JEREMIA 8:14 - AMÜSÜH HÜM CL Bible (BSI)

¹⁴ Tümüde isa kheakü khiungde binla? Rukhüh mukhungang, isanü chipi ayünkhi kiuto ching yüzahanü, tüsho ju ching dükheakanü; tümüde Atungpuh isa Thrünpuhnü isa dükheakshihpü akhuabahdo, tüsho müzüm ke ayungpü jihdo, tümütüsho isanü Atungpuh azhihde neak yihbeakdo.

JEREMIA 8:14 Iomraidhean Croise

2 SAMUEL 20:6

Davidnü Abishai ki tha, “Kheakü Bikri tsührü Shebanü Absalom kheaknü alü isa ki rhimobah; nü tungpuh yamlarübo bea lubah api müshamang, ju yungsho apinü chipi ayünkhi kiutobo yimkhitbah ajikbah, tüsho isa kheaknü atsokhibah.”

MUNGSHIKHÜN 39:2

Inü tümükhüh atsü dünkheak she thiyu müthade zhikde la! Tüshe I thsünü phünahde kam.

MUNGSHIKHÜN 69:21

Arünü I tsühyungbe müzüm, tüsho ayungpü asanke jih.

ISAIA 47:5

Zhikde binang, tüsho amiting ching yüzahang, tsührübe Kaldea! Tümüde nü kheaküa kiulongthsüberü de müji.

JEREMIA 14:20

O Atungpuh , isanü isa yo mihbukmuyuk, isa jipürü mülimkhibo thakhitchoh, tümüde isanü nü azhihde neak yihbeakdo.

JEREMIA 14:7

Isa mülimkhibonü isa azhihde thiyumütsan thsüthsü she, O Atungpuh , nü mung chingnü rhimoang; tümüde isa ashitlokhi tode lah tüsho isanü nü azhihde neak yihbeakdo.

JEREMIA 23:15

Jumonü wukihrübo dünkheak Wuto Atungpuhnü ha thachoh: “ Inü arü kilim tsühyungpü akhüh tsühshihbah, tüsho müzüm duhbah; tümüde Jirusalem ching wukihrübo kheaknü Thrünpuh mümükheahkhi lomi ching budo.”

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 35:11

Tüshe küyimki Babilon kiulongthsüpuh Nebukednezarnü lomi azhihde atukhea, isanü tha, ‘ Arang, tüsho Kaldea bonungrü tüsho Aram bonungrü trekhinü isa Jirusalem lim yüanü.’ Jumonü isa Jirusalem ching lakheah.”

JEREMIA 9:14

tüshe arü jipürünü arü ki thsangyukhi nangde nihnihde arü nihbuh mulong yan tüsho Baalbo dunglim yü.

JEREMIA 9:15

Jumonü Wuto Atungpuh , Israel Thrünpuhnü ha thachoh: Inü ha mihtsürü akhüh sangrung kipbah tüsho müzüm ke duhbah.

TÜZHOKHI 3:19

I thsünükhi, tüsho rümde atsahkhi akhüh müzüm inü lümkhitchoh!

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

AMOS 6:10

Tüsho betsührü khülang mitakrünü mi ju thüyam chingnü hankhitbah thüyam alunglim labuh ki, “ Nü lung khürü la shi?” de keosho, apinü alobah, “ Yung.” Judüki betsührünü athabah, “Dalan! Isanü Atungpuh mung mütambeah.”

HABAKKUK 2:20

Tüshe Atungpuh api amüsüh arüngyam ching lah; alomi alalanü api miki malande laang!

ZEKARIA 2:13

Mihtsürü alala Atungpuh miki zhikde laang; tümüde api amüsüh lapung chingnü api arüchoh.

MATHI 27:34

arünü akhüh düsahbah asanke api duh. Tüshe apinü ju müleakakheahbah muyung.

YUZÜNGTHALO 29:18

khükia nüsa bolung athrürü yungsho aliberü yamkhün yungsho trük, Atungpuh isa Thrünpuh kheaknü mulong rholobah harü trükshih thrünpuhbo tankihbah, tüsho nüsa bolung aying akhüh tüsho ari zahkhi sang nangde alabah;

YUZÜNGTHALO 32:32

Tümüde arü kurungaso ju Sodom kurungaso kheaknü, tüsho Gomorra lubo chingnü arülah; arü kurungasobo ju müzümbo ah, adüchibo ju khühlah;