JEREMIA 7:3 - AMÜSÜH HÜM CL Bible (BSI)

³ Wuto Atungpuh Israel Thrünpuhnü ha thachoh: Nüsa limrobo tüsho nüsa rhimobo thsülangang, tüsho ha dangpung ching I nüsa lung laanü.

JEREMIA 7:3 Iomraidhean Croise

2 KIULONG THSÜRÜ 17:13

Tütüshe Atungpuhnü Israel tüsho Juda ki wukihrü aban tüsho angürü aban hode tha, “Inü nüsa jipürü kilim thiyukhüm jihkhi yakzan tüsho I yamlarü wukihrübo inü nüsa kilim thiyikhi yande nüsa amütsü limrobo chingnü rholoang tüsho I yukhümbo le I yakzanbo zoang.”

EZRA 10:11

Jumonü kheakü, nüsa neak Atungpuh , nüsa jipürü Thrünpuh ki alokhiang, tüsho Api lümkhi rhimoang. Isa lo ching larü khiungkerü tüsho khiungkeberü nüsa niuberü kheaknü chamachihang.”

MÜCHITMUDU 28:13

Shepünü nihbuh neakbo ramchonü akuk müngüchoh, tüshe shepünü jurü alokhiabahcho tüsho bahyukchonü mihmüthsüm labah.

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

JEREMIA 17:25

ha kiuto chipiripit hode David kiulongthsübinkiu kheak binrü kiulongthsürübo, arü torübo, Juda mihtsürü tüsho Jirusalem ching larü khora-lolungbe tüsho khorabo kheak binbah yüzahbah tüsho ha kiuto lünnü alabah.

JEREMIA 18:11

Kheakü, jumonü Juda mihtsürü tüsho Jirusalem ching larü ki thaang: Atungpuhnü ha thachoh: Kheahang, nüsa azhihde inü thsümütsü thsüchoh tüsho rük amütsü thsüchoh. Nüsa alala limro amütsü chingnü kheakü rholoang, tüsho nüsa limrobo le nüsa rhimobo müthriang.

JEREMIA 18:8

tüshe inü athakhi trükshihnü amütsü chingnü rholosho, inü thsümütsü handarüpü lakhi chingnü I lümkhi müthribah.

JEREMIA 26:13

Kheakü jumonü nüsa limrobo tüsho nüsa rhimobo thsüphuloang, tüsho Atungpuh nüsa Thrünpuh yu aniang, tüsho Atungpuhnü nüsa azhihde athakhi thsümütsü alala dünkheak api lümkhi müthribah.

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 35:16

Rekab tsührü Jonadab tsühsoniusobonü arü jipürünü thiyukhüm jihkhi arünü anido tüshe ha mihtsürübonü I yu mani.

JEREMIA 4:1

Nüsanü rholosho, O Israel Atungpuhnü thachoh, nüsanü I kilim rholosho, nüsanü athraneanbe I mikinü yihkhita bahsho, tüsho tsahphülapde müyüsho,

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.