JEREMIA 9:10 - AMÜSÜH HÜM CL Bible (BSI)

¹⁰ Awungbo thsungkheak trippü tankihang tüsho tüzhoang, tüsho sunglo rim thsungkheak lungriang, tümütüsho arübo thsümünima yaplah, junangde shenü mütsahho, tüsho moshi khungkhi muso; thüning wuhnubo tüsho shiwühbo chidonü alapde tsoabahdo.

JEREMIA 9:10 Iomraidhean Croise

ISAIA 41:15

Kheakü, inü nü hinitpung yinchibeak, ayiuk, aso, tüsho ahü kihde kamshihbah; nünü awungbo nitnakbah tüsho zünakbah, tüsho nünü awung mujukbo hitsüt nangde kamshihbah.

ISAIA 49:19

Tsükjide nü yo athsümünimkhi tüsho zhikrangkhündo alakhi dangpungbo, tüsho abahkhitkhi nü lomi tsükjide kheakü lapü larü thsungkheak mathsangde alabah, tüsho nü muyurübo limshude alabah.

JEREMIA 12:10

Namfimihnu neakrü ahihdonü I yo kurungasolu thsümünimdo, arünü I shihcham junakdo, arünü inü asühkhi shihcham azhikkhi sunglo kamshihdo.

JEREMIA 12:11

Arünü ju abahkhi lo kamshih; azhikmonü, I mitripchoh. Alomi alala loshelo kamdo tüshe shenü müküm.

JEREMIA 12:4

Külokhüh alonü tüzhoba tüsho thulu sangrungbo mukuhba? Ju ching larü mihbukmuyuk lakhinü shiwüh tüsho wuhnubo shekhamdo, tümütüsho mihtsürübonü tha, “ Isanü arhimokhi Thrünpuhnü müngü.”

JEREMIA 14:6

Mütüm khorabonü awung achangbo kheak zhipchoh, arünü shirungbo nangde sheak suaneanchoh; rimlopung mülakhinü arü mük mürheakkhuk.

JEREMIA 2:15

Kekhüzübonü api azhihde arung, arünü achangnü arung. Arünü api lo abahkhi kamshih; api kiutobo mihtsürü mülade thsümünima lah.

JEREMIA 2:6

“Atungpuh küching la, shepünü isa Ijip chingnü bede atukhea, shepünü isa sunglo ching bede yükhea, loshelo tüsho alokhünbo lakhi lomi ching, akung tüsho khide amiting lomi ching, shenü mütsahhokhi lomi ching, küching sheshe mülakhea?” de arünü mütha.

JEREMIA 23:10

Tümüde alomi ju müzammüramnü milah; muthrumüneankhi hode lomi tüzhochoh tüsho sunglo ching shiwüh yimtsühpung kungabahdo. Arü rhangdung limro amütsü lah tüsho arü wu-sühmüh alungki yung.

JEREMIA 50:3

Tümüde dukulimnü trükshih khülang anihbe azhihde arübah; junü anihbe lomi zhikshihbah, tüsho ju ching she müla; mihtsürü tüsho shiwühbo chido tsoabahbah.

JEREMIA 7:29

Nüsa ku hüta bahang; awungbo kheak tüzhoang, tümüde api bukakhiukshihkhi lün Atungpuhnü bahyukdo tüsho mihabahdo.

JEREMIA 8:18

I mulong rozhak müthsüngukhuk, I mulong ching sheshichoh.

TÜZHOKHI 1:16

Harü thsungkheak inü tripchoh; I mükbo ching chike bukchoh; tümüde ashukheamrü khülang I rhangdung thsakhampü I kheaknü limshude lah; I tsührübo thsümünima lah, tümüde thiririnü kukdo.

TÜZHOKHI 2:11

I mük chingnü chike kungabahdo; I mulong thsünüchoh; I mihtsürü thsümünimkhi mulong rozhakkhi hode I khia lah, tümütüsho azürübo le khungarübo kiuto kiudunglimrobo ching sheshichoh.

TÜZHOKHI 5:18

Zion müzüng zhikrangkhündo alakhinü shirungbonü ju kheak apheanchoh.

EZEKIEL 14:15

Yungsho ju lomi hode inü mütüm shiwüh thiyikhüla tüsho arünü ju zhikrangkhündo zojihsho tüsho shiwühbo dünkheaknü shenü ju lomi muhokhukpü thsüde thsümünimsho,

EZEKIEL 27:2

Mihtsürü tsührü, kheakü nünü Tair kurungkheak tüzhoang,

EZEKIEL 29:11

Mihtsürü jingnü ha mütsahho, tüsho shiwühnü ha mütsahho; ha kam yirü mülade alabah.

EZEKIEL 33:28

inü lomi ju azhik tüsho abahkhi khülang kamshihbah, tüsho kükheangkhi yu akheam thsübah; tüsho Israel müzüngbo ju shenü mütsahhopü thsüde zhikrangkhündo alabah.

EZEKIEL 6:6

Nü kürü ching labanü, kiutobo thsümünima yapbah tüsho achang dangpungbo thsümünimbah, junangde nü yo kingaün sadambo thsümünima yapbah, nü sangthsübo kingnakbah tüsho thsümünimbah, rhümthünea kingaün sadam kingkheambah, tüsho nü rhimobo dükheakbah.

HOSEA 4:3

Jumonü lomi tüzhochoh, tüsho ju ching larü alala thsünülah; mütüm shiwühbo tüsho apung wuhnubo lung rukhüh, keto ching thüngühbo she dükheakchoh.

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.

JOEL 1:19

O Atungpuh , nü ki inü zhichoh: Tümüde monü sunglo rim muliuabahdo, tüsho motrunü thulu sangbo alala takabahdo.

AMOS 5:1

Inü nü kurungkheak tüzhokhi yu ha aniang, O Israel yamkhün:

AMOS 5:16

Jumonü Atungpuh , Wuto Thrünpuhnü ha thachoh: Kiudunglimrobo alala ching atüzhokhi labah; tüsho limtobo alala ching arünü athabah: “Ayokhe! ayokhe!” Arünü thulu thsürübo ki atüzhopü tüsho atüzhosorü ki mitrippü jibah;

MIKA 2:4

Ju nimung arünü nüsa azhihde korak-khün thsübah, tüsho khühde tüzhokhinü mulong rozhakbah, tüsho athabah, “ Isa shahde thsümünimdo; Atungpuhnü I mihtsürü lakhit hande tsodo; künangde apinü ju I kheaknü luakhinkhea! Isa ramrü kilim apinü isa lubo chama jihdo.”

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.