JEREMIA 8:1 - AMÜSÜH HÜM CL Bible (BSI)

¹ Atungpuhnü thachoh, ju kim ching Juda kiulongthsürü robo, atorü robo, amükeamrü robo, wukihrü robo, tüsho Jirusalem ching larü robo nihbuh kiuyuk chingnü ayihkhitbah;

JEREMIA 8:1 Iomraidhean Croise

1 KIULONG THSÜRÜ 13:2

tüsho Atungpuh yu hode kingaün sadam azhihde zhiyuk, tüsho tha, “O kingaün sadam, kingaün sadam, Atungpuhnü ha thachoh; ‘ Tsührü khülang David guk ching zübebah, amung Josia; tüsho apinü nü kheak rhümthüneabe jihrübo awung achangbo amükeamrübo nü kheak laksah-a kingaünbah, tüsho mihtsürü robo nü kheaknü atakbah.’”

2 KIULONG THSÜRÜ 23:16

Josia rholochoki apinü awung kheak kiuyukbo lakhi ngü; apinü yüshih tüsho kiuyukbo chingnü robo yihkhit, tüsho jurübo kingaün sadam kheak tak, tüsho amuni Jeroboam kingaün sadam ki zhipchoki, Thrünpuh mihtsürünü azhiyukkhi Atungpuh yu yande ju müneanshih; apinü rholo tüsho harü müchitbuh Thrünpuh mihtsürü kiuyuk lim abinkhih-a kheah.

2 KIULONG THSÜRÜ 23:20

Apinü ju ching larü achang dangpung amükeamrü alala kingaün sadam kheaknü laksah, tüsho arü kheak mihtsürü robo tak. Jushu api Jirusalem lim alode yü.

2 KIULONG THSÜRÜ 9:37

Jezebel mi ju Jezreel lomi mükeak ching khihmujung nangde alabah, junangde ha Jezebel ah de shenü müthakhuk.’ ”

MUNGSHIKHÜN 53:5

Arübo atrepü mülade alapung ching trede lah, tümüde Thrünpuhnü nü azhihde ayanrü robo hiumüzütshihdo; nünü arü achih ngüshihdo, tümütüsho Thrünpuhnü arü bahyuk.

JEREMIA 14:16

Tüsho arünü sherü mihtsürü ki müchitkheanü, khümzung tüsho nukshangnü ashekhi hode Jirusalem wungdo phulung ching jipa bahbah. Arü kiuyuka bahrü she mülade alabah–arü, arü niuberübo, arü tsührü, tüsho tsührübebo. Arü mihbukmuyuk inü arü kheak dungkihbah.

EZEKIEL 37:1

Atungpuh khah I kheak arü, tüsho Atungpuh me ching I bekhit tüsho jindükhün khülang phulung ching binshih; ju robonü mide alakheah.

EZEKIEL 6:4

Nü yo kingaün sadambo thsümünimbah tüsho nü yo rhümthünea kingaün sadambo kingkheambah; tüsho inü nü mihtsürübo nü sangthsübo mikinü alaksahbah.

EZEKIEL 6:5

Inü Israel ashemibo arü sangthsübo miki yapshihbah, tüsho nü robo nü kingaün sadambo mühide hiumüzütbah.

AMOS 2:1

Atungpuhnü ha thachoh: Moabnü alochode neak yihbeakkhi dünkheak, inü thsümüchi mululo; tümütüsho apinü Edom kiulongthsüpuh robo mobün kamde takdo.