JEREMIA 7:9 - AMÜSÜH HÜM CL Bible (BSI)

⁹ Nüsanü ahühba de, alaksahba de, müzammüramba de, akeangyu thade thiyuchihchimba de, Baal kilim kingaünba de, tüsho nüsanü mümükheahkhi thrünpuhbo kilim yüba de,

JEREMIA 7:9 Iomraidhean Croise

1 KIULONG THSÜRÜ 18:21

Judüki Elijanü mihtsürübo alala thüninde arü tüsho tha, “Nüsa külokhüh lümkhi mahne dükeak leamba le? Mürangkhüh Atungpuh ju Thrünpuh a sho api yanang; tüshe Baal thsüa lasho, api yanang.” Mihtsürübonü api ki thiyu bümkhüh she malo.

ABEKHIT 20:3

“Nünü I miki püpü thrünpuhbo dülashih.

ISAIA 1:13

Kingaünbo handarükhi yihnüpü müla; arhümthüneakhi inü thraneanlah. Khinu aso tüsho amuni tüsho mukhungmüdan– amülim kihde arüngako mukhungmüdankhi inü marümkhuk.

ISAIA 58:2

Tütüshe nimung abande arünü I yimchoh tüsho I limrobo mükheahpü asühchoh, arü ju thiyuro-lungki lakhi trükshih tüsho arü Thrünpuh yuzüng mübahyukkhi nangde; arünü I ki thiyuro-lungki mahkhapbo keokhichoh, arünü Thrünpuh kilim thüninpü asühchoh.

JEREMIA 1:16

Tüsho arünü I bahyukde mihbukmuyukkhi alala thsungkheak inü arü azhihde I mahkhapkhibo thabah; arünü jipürü thrünpuhbo ki rhümthüneabe taka kingaün, tüsho arü nihbuh khahnü arhimokhi ki kingaün.

JEREMIA 11:13

Tümüde nü kiutobo hihkhi nangde nü thrünpuhbo hihde kamdo, O Juda; tüsho Jirusalem kiudunglimrobo hihkhi nangde achihbe Baal kingaünpü kingaün sadambo thsüa lah.

JEREMIA 11:17

Wuto Atungpuh , shepünü nü khimkheanü, nüsa azhihde amütsü thado, tümütüsho Israel yamkhün tüsho Juda yamkhünnü amütsü rhimode, Baal kilim kingaün jihde I bukakhiukshih.

JEREMIA 13:10

Ha amütsü mihtsürü, sherünü I yu anipü thsunglocho, sherünü nihnihde arü lümkhi ching yancho tüsho püpürü thrünpuhbo dunglim arü tankihpü tüsho kingaünpü yüdünü, atsü thsungkheak tümü mülakhi ha chimrüm khim nangde alabah.

JEREMIA 18:15

Tüshe I mihtsürübonü I mihabahdo, arünü sangthsübo ki rhümthüneabe takchoh; arü jipü limrobo ching arü jing mükhedo, tüsho arübo limto ching yungde limkeanganu ching tsodo,

JEREMIA 19:4

tümütüsho mihtsürübonü I bahyuk, tüsho arü le jipürü yungsho Juda kiulongthsürübonü mümükheahkhi püpü thrünpuhbo ha ching kingaünkhinü ha dangpung müneanjih; tüsho arünü ha dangpung ching amülimmülarü thiyihnü mishih,

JEREMIA 32:29

Kaldearünü arübah ha kiuto kheak mo thsahkihbah, tüsho thüyambo küpü kheak I bukakhiukshihde Baal kilim kingaünkhea tüsho püpü thrünpuhbo kheak rhümthüneabe bukkihkheanü ju bede atakbah.

JEREMIA 44:3

tümütüsho arünü amütsü rhimodo. Arünü arü yungsho nü yungsho nüsa jipürübonü küyimkishe mümükheahkhi thrünpuhbo ki rhümthüneabe takde tüsho kingaünde I bukakhiukshih.

JEREMIA 44:8

Tümüde nüsa lapü arükhi Ijip ching nüsa khahnü arhimokhi püpürü thrünpuhbo ki kingaünkhinü I bukakhiukshihcho? Nüsa thsümünimba de tüsho lomi trükshih alala bolung muthrumünean tüsho münedung kamba de?

