JEREMIA 7:6 - AMÜSÜH HÜM CL Bible (BSI)

⁶ nüsanü khiungkerü, mürerü, tüsho khimoberü mujunosho, yungsho ha dangpung ching amülim mülarü thiyih mubukshihsho, tüsho nüsa nihbuh yuride püpürü thrünpuhbo kilim müyüsho,

JEREMIA 7:6 Iomraidhean Croise

2 KIULONG THSÜRÜ 21:6

Apinü atsührü monü taka kingaün, apinü müchityu tha tüsho lümrük thsü, tüsho akhasherü le thümürü ki keokhi. Apinü Atungpuh miki amütsü khide rhimode api bukakhiukshih.

2 KIULONG THSÜRÜ 24:4

tüsho apinü neak mükihrü thiyih bukshihkhi dünkheak she ah; tümüde apinü neak mükihrü thiyihnü Jirusalem mishih, tüsho Atungpuhnü neak bahjihpü mümulongde alakheah.

MUNGSHIKHÜN 106:38

tüsho amülim-mülarü thiyih bukshih, arü tsührübo le tsührübebo thiyih she, Kananrü sangthsübo kilim shuhmülanga jih; tüsho alo ju thiyihnü müneana lakheah.

MÜCHITMUDU 23:10

Jipü arelung düshuhakhin yungsho mürerü lubo düjangachih,

ISAIA 59:7

Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah.

JEREMIA 13:10

Ha amütsü mihtsürü, sherünü I yu anipü thsunglocho, sherünü nihnihde arü lümkhi ching yancho tüsho püpürü thrünpuhbo dunglim arü tankihpü tüsho kingaünpü yüdünü, atsü thsungkheak tümü mülakhi ha chimrüm khim nangde alabah.

JEREMIA 19:4

tümütüsho mihtsürübonü I bahyuk, tüsho arü le jipürü yungsho Juda kiulongthsürübonü mümükheahkhi püpü thrünpuhbo ha ching kingaünkhinü ha dangpung müneanjih; tüsho arünü ha dangpung ching amülimmülarü thiyihnü mishih,

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

JEREMIA 2:34

Kheaküshe arünü chakashungde yüzahkhi müngüngü she nü khim kheak amülim-mülarü zhochihrü rhangdung thiyih kihlah. Tütüshe harü lalashe

JEREMIA 26:15

Ha lang nüsanü khürü mükheahpü ju, nüsanü I sheshihsho, nüsanü nüsa le ha kiuto tüsho ha ching larübo kheak mülimkhi thiyih handarübah, tümüde thiyuro ching harü yubo nüsa nükhün ching arüshihpü Atungpuhnü I thiyikheah.”

JEREMIA 26:23

tüsho arünü Ijip chingnü Uria bea lu tüsho kiulongthsüpuh Jehoiakim ki api bedarü, shepünü api nukshangnü kiua keamshih tüsho ashemi ju mihtsürü boto mibahpung jipa bah,

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 5:28

arübo wu tüsho lakhit lah. Arünü mihbukmuyuk rhimobo ching mahiung; akuk ngüshihpü thsüde arünü thiyuronü mürerü mahmükhap, tüsho müthsümülarü alim mutsungdojih.

JEREMIA 7:5

Tümüde nüsanü atsütsünü nüsa limro tüsho rhimobo thsülangsho, nüsanü khülangnü khülang ki thiyuronü rhimosho,

JEREMIA 7:9

Nüsanü ahühba de, alaksahba de, müzammüramba de, akeangyu thade thiyuchihchimba de, Baal kilim kingaünba de, tüsho nüsanü mümükheahkhi thrünpuhbo kilim yüba de,

TÜZHOKHI 4:13

Ha anihbe wukihrü neakbo tüsho anihbe amükeamrü mülimkhibo, thiyuro-lungkirü thiyih bukshihkhi hode alakheah.

EZEKIEL 18:6

apinü müzüng arüngakopungbo ching müyimtsüh yungsho Israel yamkhün sangthsübo mükheahsho, apinü anihbuh yamhingrü niuberü mümünean yungsho aliberü khinu shihcham yüchoki anihbe kheak munungsho,

EZEKIEL 22:7

Kiuto ching shenü she buhrü tüsho berü wüntre müjih; nünü khiungkerü mülapyuk tüsho buhrü mülarü le khimoberü kheahmüchihdo.

LEVI 19:33

Küyimki khiungkerü khülang nüsa lo ching nü lung labanü, nünü dükheahmüchih.

LEVI 25:17

Jumonü nüsanü khülangnü khülang kheak dümülapyuk, tüshe nüsanü nüsa Thrünpuh wüntreang, tümüde I Atungpuh nüsa Thrünpuh ah.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MATHI 27:25

Tüsho mihtsürü alalanü alo, “Api thiyih isa le isa tsührübo kheak rheakshang.”

MATHI 27:4

Apinü tha, “Amülim mülarü yinatsühde thiyih bukshihkhi hode inü neak yihbeakdo.” Arünü alo, “Isanü ju tümü thsüjihpü? Ju nü küdah thsang!”

YUZÜNGTHALO 11:28

tüsho inü nüsa khihni thiyukhüm jihkhi Atungpuh nüsa Thrünpuh yukhümbo manide rholobah nüsanü mümükheahkhi püpü thrünpuhbo kilim yüsho, muthrumünean.

YUZÜNGTHALO 24:17

“Nünü khiungkerü yungsho mürerü dünkheaknü alim düthsümünim, yungsho thiyuchihchimkhi ching khimoberü khimmih dulu.

YUZÜNGTHALO 27:19

“‘Shepünü khiungkerü, mürerü, tüsho khimoberü thiyuro thsungphülapbanü api muthrumünean thsang.’ Tüsho mihtsürü alalanü athabah, “Amen!”

YUZÜNGTHALO 8:19

Tüsho ha ruk labah, Küdüküdüshe nüsanü A TUN GPU H nüsa Thrünpuh mihabahde püpürü thrünpuhbo yansho, tüsho arü tankihde kingaünsho, nüsa tsükjide adükheakbah de inü nüsa azhihde ha nimung thiyumütsan jihchoh.

JAKOB 1:27

Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.