JEREMIA 7:26 - AMÜSÜH HÜM CL Bible (BSI)

²⁶ tütüshe arünü I ki mani yungsho manguh, tüshe arü hungbo chungthülangde la. Arünü arü jipürü kheaknü amütsübe rhimodo.

JEREMIA 7:26 Iomraidhean Croise

1 KIULONG THSÜRÜ 14:22

Atungpuh miki tümü amütsüanü Judanü rhimo; arü jipürünü arhimokhi alala kheaknü alübe arünü yihbeakde arü neakbo kheak api bukakhiukshih.

1 KIULONG THSÜRÜ 14:9

tüshe nünü nü müngüh larü alala kheaknü alübe amülim rhimodo tüsho nü thsungkheaknü püpü thrünpuhbo tüsho sangthsübo I bukakhiukshihde thsü, tüsho nü dunglim I nima bahdo;

2 KIULONG THSÜRÜ 17:14

Arü jipürünü Atungpuh arü Thrünpuh kheak mükinkhi nangde, arünü mani tüshe nihnihde la.

2 KIULONG THSÜRÜ 17:15

Arünü api yakzanbo, apinü arü jipürü kheak tangzüngkhi, tüsho arü kilim dühdükhiyu jihkhi bahyuk. Arünü sangthsübo dunglim yü tüsho amülim kamabah; arünü arhimokhi yande dürhimo de Atungpuhnü athakhi arü mühi trükshihbo dunglim yan.

2 KIUTHSÜYUKHEAN 30:8

Nüsa jipürü nangde yihkhro düla, tüsho Atungpuh ki mihyuaniang tüsho apinü lün thsungkheak tsangkhitkhi api amüsüh dangpung ching arang, tüsho Atungpuh nüsa Thrünpuh tankihang, junangde api bukakhiukkhi amüshak nüsa kheaknü rholode atsobah.

2 KIUTHSÜYUKHEAN 33:10

Atungpuhnü Manase tüsho api mihtsürübo ki asuk, tüshe arünü mani.

2 KIUTHSÜYUKHEAN 33:23

Abuh Manasenü azhihayihkhi nangde apinü Atungpuh miki mazhihayih tüshe ha buh Amonnü amülim alü thsüde rhimo.

NEHEMIA 9:29

Nü yuzüng anishihpü nünü arü ki müzünde tha, tüshe arünü ha anibah rhangdung lapü thsüthsü she arünü kükheangde nü yakzan mani, tüshe nü yakzan azhihde neak yihbeak. Mulong müküpde tüsho nihnihde, arünü mihyuanipü reanglo.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

ISAIA 48:4

Tümütüsho nü anihnih ah de inü mükheahlah, nü hung ju yinchi-süh ah tüsho nü kingkang ju khahrih-yinchi,

ISAIA 5:4

Inü I yo kurungasolu ching mürhimokhi tümükhüh la shi? Inü kurungaso asopü mükkin thsüchoki, küde thsah kurungaso asan asokhea?

JEREMIA 11:8

Tütüshe arünü mihyu mani yungsho arü nükhün manguh, tüshe mihbüm abannü amütsü lümkhi ching nihnihde tsahdo. Jumonü inü arü ki arhimoshihpü thiyukhüm jihkhi ha tangzüng yubo alala arü kheak handarü, tüshe arünü mürhimo.

JEREMIA 16:12

tüsho nüsanü jipürü kheaknü amütsübe yakli huh, tümüde nüsa mihbüm abannü I ki anipü thsunglode, nihbuh lümkhi anihnih amütsü yanchoh.

JEREMIA 17:23

Tütüshe arünü mani yungsho arü nükhün mumupho; arünü arü hungbo chungthülang tüsho mani yungsho thsangdan müleangkhi.

JEREMIA 19:15

Wuto Atungpuh , Israel Thrünpuhnü ha thachoh: Kheakü inü ha kiuto tüsho kiutobo kheak inü azhihde athakhi thsümütsü alala handarüchoh, tümütüsho arünü I yubo anipü reanglode arü hung chungthülangdo.

JEREMIA 22:21

Inü nü lalim-tsükhi ching asuk, tüshe nünü tha, “ Inü mani.” Ha nü athunuchoki nü limro lakheah, tümüde nünü I yu mani.

JEREMIA 25:3

Amon tsührü Juda kiulongthsüpuh Josia kiulongthsükhi kam thürükheak mahsampü chingnü khihni khiungde, kam mukukheak mahsam, Atungpuh yu I kilim arü, tüsho inü nüsa ki alochode asukdo, tüshe nüsanü mani.

JEREMIA 25:7

Tütüshe nüsanü I ki mani, Atungpuhnü thachoh, tüsho junangde nüsa khah rhimonü nüsa nihbuh thsümünimpü nüsanü I bukakhiukshih.

