JEREMIA 8:13 - AMÜSÜH HÜM CL Bible (BSI)

¹³ Atungpuhnü thachoh, inü arü bemukhungpü lümchoki, kurungasoliu kheak kurungaso müla, yungsho khubasodung kheak khubaso müla; ayübo she yiuh-a lah, tüsho inü tümü arü ki jihkheanü arü kheaknü luakhindo.

JEREMIA 8:13 Iomraidhean Croise

ISAIA 5:10

Tümüde kurungasolu lushih 10nü pungdüchi 8 lang akhiukbah tüsho müjih tramduhkhühnü keluhkhüh lang akhiukbah.

JEREMIA 14:12

Arünü khümkeak thsüthsü she, arünü azhikhi inü muso, tüsho arünü taka kingaünkhi tüsho hi kingaün jihjih she, inü arü müleangkhi; tüshe nukshangnü, khümzungnü, tüsho arüm-tukthsünü arü sheshihbah.

JEREMIA 14:15

Jumonü inü arü müthiyide I mung ching müchitrü wukihrü dünkheak Atungpuhnü ha thachoh, tüsho sherübonü tha, “ Nukshang tüsho khümzung ha lomi ching marü.” Nukshang tüsho khümzungnü arü dükheakshihbah.

JEREMIA 17:8

Api a keyean khimkhi sangdung nangde ayingbo keyung ching chinde yüchoh. Alamlam arüchoki mütre; ayübo kamruhroro phüyaklah. Tsüng marüchoki atrepü müla, aso asodü lang lachoh.

JEREMIA 5:17

Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

JEREMIA 7:20

Jumonü Atungpuh Thrünpuhnü ha thachoh: I bukakhiukkhi tüsho I mulong zhipzhip ha dangpung kheak mihtsürü tüsho shiwühbo kheak, thulu sangdungbo tüsho alo sangasobo kheak dungkihbah, ha atakbah tüsho müzünmüt.

EZEKIEL 22:31

Jumonü inü arü kheak I mulong zhipzhip dungkihkheah; arü rhimo dünkheak I bukakhiukkhi monü inü arü thsümünimbah; Atungpuh Thrünpuhnü thachoh.

HOSEA 2:12

Inü anihbe kurungasobo tüsho khubasodungbo thsümünimjihbah, küpü dünkheak alibenü tha, “ I kilim jihkhi I mihkhahmo ah.” Inü jurü murung kamshihbah tüsho mütüm shiwühbonü atsühbah.

JOEL 1:7

Hanü I yo kurungaso thsümünimdo, tüsho I yo khubasodungbo müjakdo; akhahbo müyedo mükamyi khiungde aküp khuka bahdo.

LEVI 26:20

Nüsa sühmüh akeangkeang ching bahbah, tümütüsho nüsa lonü hi makhiukshih tüsho sangdungbonü aso masojih.

HABAKKUK 3:17

Khubasodung mupungpung she, tüsho kurungasodungbo kheak aso mükihkih she; olivnü masoso she tüsho thulubonü jim makhiukkhiuk she; mihnu yam chingnü mihnu boto mülade kamkam she, tüsho moshi yam chingnü moshi boto mülade kamkam she,

HAGGAI 1:11

Tüsho lomi le müzüngbo kheak, hi kheak, yukhu aso, müdangke, alonü mukhuhshihkhi kheak, mihtsürü tüsho shiwühbo kheak, tüsho nüsa khah rhimo alala kheak kungshihpü inü ji.

HAGGAI 2:17

Inü nüsa le nüsa khah rhimo alala tukthsü-mü le mokri tüsho arunü shik; tütüshe nüsanü I kilim murholo, Atungpuhnü thachoh.

MALAKI 3:11

Inü nüsa thsungkheak tangkhobo thürühbah, junangde nüsa lo chingnü amukhuhkhi müthsümünim; tüsho nüsa lu ching kurungaso aniungyüh müla, Wuto Atungpuhnü thachoh.

MATHI 21:19

Limmungyean khubasodung zhipde ngübah apinü yü, tüsho ju kheak tümü müngü tüshe ayübo lang alakheah. Tüsho apinü ju ki tha, “Küyimkishe nü kheaknü aso dasolo!” Tüsho judüchokinü khubasodung ju yiuhabah.

JAKOB 1:11

Tümüde ani zhipzhip takde akhiukkhinü rim yiuhabahshihchoh; asangbünbo keamkhichoh, tüsho kheahtsübe dükheakchoh. Junangde alarü mihtsürü ju api shothsümolo yüchoki dükheakabahbah.