JEREMIA 9:11 - AMÜSÜH HÜM CL Bible (BSI)

¹¹ Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

JEREMIA 9:11 Iomraidhean Croise

NEHEMIA 4:2

Amüyamrü tüsho Samariarü bonungrü mikinü apinü tha, “Harü süküp mülarü Jihudarübo tümü thsücho? Arünü kiuto thsülokhukba de? Arünü rhangdung shuhmülanga jihba de? Arünü nimungkhühnü rhimo banba de? Atakkheamkhi lungbonü arünü thüyam thsülokhukba shi?”

MUNGSHIKHÜN 107:43

Sherübo lümlung lanü harübo anibah. Tüsho arünü Atungpuh mihmuzho anikhitbah.

MUNGSHIKHÜN 44:19

Tüshe nünü isa zünak tüsho shirungbo lapung kamshih tüsho amiting akheahnü isa muhiudo.

MUNGSHIKHÜN 79:1

O Thrünpuh, trükshihbo nü yamrüplurüp ching azahdo; arünü nü amüsüh arüngyam thsümünimdo; arünü Jirusalem thsümünima mujungshihlah.

ISAIA 13:22

Rimrebonü aheangsadambo kheak khungbah, tüsho shirungbo kiulongthsürü yam atsüdakbo ching labah; ha kim khah ki phünide lah, tüsho ha nimung makhin.

ISAIA 25:2

Tümüde nünü kiuto amujung kamshihdo, chipi ayünkhi kiuto thsümünimdo; khiungkerü yo kiulongthsürü yambo lakhi kiuto kheaküa müla, ha küyimkishe müthsülo.

ISAIA 34:13

Chipibo kheak ayang mukhuhbah, tüsho khingphu le thurukmüthsübo chipibo ching labah. Ju shirungbo mungpung tüsho kewühtopü lapung kambah.

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

JEREMIA 1:15

Tümüde kheakü inü dukulim kiulongthsü trükbo alala ki jichoh, Atungpuhnü tha; tüsho arü arübah tüsho arü alalanü Jirusalem chipiripitbo ki mükamde alakhi rhü alala kheak tüsho Juda kiutobo alala kheak kiulongthsü-binkiu zobah.

JEREMIA 10:22

Kheahang, düsheak khülang, alankhi ato khülang dukulim lomi chingnü, Juda kiutobo zhikrangkhündo shirung lapung kamshihpü arüa lah.

JEREMIA 16:10

Tüsho küyimki nünü harü yubo ha mihtsürü ki thabanü, tüsho arünü nü ki thasho, “Tümüde Atungpuhnü ha amütsü ato isa azhihde athakhea? Isa mülimkhi tümü a? Atungpuh isa Thrünpuh azhihde isanü ayihbeakkhi neak tümü a?”

JEREMIA 25:11

Ha lomi abümnü thsümünimbah tüsho akeangkeang kambah, tüsho harü trükshihbonü kam nerü Babilon kiulongthsüpuh tankihbah.

JEREMIA 25:18

Jirusalem tüsho Juda kiutobo, kiulongthsürübo tüsho atorübo, arübo zhikrangkhündo thsümünimshihpü, arübo khihni lakhi nangde ish thsüpü tüsho muthrumüneanpü;

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

JEREMIA 26:9

Tümüde nünü Atungpuh mung chingnü, ‘ Ha yam Shilo ruk kambah, tüsho ha kiuto mihtsürü mülade zhikrangkhündo alabah’ de müchitcho?” Tüsho mihtsürü alalanü Atungpuh yam ching Jeremia mükamde mukhung.

JEREMIA 34:22

Inü thiyukhüm jihbah, Atungpuhnü thachoh, tüsho arübo ha kiuto ching belodarübah; tüsho ha bede keochihde ayankhitbah, tüsho monü atakbah. Juda kiuto mihtsürübo mülade zhikabahbah.

JEREMIA 4:27

Tümüde Atungpuhnü ha thachoh: Lomi abümnü zhikrangkhündo alabah; tütüshe inü akheam tsütsü mükamshih.

JEREMIA 44:2

Wuto Atungpuh , Israel Thrünpuhnü ha thachoh: Inü Jirusalem tüsho Juda kiutobo alala kheak handarükhi thsümütsü alala nüsanü ngüdo. Jurübo kheak kheahang; ha nimung jurübo mihtsürü mülade zhikrangkhündo lah,

JEREMIA 49:33

Hazor ju shirung lapung akheam mülakhi abahkhi kambah; ju ching sheshe müla.

JEREMIA 50:3

Tümüde dukulimnü trükshih khülang anihbe azhihde arübah; junü anihbe lomi zhikshihbah, tüsho ju ching she müla; mihtsürü tüsho shiwühbo chido tsoabahbah.

JEREMIA 51:37

tüsho Babilon ju athsümünim mujung, shirungbo yam, mihtrebe kukruk tüsho ish thsübe, mihtsürü mülade akambah.

JEREMIA 8:22

Gilead ching moli müla de? Ju ching thümürü müla de? Dale tümüde amuzhobe I mihtsürü shihphü müthsüngukhea?

TÜZHOKHI 1:4

Zion limrobo tüzhochoh tümüde thünio ching shenü marü; anihbe chipiripit alala zhika lah, anihbe amükeamrübo ashechoh; anünürübonü mulong rozhakchoh tüsho anihbe thsünü akhüh ching lah.

TÜZHOKHI 2:2

Atungpuhnü mihmüthsüm mülade Jakob lapungbo alala muyuabah; api bukakhiukkhi ching apinü Juda tsührübe chipibo lukkheamjih; apinü kiulongthsü tüsho yakzanshuhrübo wüntre mülakhi ching alo lim thokhi.

TÜZHOKHI 3:47

thsünü tüsho qimürip, abahyukkhi tüsho athsümünim isa kheak arü.

LEVI 26:32

Inü nüsa yingyingbe khungshihbah, tüsho ju ching lapü arürü nüsa riribonü ju ngübah müyinsahbah.

MIKA 1:6

Jumonü inü Samaria ju mükeak ching kurungaso yangpü dangpung amujung kamshihbah. Inü anihbe lungbo jindükhün ching zünde yükishihbah, tüsho anihbe khimtanbo lahkhitjihbah.

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.

MIKA 6:16

Nünü Omri yakzan thsükhibo tüsho Ahab yamkhün rhimobo zodo, tüsho nünü arü lalimlakobo yando. Jumonü inü nü ju athsümünim, tüsho nü kheak larübo ish thsüpü kamshihkheah; jumonü I mihtsürünü abahyukkhi nünü ahanbah.

YUZÜNGTHALO 29:23

‘ Alo athrünkhi kelülü lung, thimi tüsho atak ah; ha ching mümükhean, yungsho maso tüsho rim tümü she mumukhuh, ha Atungpuhnü abukakhiukchoki thsümünimkhi Sodom tüsho Gomorra, Adma, tüsho Zeboiim nangde alabah.’

AMIKHEAKAKHIUKKHI 18:2

Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo;