JEREMIA 8:19 - AMÜSÜH HÜM CL Bible (BSI)

¹⁹ Aniang, limshu tüsho amülih lomi ching amuzhobe mihtsürünü azhikhi: “Atungpuh Zion ching müla de? Anihbe kiulongthsüpuh kheaküa ju ching müla de?” (“Tümüde arünü arü sangthsübo, arü khiungkerü sangthsübo kheak I bukakhiukshihkhea?”)

JEREMIA 8:19 Iomraidhean Croise

MUNGSHIKHÜN 135:21

Shepü Jirusalem ching lacho, Zion chingnü Atungpuh shiang! Atungpuh shiang!

MUNGSHIKHÜN 137:1

Babilon ayungbo ki isa bin, küyimki isanü Zion lümkhitkheanü isa trip.

MUNGSHIKHÜN 146:10

Atungpuh lünnü kiulongthsürü lah– O Zion, nü Thrünpuhnü lünbo alala ching kiulongthsübah. Atungpuh shiang!

MUNGSHIKHÜN 149:2

Israelrü arü Thrünrü lung asühachihshang; Zion tsührübonü arü kiulongthsüpuh lung asühachihshang.

MUNGSHIKHÜN 31:6

Arükchih thrünpuhbo kingaünrü nünü thraneanchoh; tüshe inü Atungpuh kheak kinchoh.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 13:5

Arübo limshu lomi chingnü arüchoh, thüningbo akheam chingnü, A TU N GPU H bukakhiukkhi thsühnukbonü lomi athrünkhi thsümünimpü lah.

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 39:3

Judüki wukihbuh Isaianü kiulongthsüpuh Hezekia kilim arü tüsho api ki tha, “Harü mihtsürübonü tümü thakhea? Arübo küchingnü nü kilim arükhea?” Hezekianü alo, “Arübo limshu lomi Babilon chingnü I kilim arükheah.”

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

JEREMIA 10:15

Arübo müthülün, alakmihkhi rhimo lah; arü thsümüchichoki arübo dükheakbah.

JEREMIA 14:19

Nünü shahde Juda bahyukdo de? Nü mulongnü Zion thraneanabahdo de? Isa thsungkheak athsüngu mülapü thsüde tümüde nünü isa shika lungshihkhea? Isanü mungtsü thsungkheak kheahchoh, tüshe atsü müngü; athsüngupü kim kheahchoh tüshe ju müthri atrebe lah.

JEREMIA 14:9

Tümüde nü a mihtsürü nangde müyinnima, akhümkhitkhukpü wumülakhi thirithsürü nangde alaba? Tütüshe, O Atungpuh , nü isa bolung lah, tüsho nü mung chingnü isa jikheah, isa dübahyuk!

JEREMIA 2:5

Atungpuhnü ha thachoh: Tümü amülim nüsa jipürünü I kheak ngübahle I kheaknü arübo limshude ayükhea, tüsho müthülünkhi dunglim yükhea tüsho arübo müthülünde kamkhea?

JEREMIA 27:10

Tümüde arünü nüsa ki akeangyu müchitchoh, ju hode nüsa lomi chingnü nüsa limshude atsoshihbah; inü nüsa yankhitbah, tüsho nüsa dükheakbah.

JEREMIA 31:6

Tümüde judüki nimung khülang aheangrünü Ephraim lomi wung ching jikhi labah: “Arang, isanü Atungpuh isa Thrünpuh kilim Zion ching wutuanü.”

JEREMIA 32:30

Tümüde Israel mihtsürü tüsho Juda mihtsürünü arü athunuchokinü I miki amütsü lang rhimodo; Israel mihtsürünü tümü mürhimo tüshe arü khah rhimobonü I bukakhiukshihdo, Atungpuhnü thachoh.

JEREMIA 7:19

Atungpuhnü thachoh, Arünü I bukakhiukshihcho de? Arü küdah thsüde arü achih handarüchoh yung de?

JEREMIA 8:20

“ Yimlupü hodo, muzhu akheam thsüdo tüshe isa mükhümkhitde lah.”

JEREMIA 9:16

Inü arübo arü yungsho arü jipürübonü mümükheahkhi trükshih bolung müzütshihbah; tüsho inü arü muyuamübahyi khiungde, nukshang khülang arü dunglim yüshihbah.

EZEKIEL 48:35

Kiuto mükamkhi ju khahnap 18,000 labah. Tüsho ju kimnü ründe kiuto mung ju, “Atungpuh Ju Ching Lah” de alabah.

JOEL 2:32

Judüki sherünü Atungpuh mung jibanü akhümkhitbah; tümüde Atungpuhnü athakhi nangde, Zion Müzüng tüsho Jirusalem ching atsokhitrü labah, tüsho rhangdung larü bolung ching Atungpuhnü ajirü labah.

JOEL 3:21

Inü arü thiyih royimbah tüsho mülimkhi mümüsühjih, tümüde Atungpuh Zion ching lah.

OBADIA 1:17

Tüshe Zion Müzüng kheak atsokhitrü labah tüsho ju amüsüh labah; tüsho Jakob yamkhünnü arü yankhita bahrü yamalo lubah.

MIKA 4:9

Kheakü tümüde nünü achangnü zhicho! Nü lung kiulongthsürü müla de? Nü lümthiyan-jihrü dükheakbah aliberü thsünükhi nangde nü thsünüla de?

ZEPHANIA 3:15

Atungpuhnü nü azhihde mahkhap lude tsodo, apinü nü riribo rholode tsoshihdo. Israel kiulongthsüpuh, Atungpuhnü lung lah; nünü kheaküa thsümütsü tümü mütre.

ZEKARIA 2:9

Kheakü kheahang, inü arü azhihde I khah shuhkihbah, tüsho arübo ju arü nihbuh azhorübonü yankhia lupü kambah. Judüki Wuto Atungpuhnü thiyido de nüsanü mükheahbah.

YUNIRÜBO RHIMO 14:15

“Mihtsürübo, tümüde nüsanü ha rhimocho? Isa she nüsa ruk mihtsürü ah, tüsho nüsanü harü akeangkeang chingnü rholobah thüning le alomi tüsho boto le ju ching lakhi alala thrünrü arhang Thrünpuh kilim yüshihpü thiyusheak atsü hande arükheah.

YUZÜNGTHALO 31:17

Ju nimung ching arü azhihde I bukakhiukbah, inü arü bahyukbah tüsho I miro arü kinü arambah tüsho arübo dükheakbah. Tüsho amütsübo tüsho thsümütsü ahihdo arü kheak yükihbah, junangde arünü ju nimung thabah, ‘Isa Thrünpuh isa lung mülakhi hode harü amütsübo isa kheak arüchoh yung de?’

AMIKHEAKAKHIUKKHI 2:1

“Efisia borü ching yunirü kilim thrütang: ‘Api khah tsülim thüne shuhbuh, tsünpung dubopung thüne bolung tsahbuh yubo.