JEREMIA 7:8 - AMÜSÜH HÜM CL Bible (BSI)

⁸ Kheahang nüsanü alü mülakhi akeangyubo ching kinchoh.

JEREMIA 7:8 Iomraidhean Croise

ISAIA 28:15

Tümütüsho nüsanü tha, “ Isanü ashekhi kheak tangzüng khülang thsüdo, tüsho Ashe-lomi kheak thiyuchihchim khülang lah; küyimki thsümütsü arübanü, ju isa kheak marü; tümüde isa jikpung isanü akeangyu thsakhamdo, tüsho akeangyu ching isa jika lah”;

ISAIA 30:10

shenü angürü ki thacho, “Düngü”; tüsho wukihrü ki, “Alungki lakhi isa ki dümüchit; isa ki atsübo asukang, arükchihbo müchitang,

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

JEREMIA 13:25

Ha nü shihcham, inü nü kilim akhukhitkhi shihcham, Atungpuhnü thachoh, “Tümütüsho nünü I mihabah tüsho akeangkeang ching kin.

JEREMIA 23:26

Wukihrübonü arü lümkhi akeangyu müchitkhi akeangyu wukihrü mulong ching külokhüh laba?

JEREMIA 23:32

Kheahang, akeangyu milim müchitrü inü azhihchoh, Atungpuhnü thachoh, tüsho sherünü jurü thacho, tüsho sherünü inü müthiyide, akeangyu thade tüsho mükümkangde I mihtsürübo bephülapde tsocho; jumonü arünü ha mihtsürü shahjungde alü müthsüshih, Atungpuhnü thachoh.

JEREMIA 28:15

Tüsho wukihbuh Jeremianü wukihbuh Hanania ki tha, “Aniang, Hanania, Atungpuhnü nü müthiyi, tüsho nünü ha mihtsürübo akeangyu ching kinshihchoh.

JEREMIA 4:10

Judüki inü tha, “Ah, Atungpuh T H RÜ NPU H , küde nünü shahde ha mihtsürü tüsho Jirusalem mulomülapde athakhea, ‘ Nukshang nü hung kheak lalashe nü mungtsü labah!’ ”

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

JEREMIA 7:4

Harü mülapyukbe yubo ching dükin: “Ha Atungpuh arüngyam, Atungpuh arüngyam, Atungpuh arüngyam.”

JEREMIA 8:10

Jumonü inü arü niuberübo püpürü kilim jihbah tüsho arü lubo akukrü kilim jihbah, tümütüsho aninikhühnü atobe khiungde mihbüm abannü thiyuro mülakhi alü thsüpü bukmükhütlah; wukihrünü amükeamrü khiungde thiyuro mihbüm abannü mülimde rhimochoh.