JEREMIA 8:2 - AMÜSÜH HÜM CL Bible (BSI)

² tüsho arübo ju ani le khinu tüsho arünü muzhode tankihkhi, yande tüsho keokhide kingaünkhi chiningbo miki hiumüzüta labah; tüsho arü mühanmukhung yungsho kiuyuka mübah; arübo ju alo kheak bahyakkhi nangde alabah.

JEREMIA 8:2 Iomraidhean Croise

2 KIULONG THSÜRÜ 17:16

Arünü arü Thrünpuh Atungpuh yukhümbo alala bahyuk tüsho arü thsungkheak moshi nunu sangthsü mahne thsüa zhipshih; arünü Ashera sangthsü thsübah, chiningbo kingaün, tüsho Baal tankih.

2 KIULONG THSÜRÜ 21:3

Tümüde apinü abuh Hezekianü luka bahkhi achang dangpungbo thsülo; kiulongthsüpuh Ahabnü athsükhi nangde apinü Baal kingaün sadam, Ashera sangthsü thsü, chiningbo alala kingaün tüsho arübo tankih.

2 KIULONG THSÜRÜ 21:5

Apinü Atungpuh yam dükeak mahne ching chiningbo alala thsungkheak kingaün sadambo thsü.

2 KIULONG THSÜRÜ 23:5

Juda kiulongthsürübonü Juda kiuto tüsho Jirusalem mühide achang dangpungbo ching kingaün jihshihpü sangthsü amükeamrübo müsühde tsangkhitrü–Baal, ani, khinu, alomibo, chiningbo kingaünrü rhimo chingnü yihkhita bah.

MUNGSHIKHÜN 53:5

Arübo atrepü mülade alapung ching trede lah, tümüde Thrünpuhnü nü azhihde ayanrü robo hiumüzütshihdo; nünü arü achih ngüshihdo, tümütüsho Thrünpuhnü arü bahyuk.

MUNGSHIKHÜN 83:10

Sherü Endor ching dükheak tüsho alo kheak sünit mujung nangde kam.

MUNGSHIKHÜN 83:11

Nünü Oreb le Zeeb, Zeba tüsho Zalmunna kheak rhimokhi nangde arü limberü ki rhimoang,

T H S AN GYU T H S AN GR ARÜ 6:3

Mihtsürü khülangnü tsührü 100 lapü kuklah; apinü rhangdung ching masühsho, yungsho kiuyuka mübahsho, shea zübekhi khungarü khülang ju api kheaknü atsübe ah de inü thachoh.

JEREMIA 14:16

Tüsho arünü sherü mihtsürü ki müchitkheanü, khümzung tüsho nukshangnü ashekhi hode Jirusalem wungdo phulung ching jipa bahbah. Arü kiuyuka bahrü she mülade alabah–arü, arü niuberübo, arü tsührü, tüsho tsührübebo. Arü mihbukmuyuk inü arü kheak dungkihbah.

JEREMIA 16:11

Judüki nünü arü ki thabah: ha tümütüsho nüsa jipürünü I bahyuk, Atungpuhnü thachoh, tüsho püpürü thrünpuhbo dunglim yübah tankih tüsho kingaün, tüsho I bahyuk tüsho I yakzan muzo;

JEREMIA 16:4

Arübo ashebe tukthsübonü ashebah. Arübo mütüzho, yungsho kiuyuka mübah; arübo alo mi kheak müneanmuru nangde alabah. Arübo nukshang tüsho khümzungnü ashebah, tüsho arü ashemibo thüning wuhnubo tüsho alomi murung shiwühbo jim kambah.

JEREMIA 16:6

Ha lomi ching ato tüsho anini chido ashebah; arübo kiuyuka mübah, tüsho shenü arü thsungkheak mütüzho; arü thsungkheak tüzhode mütsüt yungsho ku mühüt.

JEREMIA 19:13

Tüsho Jirusalem yambo le Juda kiulongthsürü yambo ju Topheth nangde müneanshihbah–thüyam kumung kheaknü rhümthüneabe takde chining kingaünkhi tüsho püpü thrünpuhbo kilim yukhu buka bahkhi yambo alala.

JEREMIA 22:19

Donki mi bahkhi nangde api mi bahbah, Jirusalem chipiripitbo hode nimkhita tüsho jipkhita bahbah.

