JEREMIA 7:31 - AMÜSÜH HÜM CL Bible (BSI)

³¹ Tüsho arünü Hinnom Tsührü Jindükhün ching Topheth de alakhi achang dangpungbo arü tsührübo mo ching takpü thsüchoh–küpü inü arü ki thiyukhüm müjihkhea, yungsho I lüm ching marükhi la.

JEREMIA 7:31 Iomraidhean Croise

2 KIULONG THSÜRÜ 17:17

Arünü arü tsührü athrürü tüsho aliberübo monü taka kingaün; arünü akhasherü tüsho kuhikheahrü keode la; tüsho arünü Atungpuh miki amütsü rhimode nihbuh zangrü yinde api bukakhiukshih.

2 KIULONG THSÜRÜ 23:10

Apinü Ben-hinnom ching lakhi Topheth thsümünim, junangde shenü she tsührü athrürü yungsho aliberü Molek kilim monü taka mükingaün.

2 KIULONG THSÜRÜ 23:20

Apinü ju ching larü achang dangpung amükeamrü alala kingaün sadam kheaknü laksah, tüsho arü kheak mihtsürü robo tak. Jushu api Jirusalem lim alode yü.

2 KIUTHSÜYUKHEAN 28:3

tüsho apinü Hinnom jindükhün ching kingaün jih, tüsho Atungpuhnü Israel müngühnü yankhita bahkhi trükshihbonü athraneanbe rhimokhibo yande apinü atsührübo mo ching taka kingaün.

2 KIUTHSÜYUKHEAN 33:6

Apinü müchitde, dünjiyu thade, wurük thsüde tüsho mesherü le kuhi-kheahrü keokhide Hinnom jindükhün ching api tsührü taka kingaünkhi jih. Apinü khide amütsü Atungpuh miki rhimode api bukakhiukshih.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

ISAIA 57:5

nüsa thülamsang khüp, sangdung phüyak aban khüp müzammüramrübo; nüsa tsührübo jindükhün ching, lunghü khün ching laksahrübo?

JEREMIA 19:2

tüsho phühdamkhi Ripit ching Hinnom Tsührü Jindükhün lim wukhiukang, tüsho ju ching inü nü ki thakhi yu zhiyukang.

JEREMIA 2:23

Küde thsah nünü thakhukpü, “ I a mümünean, inü Baal dunglim müyü?” Jindükhün ching nü limro kheahang; nünü arhimokhi mükheahang– nü a athrikhi mütüm Kemel halim-halim yungchoh.

JEREMIA 32:34

Arünü I mung kihkhi thüyambo kheak athraneanbebo zhipshih, tüsho ju müneanjih.

JEREMIA 32:35

Inü arü ki thiyukhüm müjihjih she, yungsho Juda neak yihbeakshihpü arünü ha athraneanbe rhimopü I lüm ching mülalashe arü tsührübo tüsho tsührübebo Molek kilim jihpü arünü Hinnom Tsührü Jindükhün ching Baal achang dangpungbo thsü.

EZEKIEL 16:20

Tüsho nünü I kilim zübejihkhi tsührübo tüsho tsührübebo lu tüsho sangthsübo kilim tsühyungpü nangde shuhmülanga jih. Nü müzammüramkhi musuh de?

EZEKIEL 20:26

inü arü treshihpü thsüde, arü akhuh zübekhi thsambahbo jihkhi hode inü arü müneanjih, junangde I Atungpuh de arünü mükheahbah.

EZEKIEL 20:31

Küyimki nüsanü nüsa tsührübo mo ching shuhmülanga jihde nüsa thsambah jihbanü, nüsanü khihni khiungde nüsa yo sangthsübo alala kheaknü müneanchoh. Inü nüsa ki I keokhishihba de, O Israel yamkhün? Tsükjide I lale, Wuto Atungpuhnü ha thachoh, Inü nüsa ki I mükeokhishih.

LEVI 18:21

Nüsa tsührü sheshe Molek thrünpuh ki monü dükingaün, tümütüsho, junü nüsa Thrünpuh mung ching mungchihbah: I Atungpuh .

MIKA 6:7

Atungpuhnü namfimihnupung chithürübo, müdangke ayung chithürübo kheak asühba de? Inü alakmihkhi thsungkheak I tsührü jihba shi, I me neak thsungkheaknü I pang chingnü asokhi jihba shi?”

YUZÜNGTHALO 12:31

Nünü Atungpuh nü Thrünpuh judürü limro chingnü dükingaün; tümüde Atungpuhnü athraneankhi alala arünü arü thrünpuhbo ki rhimodo; tümüde arünü arü tsührü tüsho tsührübebo she arü thrünpuhbo kilim kingaünde mo ching takdo.

YUZÜNGTHALO 17:3

shepünü tsode yünü püpürü thrünpuhbo tankihde inü thiyukhüm müjihkhi ani, khinu yungsho thüning kheak lakhi khürü kingaünbanü;

YUZÜNGTHALO 18:10

Nüsa bolung ching shenü she nihbuh tsührü athrürü yungsho aliberü mo ching mütakbeah, yungsho rük-thümü, müchitrü, khinzungrü, akeangrük huhrü,

JIHUSUA 15:8

aredung ju Hinnom tsührü jindükhün ching Jebusrü lapung düjinglim lodüpheak (ju Jirusalem) lim wutulah; tüsho aredung ju aniyüzahlim Rephaim jindükhün dukulim achinkheam lim Hinnom jindükhün kumung awung lim wutulah.