JEREMIA 9:23 - AMÜSÜH HÜM CL Bible (BSI)

²³ Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

JEREMIA 9:23 Iomraidhean Croise

JOB HU H T ANYU 32:13

Tütüshe, “Isanü lümlung ngüdo; Thrünpuhnü api yu aloshang, mihtsürünü yung,” de dütha.

JOB HU H T ANYU 41:15

Adüthsün ju tsungbonü thürünga lah, düküngde rhükrulah.

MUNGSHIKHÜN 33:5

Apinü thiyuro-lungki tüsho thiyuro muzholah; alomi ju Atungpuh muzhodakkhinü milah.

MUNGSHIKHÜN 34:3

I lung Atungpuh müretahshang, tüsho isa rukhühnü api mung shuhkihanü.

MUNGSHIKHÜN 44:9

Tüshe nünü isa bahyuk tüsho achih ngüshih; nünü isa bonungrübo lung müyü.

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

MÜCHITMUDU 11:4

Bukakhiuk nimung ching lakhit tümü alü müla, tüshe thiyurolungkinü ashe chingnü bekhitchoh.

MÜCHITMUDU 21:30

Atungpuh azhihde lümlung yungsho anikhitkhi yungsho lümthiyan tümü müla.

MÜCHITMUDU 3:5

Nü mulong athrünkhinü Atungpuh kheak kinang tüsho nü anikhitkhi kheak dangükih;

T H S AN GYU T H S AN GR ARÜ 2:19

Tüsho api lümlung larü mihtsürü laba shi makharü labanü shepünü mükheahla? Tütüshe alomiküp ching inü arhimokhi tüsho I lümlung ahorikhi alala kurungkheak arünü aputungrü thsübah. Ha she akeangkeang.

T H S AN GYU T H S AN GR ARÜ 9:11

Kheaküshe alomiküp ching inü angükhi ju, athride alihrünü kamruhroro malihkhukchoh, mulong zahrünü kamruhroro thirithsü mukukchoh, lümlung larünü kamruhroro jim müngüchoh, kukhiuk ayuk mihtsürünü kamruhroro lakhit müngüchoh, tüsho anikhit mihtsürünü kamruhroro achang ching müyükihchoh. Kuhi amütsü mihbüm abande dünjichoh.

ISAIA 10:8

Tümüde apinü tha: “ I yo limthorübo alala kiulongthsürü yung de?

ISAIA 20:5

Tüsho arünü arü mulonglamkhi Ethiopia tüsho arü kükheangkhi Ijip dünkheaknü trede achih ngübah.

ISAIA 47:10

Tümüde mihbukmuyuk ching nünü kindo; nünü tha, “Shenü I müngü.” Nü lümlung tüsho nü mükheahnü nü bephülapdo, tüsho nünü mulong ching tha, “ I ah tüsho I hobah she müla.”

ISAIA 5:21

Nüsa shepü nihbuh küdah lümlung lah tüsho rükri lah de lümchonü are!

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

JEREMIA 48:14

“ Isa athrungrübo tüsho amüzhak thirithsürübo ah” de küde thsah nüsanü thakhukpü?

JEREMIA 48:7

Tümütüsho nünü nü sühmüh tüsho nü lakhitbo kheak kindo, nü she bede atsobah; nü thrünpuh Kemosh ramtso ching, api yo amükeamrübo tüsho yakzanshuhrübo bede dükde ayübah.

JEREMIA 49:4

Tümüde nü yo jindükhün thsungkheak nü kükheangcho? Nü sühmüh keakeade kamchoh O akin mülakhi tsührübe. Nünü nü rahpungbo ching kinde thachoh, “Shenü I azhihpü?”

EZEKIEL 29:9

tüsho Ijip lomi ju azhikkhi tüsho athsümünimkhi labah. Judüki I Atungpuh de arünü mükheahbah. Tümütüsho nünü tha, “ Nile ju I yo, tüsho inü ju thsükheah,”

EZEKIEL 7:19

Arünü arü shotoyinchi kiudunglimrobo ching bahbah, tüsho arü suna mümüsühkhi kukruk labah. Arü shotoyinchi tüsho sunanü Atungpuh mulong zhipzhip nimung ching arü mükhümkhit. Junü arü khümkhi reangmükeamshih yungsho bukmüthsüshih, tümüde hanü arü neak ching jing mükheshihdo.

DANIEL 3:15

Kheakü nüsanü küyimki shihjuh, khungpi, hulipungpung, bingkhung, bingshang, huhpung tüsho khün düsheak aphuaphu sobanü inü athsükhi mejak kingaünpü thsüde khukningpü thsakhama lasho khide tsülah. Tüsho nüsanü ju mükingaünsho, judüchokinü nüsa motru ching ramyukbah. Judüki tümü thrünpuhnü nüsa I khah chingnü khümkhitkhukba?”

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

ZEPHANIA 1:18

Atungpuh bukakhiuk nimung ching arü shotoyinchi yungsho sunanü arü mükhümkhitkhuk; api mükthsü mo ching alomiküp athrünkhi aniuabahbah, tümüde apinü alomi ching larü alala zukleangnü akheamshihbah.

MARK 10:24

Tüsho jingyanrübonü api yu dünkheak müyinsah. Tüshe Jisunü arü ki thalo, “Azürübo, lakhit kheak kinrünü Thrünpuh kiulongthsü ching yüzahpü küdükhüh achak a!

ROMRÜ KILIM PAULNÜ ATHRÜTKHI KIHÜM HUHTANYU 1:22

Lümlung lah de athakhinü, arü makharü kam,

1 KORINT 1:31

jumonü ha thrüta lah, “Shepü kükheangchonü, Atungpuh lung kükheangshang.”

YUZÜNGTHALO 8:17

Jumonü nüsanü nihbuh wu tüsho sühmüh hode lakhit ngüdo de küyimkishe mülümbeah.

FILIPI 3:10

junangde inü api tüsho arhang kamlokhi wu mükheahbah tüsho api shekhi ching api ruk kamde thsünükhi ching shihcham lubah,

FILIPI 3:8

Jisu Khrista I Tungpuh de amükheahkhi ching khide athülün lakhinü inü lüpdükhi kukshahkhi khechoh. Tümüde api dünkheaknü alala kukshahkhi inü thsünü, tüsho jurü sünit khejihchoh, junangde inü Khrista alü thsübah

1 TIMOTHI 6:10

Tümüde sho muzhokhi ju amütsü alala yo aying ah; ha künkhi hode khürü akin chingnü bephülapde tsodo tüsho hihde dukmüsüpkhinü arü mulongbo chinkhitdo.

1 SAMUEL 17:42

Küyimki Goliathnü David ngükhea, apinü münejih, tümüde api athunu, mürümmürido tüsho trungdung atsü lakheah.