JEREMIA 9:2 - AMÜSÜH HÜM CL Bible (BSI)

² O loshelo ching I lapung lakhülaa inü I mihtsürübo bahjihbah tüsho arü kheaknü tsoabahbah! Tümüde arü alala müzammüramrü, mülapyukrü boto lah.

JEREMIA 9:2 Iomraidhean Croise

ISAIA 59:3

Tümüde nüsa khahbo thiyihnü tüsho nüsa yingkhingbo amülimnü müneana lah; nüsa münküpnü akeangyu asukdo, nüsa mulonü mihbukmuyuk kolahdo.

JEREMIA 12:1

O Atungpuh küyimki inü nü azhihde athabanü nü alim labah; tüshe thiyuro dünkheak inü nü ki keokhianü: Tümüde amütsürü limro müngühmühicho? Tümüde mihyu manirübo tsüshihcho?

JEREMIA 12:6

Tümüde nü keoniorü tüsho nü yamkhünnü she nü kheak mihyu manide rhimodo; arünü nü azhihde azhikhi lah; arünü nü ki müyamrü yu thatha she arü kheak akin düla.

JEREMIA 13:22

Tüsho nü mulong ching, “Tümüde hadürü I kheak arücho?” de thasho, ha nü mülimkhi ato hode nü rungthsün lahkih, tüsho nü thsümünim.

JEREMIA 23:10

Tümüde alomi ju müzammüramnü milah; muthrumüneankhi hode lomi tüzhochoh tüsho sunglo ching shiwüh yimtsühpung kungabahdo. Arü rhangdung limro amütsü lah tüsho arü wu-sühmüh alungki yung.

JEREMIA 4:22

“Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

JEREMIA 5:1

Jirusalem kiudunglimrobo hode yüla arüla de alihang, mükamde kheahang tüsho mütsanang! Wungdobo ching yimang tüsho nünü thiyuro rhimorü tüsho thiyuro yimrü mihtsürü khülang lang she ngünahnü kheahang– junangde inü Jirusalem neak bahjihanü.

JEREMIA 5:11

Tümüde Israel yamkhün tüsho Juda yamkhünnü I ki alala mülapyukdo, Atungpuhnü thachoh.

JEREMIA 5:2

Arünü, “Atungpuh lale,” de thatha she, arünü amülim thiyuchihchimchoh.

HOSEA 4:2

Thiyuchihchim, akeangyu, mihlaksah, ahühkhi tüsho müzammüram akhiukdo; thiyih bukkhinü thiyih bukkhi yankihlah.

HOSEA 5:7

Arünü akin mülade Atungpuh ki rhimodo; tümüde arünü mihtsüzahkhi tsührübo zübedo. Jumonü kheakü arü le arü lobo nahde thsümünimbah.

HOSEA 6:7

Tüshe Adam ching arünü tangzüng lakmih; ju ching arünü akin mülade I ki rhimo.

HOSEA 7:4

Arü alala müzammüramrü ah; arü ju mokin lamlamkhi, yikhap damrünü anungchokinü akhap khiungde mo tsamukpü yihnüpü mülakhi nangde lah.

MIKA 6:12

Anihbe alarübo athsümünimrü ah; anihbe mihtsürübo akeangyu tharü ah, tüsho arü mulonü mülapmüjide thachoh.

ZEPHANIA 3:4

Wukihrübo mükümkangkhi, müthülünkhi mihtsürübo lah; amükeamrübonü tümü amüsüh lanü ju müneando, arünü yakzan thsümünimdo.

MALAKI 2:11

Judanü akin mülade lado, tüsho Israel le Jirusalem ching athraneanbe yihbeakdo; tümüde Judanü Atungpuh arüngyam apinü amuzhokhi müneanjih, tüsho sangthsü thrünpuh kingaünberü yihlu.

MALAKI 2:14

Nüsanü keokhichoh, “Tümü thsükhi apinü muhdücho?” Tümütüsho Atungpuhnü le nü athunuchoki yamkhünbe dükeak thiyumütsan rhimochoh, tümütüsho anihbe ju nü atrurü, nü rhang lakhi tangzüng yamkhünbe thsüthsü she nünü alibe kheak nünü alokhikhi thsümünimdo.

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.

MAHKHAPRÜ 2:10

Küyimki ju lün alala arü bebuhrü ki mukhungkhea, Atungpuh mümükheahkhi yungsho Israel thsungkheaknü rhimokhi mümükheahkhi, arü dunglim lün püpü asürü.