JEREMIA 8:9 - AMÜSÜH HÜM CL Bible (BSI)

⁹ Lümlung larü achih ngüshihbah, arübo ayingyingbah tüsho aphuhbah; tümütüsho arünü Atungpuh yu bahyuk, arü kheak tümü lümlung la?

JEREMIA 8:9 Iomraidhean Croise

2 KIULONG THSÜRÜ 17:15

Arünü api yakzanbo, apinü arü jipürü kheak tangzüngkhi, tüsho arü kilim dühdükhiyu jihkhi bahyuk. Arünü sangthsübo dunglim yü tüsho amülim kamabah; arünü arhimokhi yande dürhimo de Atungpuhnü athakhi arü mühi trükshihbo dunglim yan.

JOB HU H T ANYU 5:12

Rükakirü lümkhi apinü kimchihshihchoh, junangde arü khahnü tümü akuk müngü.

JOB HU H T ANYU 5:13

Apinü lümlung larü arü rük mütsü ching phuhshihchoh; tüsho rük mütsürü lümkhibo nahde kheamshihchoh.

MUNGSHIKHÜN 19:7

Atungpuh yakzan ju banthsanglah, hanü sühmüh aso jihchoh; Atungpuh yukhümbo ju mulonglambe, amülarü kilim lümlung jihchoh.

ISAIA 19:11

Zoan limberübo shahde makhalah; lümlung larü Pharao lümthiyan-jihrünü azhazha lümkhi jihchoh. Küde thsah nünü Pharao ki thakhukpü, “ I lümlung larü khülang, adüso kiulongthsürü tsühsoniuso ah”?

ISAIA 29:14

jumonü ha mihtsürü kheak niuknimde amüyinsahbe rhimobah. Arü lümlung larü lümkhi dükheakbah, tüsho lümlung anikhitpü lakhi ramabahbah.

ISAIA 43:27

Nüsa jipürü akhuhbuhnü neak yihbeak, tüsho nüsa limberünü I azhihde neak yihbeak,

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

JEREMIA 15:6

Nünü I bahyukdo, Atungpuhnü thachoh, nü dunglim peang yüchoh; jumonü nü azhihde I khah chungkhitkheah tüsho nü thsümünim– tümütüsho I bukakhiukkhi danlopü keaka lakheah.

JEREMIA 19:7

Tüsho ha dangpung ching inü Juda tüsho Jirusalem lümkhibo akeangkeang kamshihbah, tüsho arübo arü riri müngüh nukshang tüsho arü rhangdung yimrü khah hode akeamshihbah. Inü arü ashemibo thüning wuhnubo tüsho alomi shiwühbo kilim jim thsüpü jihbah.

JEREMIA 2:8

“Atungpuh küching la?” de amükeamrübonü mütha. Yakzanshuhrübonü I mümükheah; Yakzanshuhrübonü I azhihde lakmih; wukihrübonü Baal hode müchit, tüsho alü mülakhi kukruk dunglim yü.

JEREMIA 49:7

Edom dünkheak Wuto Atungpuhnü ha thachoh: Teman ching kheaküa lümlung müla de? Lümlung larü kheaknü lümthiyan dükheaka la de? Arü lümlung dükheaka la de?

JEREMIA 6:15

Arünü machihde rhimodo, arünü athraneanbe yihbeakdo; tütüshe arünü machih, arünü achihpüyak mümükheah. Jumonü sherübo angakchonü ju lung arü angakbah. Inü arü thsümüchichoki, arü akeamkhamshihbah, Atungpuhnü thachoh.

JEREMIA 6:19

Aniang, O alomi; inü arü lümkhi aso asokhi ha mihtsürübo kheak thsümütsü handarüpü lah, tümütüsho arünü I yu mani; tüsho arünü I yakzan bahyukdo.

EZEKIEL 7:26

Thsümütsünü thsümütsü kheak yankihbah, tüsho alanajinü alanaji labah. Arünü wukihrü kheaknü michih ngüpü mürangbah; amükeamrünü yakzan thsangyukhi, azothsürübonü lümthiyan jihpü dükheakbah.

AMOS 2:4

Atungpuhnü ha thachoh: Judanü alochode neak yihbeakkhi dünkheak, inü thsümüchi mululo; tümütüsho arünü Atungpuh yakzan bahyuk, tüsho api yukhüm muzo.

ZEKARIA 13:4

Ju nimung wukihrübo ju arünü müchitchoki mihbüm aban nihbuh michih dünkheak achihbah; arünü mülapyukpü thsüde anamkihkhi khim müyih,

YUZÜNGTHALO 4:6

Jumonü jurübo anipü kümkangang: tümüde mihtsürübo mük ki ha nüsa lümlung tüsho mükheahmudu, harü sobah mihtsürübonü athabah, Tsükjide ha trükshih ato ha lümlung tüsho mükheahmudurü mihtsürübo ah!

2 TIMOTHI 3:15

tüsho nü azüchokinü Jisu Khrista kheak kinkhi hode akhümkhit lim bepü lümlung jihkhukpü amüsühyubo nünü mükheahlah de nünü lümkhitang.