JEREMIA 8:4 - AMÜSÜH HÜM CL Bible (BSI)

⁴ Nünü arü ki thabah, Atungpuhnü ha thachoh: Küyimki mihtsürü lungbanü, arünü alode masürücho de? Arünü limdungmihsho murholocho de?

JEREMIA 8:4 Iomraidhean Croise

1 KIULONG THSÜRÜ 8:38

tümüpürü tamkhüntamnü, yungsho zhoshekhi langzü yungsho nü mihtsürü Israel alalanü arü mulong ching thsümüchi lakhi mükheahde ha yam lim arü khah chungkihbanü;

MÜCHITMUDU 24:16

tümüde thiyurolungki mihtsürü thüne ki lungpü kuklah, tüsho asürülobah, tüshe mihbukmuyuk a thsümütsünü akeambah.

ISAIA 44:22

Nünü alakmihkhibo inü amo nangde wua bahdo tüsho nü neakbo shumuliu nangde bahjihdo; I kilim rholoang, tümüde inü nü rhokhitdo.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

JEREMIA 23:14

Tüshe Jirusalem ching wukihrü bolung inü khide atrebe ngüdo: Arünü müzammüramchoh tüsho akeangyu ching tsahchoh; arünü amütsü rhimorü khah düküngloshihchoh, junangde sheshe mihbukmuyuk chingnü murholo; arü alala I ki Sodom nangde kamdo, tüsho ha ching larübo Gomorra nangde lah.

JEREMIA 3:1

Athrürü khülangnü aniube bahbah api kinü tsosho tüsho püpürü thrürü niuberü kamsho, apinü alibe kilim yüloba de? Hadürü lo ju tode mümüneanba de? Nünü müyamrü ahihdo kheak müzammüramdo; tüsho nü I kilim arüloba de? Atungpuhnü thachoh.

JEREMIA 3:22

Rholoang, O akin mülakhi tsührübo, inü nüsa akin mülakhi chingnü thsüngujihbah. “He, isa nü kilim arüchoh; tümüde nü a Atungpuh isa Thrünpuh.

JEREMIA 36:3

Khükia inü arü kheak rhimopü lümkhi thsümütsü alala Juda yamkhünnü sobah arü alala arü amütsü limrobo chingnü rholobah, junangde inü arü mülimkhi tüsho arü neak bahjihbah.

JEREMIA 4:1

Nüsanü rholosho, O Israel Atungpuhnü thachoh, nüsanü I kilim rholosho, nüsanü athraneanbe I mikinü yihkhita bahsho, tüsho tsahphülapde müyüsho,

EZEKIEL 18:23

Mihbukmuyuk shekhi ching inü tümükhüh asühpü lade? Wuto Atungpuhnü thachoh. Ju müthri, küyimki arünü arü limro chingnü rholobah rhangdung labanü inü masühcho de?

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

HOSEA 7:10

Israel bukmükekhinü api azhihkhi huhchoh; tütüshe arünü ha alala thsungkheak Atungpuh arü Thrünpuh kilim murholo, yungsho api müyim.

AMOS 5:2

Anünübe Israel masürülopü thsüde lunga lah; anihbe lo kheak bahyuka lah, shenü anihbe mülahmusu.

MIKA 7:8

I kurungkheak dasühachih, O I riri; küyimki I angakbanü, I asürübah, küyimki I amiting ching binbanü, Atungpuh ju I ki ayin labah.