.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.