JEREMIA 44:9

Nüsa jipürü, Juda kiulongthsürübo, arü niuberü tüsho nüsa le nüsanü alakmihkhibo, Juda lomi tüsho Jirusalem kiudunglimrobo ching arünü ayihbeakkhibo nüsanü mihabahdo de?

JEREMIA 48:35

Atungpuhnü thachoh, Moab ching sherünü achang dangpung ching laksah-a kingaüncho tüsho arü thrünpuhbo kilim taka kingaünchonü inü akheamshihbah.

JEREMIA 5:2

Arünü, “Atungpuh lale,” de thatha she, arünü amülim thiyuchihchimchoh.

JEREMIA 5:7

Küde thsah inü nü neak bahjihpü? Nü tsührübonü I bahyukdo, tüsho akeang thrünpuhbo hode thiyuchihchim. Inü arü bukthsüde yimkip she, arünü müzammüram yihbeak tüsho müzammüramrü yambo ching shode tsah.

JEREMIA 7:6

nüsanü khiungkerü, mürerü, tüsho khimoberü mujunosho, yungsho ha dangpung ching amülim mülarü thiyih mubukshihsho, tüsho nüsa nihbuh yuride püpürü thrünpuhbo kilim müyüsho,

EZEKIEL 18:18

Tüshe abuh a nihbuh neak dün shebah, tümütüsho apinü jangkhijangra rhimodo, nihbuh keoniorü mülapyukjih tüsho api mihtsürü bolung tümü amülimanü rhimodo.

EZEKIEL 20:30

Jumonü Israel yamkhün ki thaang: Wuto Atungpuhnü ha thachoh: Nüsa bebuhrünü arhimokhi yande nüsa müneana luba de tüsho arü yo sheak mülakhi mejak dunglim mulong jihba de?

EZEKIEL 23:39

Tümüde küyimki anenü ane sangthsübo khilim ane tsührübo laksahkheanü, ju nimung anenü I arüngyam ching müneanjihpü yüzah. Ha anenü I yam ching rhimokheah.

EZEKIEL 5:11

Jumonü Wuto Atungpuhnü thachoh, I arhang lah, tümütüsho nünü athraneanbe kukrukbo alalanü I yo arüngyam müneanshihdo, inü I küdah thsüde amuzho lulobah; inü nü kheak muzhode mükheah yungsho nü maningshih.

HOSEA 2:13

Inü Baal thünio nimungbo thsungkheak alibe thsümüchibah, küdüki alibenü arü kheak rhümthüneabe jihkhea tüsho yingkhüm le mürelungnü anihbe züt thsükhea, tüsho anihbe muzhorü dunglim yü, tüsho I mihkhea, Atungpuhnü thachoh.

HOSEA 6:9

Jangkhijangrarünü khürü jimde aleangkhi nangde, amükeamrü boto lah; arünü Shekem limro kheak laksahchoh, arünü mütsüdakkhi athsümünim rhimochoh.

AMOS 4:5

phaüm yukkhi yikhapnü makshe jihkhi kingaün handarang, mulongkhi kingaün zhiyukang, jurü dünkheak kükheangang; tümüde judürü rhimopü nüsanü muzholah, O Israel mihtsürü! Atungpuh Thrünpuhnü thachoh.

ZEPHANIA 1:5

sherünü thüyam kumung kheaknü chiningbo ki khukningcho; sherünü khukningcho tüsho Atungpuh ki thiyuchihchimcho, tüsho Molek thrünpuh mung ching she thiyuchihchimcho;

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

ROMRÜ KILIM PAULNÜ ATHRÜTKHI KIHÜM HUHTANYU 2:2

Thrünpuh mahkhap ju hadürü rhimorü kheak lungkide keamchoh de isanü mükheahlah.

YUZÜNGTHALO 32:17

Arünü Thrünpuh tsütsü yungde arimri mebo, arünü küyimkishe mümükheahkhi, khihnishido arükhi thrünpuhbo aso, nüsa jipürünü mütrekhi kilim laksah-a kingaün.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

MAHKHAPRÜ 5:8

küyimki thrünpuhbo aso mokhitkhea, ripitbo ki thirithsü arü, tüsho Israel ching chithürü yirü bolung tsung yungsho thsüh khülang she müngü.