JEREMIA 25:33

Ju nimung ching Atungpuhnü alaksahkhi ju alomi akheam kheaknü akheam khülim khiungde alabah. Arübo mütüzho, yungsho mushuhmukhung, yungsho kiuyuka mübah; arübo ju alo kheak sünitmujung kambah.

JEREMIA 31:40

Ashemi tüsho awah jindükhün alala, tüsho Kidron ayung khiungde thulubo alala, aniakhiuklim thrip Khora Chipiripit khiungde, Atungpuh kilim amüsüh labah. Ha küyimkishe murukkhit yungsho mükeamshih.

JEREMIA 36:30

Jumonü Juda kiulongthsüpuh Jehoiakim dünkheak Atungpuhnü ha thachoh: David kiulongthsü-binkiu kheak binpü api a she müla, tüsho api ashemi animuro atak ching bahbah tüsho azhing ching thüwün ching bahbah.

JEREMIA 9:20

O aliberübo, Atungpuh yu aniang, tüsho nüsa nükhünnü api mün yu leangkhishang; nüsa tsührübebo ki mitrip-khün thsüpü, tüsho mihbüm abannü nüsa yamhingrü ki atüzhopü thsangyuang.

JEREMIA 9:21

Mihshe isa ayinripitbo chingnü azahdo, ha isa kiulongthsürü-yambo ching azahdo, kiudunglimrobo chingnü azürübo laksah tüsho wungdobo chingnü athunurübo laksah.

JEREMIA 9:22

Asukang! Atungpuhnü ha thachoh: Mükeak ching bahyakkhi nangde, yimlurü dunglim hi bahkhi nangde, mihtsürü ashemibo keambah tüsho shenü arü mühanmukhung.

EZEKIEL 29:5

Inü nü tüsho ayung ching thüngühbo alala sunglo ching jipa bahbah, nü a mükeak ching keambah, tüsho mushuhmukhung tüsho kiuyuka mübah. Alomi shiwühbo tüsho thüning wuhnubo kilim inü nü tsühyungpü jihdo.

EZEKIEL 39:5

nü a mükeak ching keambah; tümüde inü asukdo, Atungpuh Thrünpuhnü thachoh.

EZEKIEL 6:5

Inü Israel ashemibo arü sangthsübo miki yapshihbah, tüsho nü robo nü kingaün sadambo mühide hiumüzütbah.

EZEKIEL 8:16

Jushu apinü I Atungpuh yam khikzhakpung alungbe ching bede yüzah tüsho arüngyam limro kheak mükü le kingaün sadam dükeak mihtsürü 25 lakheah. Arü düthsün Atungpuh arüngyam lim thsü tüsho arü miro aniakhiuklim abinbah ani ki khukningde alakheah.

ZEPHANIA 1:17

Inü hadürü lümthsünü mihtsürübo kheak handarübah, junangde arübo müktukrü nangde atsahbah; tümütüsho arünü Atungpuh azhihde neak yihbeakkhinü, arü thiyih ke nangde abukkhitbah, tüsho arü shih müneanmuru mujung nangde alabah.

ZEPHANIA 1:5

sherünü thüyam kumung kheaknü chiningbo ki khukningcho; sherünü khukningcho tüsho Atungpuh ki thiyuchihchimcho, tüsho Molek thrünpuh mung ching she thiyuchihchimcho;

YUNIRÜBO RHIMO 7:42

Tüshe Thrünpuhnü rholode tso tüsho wukihrübo hüm ching thrüta lakhi nangde arünü chiningbo kingaünshih: ‘O Israel yamkhün, nüsanü sunglo ching kam yirü shiwühbo laksah-a I kilim jihdü de?

YUZÜNGTHALO 17:3

shepünü tsode yünü püpürü thrünpuhbo tankihde inü thiyukhüm müjihkhi ani, khinu yungsho thüning kheak lakhi khürü kingaünbanü;

YUZÜNGTHALO 4:19

Tüsho küyimki nüsanü thüning lim abinkih-a kheahbanü tüsho ani, khinu, chiningbo, thüning ching lakhi alala ngübanü Atungpuh nüsa Thrünpuhnü thüning bukkhüp mihtsürü alala ki jihkhibonü nüsa dümünityukshih tüsho mükhümde arü dütankihshih.