JEREMIA 8:15 - AMÜSÜH HÜM CL Bible (BSI)

¹⁵ Isanü mungtsü thsungkheak kheahchoh, tüshe tümü atsü müngü, athsüngupü kim kheahchoh, tüshe ju müthri atrebe lah.

JEREMIA 8:15 Iomraidhean Croise

JOB HU H T ANYU 30:26

Tüshe küyimki inü atsü thsungkheak kheahkheanü amütsü arü; tüsho inü ayin aleangchoki amiting arü.

JEREMIA 12:12

Loshelo ching awung achangbo alala kheak athsümünimrü arüdo; tümüde Atungpuh nukshangnü alomi akheamnü thripkhüh khiungde muyuchoh; sheshe akhimahe ching müla.

JEREMIA 14:19

Nünü shahde Juda bahyukdo de? Nü mulongnü Zion thraneanabahdo de? Isa thsungkheak athsüngu mülapü thsüde tümüde nünü isa shika lungshihkhea? Isanü mungtsü thsungkheak kheahchoh, tüshe atsü müngü; athsüngupü kim kheahchoh tüshe ju müthri atrebe lah.

JEREMIA 4:10

Judüki inü tha, “Ah, Atungpuh T H RÜ NPU H , küde nünü shahde ha mihtsürü tüsho Jirusalem mulomülapde athakhea, ‘ Nukshang nü hung kheak lalashe nü mungtsü labah!’ ”

JEREMIA 6:25

Thulu ching düyü, yungsho limro kheak dütsah; tümüde thiririnü nukshang shuhlah, athrip abande atrebe lah.”

JEREMIA 8:11

Arünü I mihtsürübo mü anükhüh lang thsüngujihde mungtsü mülachoki “Mungtsü, mungtsü,” de tha.

EZEKIEL 7:25

Küyimki atrebe arübanü, arünü mungtsü yimbah, tüshe arünü tümü müngü.

MIKA 1:12

Tümüde Maroth ching larübonü arung thsungkheak mulong dukde aleanglah, tütüshe thsümütsü Atungpuh kilimnü Jirusalem chipiripit ching akido.

1 TESALONIKA 5:3

Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.