JEREMIA 9:22 - AMÜSÜH HÜM CL Bible (BSI)

²² Asukang! Atungpuhnü ha thachoh: Mükeak ching bahyakkhi nangde, yimlurü dunglim hi bahkhi nangde, mihtsürü ashemibo keambah tüsho shenü arü mühanmukhung.

JEREMIA 9:22 Iomraidhean Croise

2 KIULONG THSÜRÜ 20:13

Hezekianü arübo leangkhi; apinü arü ki anihbuh rahpung-yam alala, shotoyinchi, suna, rhümthüneabe mungjibo, shoto müdangke, zülu, api kukruk zopung-yam ching lakhi alala huh; Hezekianü api yam ching yungsho api kiulongthsü ching muhuhkhi tümü she mülakheah.

2 KIULONG THSÜRÜ 20:15

Apinü tha, “Arübonü nü yam ching tümü ngüde?” Hezekianü alo, “Arünü I yam ching lakhi alala ngüdo; inü I kukruk zopung-yam ching arü ki muhuhkhi tümü müla.”

2 KIULONG THSÜRÜ 9:37

Jezebel mi ju Jezreel lomi mükeak ching khihmujung nangde alabah, junangde ha Jezebel ah de shenü müthakhuk.’ ”

JOB HU H T ANYU 5:13

Apinü lümlung larü arü rük mütsü ching phuhshihchoh; tüsho rük mütsürü lümkhibo nahde kheamshihchoh.

MUNGSHIKHÜN 49:7

Mihtsürü khülangnü nihbuh küdah thsüde mürhokhitkhuk; apinü anihbuh rhangdung dün Thrünpuh kilim amo müjihkhuk,

MUNGSHIKHÜN 83:10

Sherü Endor ching dükheak tüsho alo kheak sünit mujung nangde kam.

MÜCHITMUDU 18:11

Alarü lakhit ju api kiuto amüküp lah, arünü ju chipi achang nangde lümchoh.

MÜCHITMUDU 23:4

Alakhitpü hode dükhi; atuklopü lümlung laang.

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

JEREMIA 16:4

Arübo ashebe tukthsübonü ashebah. Arübo mütüzho, yungsho kiuyuka mübah; arübo alo mi kheak müneanmuru nangde alabah. Arübo nukshang tüsho khümzungnü ashebah, tüsho arü ashemibo thüning wuhnubo tüsho alomi murung shiwühbo jim kambah.

JEREMIA 25:33

Ju nimung ching Atungpuhnü alaksahkhi ju alomi akheam kheaknü akheam khülim khiungde alabah. Arübo mütüzho, yungsho mushuhmukhung, yungsho kiuyuka mübah; arübo ju alo kheak sünitmujung kambah.

JEREMIA 6:21

Jumonü Atungpuhnü ha thachoh: Kheahang, inü ha mihtsürü miki arü jing mükheshihpü jingmükhelung zojihchoh; berübuhrü tüsho tsührübo rukhühnü, yamhingrü tüsho müyamrü dükheakbah.

JEREMIA 7:33

Ha mihtsürü mibo ju thüning wuhnubo tüsho alomi shiwüh jim thsübah; tüsho shenü arü müzüna mutsoshih.

JEREMIA 8:2

tüsho arübo ju ani le khinu tüsho arünü muzhode tankihkhi, yande tüsho keokhide kingaünkhi chiningbo miki hiumüzüta labah; tüsho arü mühanmukhung yungsho kiuyuka mübah; arübo ju alo kheak bahyakkhi nangde alabah.

HABAKKUK 1:11

Junangde arünü apung nangde phütchoh; arünü lakmihchoh tüsho amülim kamchoh; arü nihbuh sühmüh ju lang arü thrünpuh ah!

ZEPHANIA 1:17

Inü hadürü lümthsünü mihtsürübo kheak handarübah, junangde arübo müktukrü nangde atsahbah; tümütüsho arünü Atungpuh azhihde neak yihbeakkhinü, arü thiyih ke nangde abukkhitbah, tüsho arü shih müneanmuru mujung nangde alabah.

YUZÜNGTHALO 8:17

Jumonü nüsanü nihbuh wu tüsho sühmüh hode lakhit ngüdo de küyimkishe mülümbeah.