JEREMIA 26:5

tüsho nüsanü mania lalashe inü I yamlarü wukihrübo niokheamde nüsa kilim arüshihkhi yubo manisho,

JEREMIA 29:19

tümütüsho arünü I yu mani, Atungpuhnü thachoh, küyimki inü nüsa kilim I yamlarü wukihrübo alochode arüshihkhea, tüshe nüsanü mani, Atungpuhnü thachoh.

JEREMIA 3:13

Nünü Atungpuh nü Thrünpuh azhihkhi mütsande mükheahshang, tüsho nü muzho jaksorü bolung sangdung phüyak aban khüp hiumüzütkhi, tüsho I yu manikhi alokhiang, Atungpuhnü thachoh.

JEREMIA 32:23

arünü yüzah tüsho alakukruk lu. Tüshe arünü nü düsheak mani yungsho nü yakzan ching mütsah; nünü arü ki thiyukhüm jihkhi alala arünü tümü mürhimo. Jumonü nünü harü thsümütsü alala arü kheak arüshih.

JEREMIA 34:14

“ Ibrirü nüsa ki yinbah kam thuruk nüsa tankihkhi nüsa mihbüm abannü kam thünepü ching zuzu kamshihbeah.” Tüshe nüsa jipürübonü I ki mani yungsho arü nükhün I ki manguh.

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 35:17

Jumonü Atungpuh , Wuto Thrünpuh, Israel Thrünpuhnü ha thachoh: Inü Juda tüsho Jirusalem ching larü alala kheak azhihde athakhi thsümütsü lüpdükhi handarübah; tümütüsho inü arü ki asuk tüshe arünü mani, inü arü ki ji tüshe arünü malo.

JEREMIA 44:16

“Atungpuh mung chingnü nünü isa ki asukkhi yu isanü nü ki mani.

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

JEREMIA 6:10

She kheak inü asukba tüsho düh de athaba, junangde arünü asoba? Kheahang, arü nükhünbo müyeahshung, arünü manikhuk. Atungpuh yu ju arü ki münedung lah; arünü ju ching asühako müla.

JEREMIA 6:17

Kheaküshe inü nüsa thsungkheak aheangrübo zojihlah: “Hulipungpung düsheak aniang!” Tüshe arünü tha, “ Isanü mani.”

JEREMIA 7:24

Tütüshe arünü mihyu mani yungsho arü nükhün mumupho, tüshe arü amütsü lümkhi ching nihnihde, arü nihbuh lümrükbo ching tsah, tüsho mikhuhlim yungde dunglim peang tsah.

JEREMIA 9:13

Tüsho Atungpuhnü thachoh: Tümütüsho arünü arü miki zojihkhi I yakzan bahyukdo, tüsho I yu mani, yungsho ju yande mütsah,

EZEKIEL 12:2

Mihtsürü tsührü, nü azhih mihtsürü bolung lachoh. Arübo angüpü mükbo lah tüshe müngü tüsho asopü nükhünbo lah tüshe muso, tümüde arübo azhih mihtsürü ah.

EZEKIEL 12:3

Jumonü, mihtsürü tsührü, ramtso thsungkheak nü kukrukbo tsanglungang tüsho animuro kim ching arünü akheahchoki tsahmusuang tüsho püpü lim yüang. Arübo azhih mihtsürü thsüthsü she, khükijua arünü anikhitbah.

EZEKIEL 20:30

Jumonü Israel yamkhün ki thaang: Wuto Atungpuhnü ha thachoh: Nüsa bebuhrünü arhimokhi yande nüsa müneana luba de tüsho arü yo sheak mülakhi mejak dunglim mulong jihba de?

DANIEL 9:6

Isanü nü mung chingnü isa kiulongthsürübo, yakzanshuhrübo, isa jipürübo, tüsho lomi mihtsürü alala ki asukkhi nü yamlarübo ki mani.

HOSEA 11:7

I mihtsürü ju I kheaknü rholode atsopü lümkihlah. Arünü Khide Achangbuh ki jiji she apinü arü mushuhmusu.

ZEKARIA 7:11

Tüshe arünü anipü thsunglo, tüsho chungthülangdo arü düthsün anguh tüsho manipü arü nükhün yihdo.

MALAKI 3:7

Nüsa jipürü nimungbo chingnü nüsanü I yakzanbo chingnü anguh tüsho jurü muzo. I kilim rholoang, tüsho inü nüsa kilim rholobah, Wuto Atungpuhnü thachoh. Tüshe nüsanü thachoh, “ Küde thsah isanü arholopü?”

MATHI 21:38

Tüshe küyimki thulu-mücherübonü atsührü ju angükhea, arü khülangnü khülang ki thaachih, ‘Ha yamrüplurüp lubuh ah; arang, isanü api laksahanü tüsho api yamrüplurüp luanü.’

MATHI 23:32

Dale nüsa jipürünü atankihkhi atsamabahang.

YUNIRÜBO RHIMO 7:51

“Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

YUZÜNGTHALO 8:20

Nüsa müngüh Atungpuhnü trükshihbo dükheakshihkhi nangde, Atungpuh nüsa Thrünpuh düsheak manikhi dünkheaknü nüsa she adükheakbah.