JEREMIA 7:25 - AMÜSÜH HÜM CL Bible (BSI)

²⁵ Nüsa jipürü Ijip lomi chingnü bekhit nimungnü khihni khiungde, inü I yamlarübo wukihrü alala, nimung abande, alochode arü kilim yüshih;

JEREMIA 7:25 Iomraidhean Croise

2 KIUTHSÜYUKHEAN 24:19

Tütüshe apinü arü Atungpuh kilim belode arüpü arü bolung wukihrübo yüshih; arünü arü azhihde thiyumütsan jih, tüshe arünü mani.

2 KIUTHSÜYUKHEAN 36:15

Atungpuh , arü jipürü Thrünpuhnü api yunithsürübo hode mutukzhakde arü kilim thiyusheak yüshih, tümütüsho apinü anihbuh mihtsürü tüsho api lapung kheak amuzho lakheah;

EZRA 9:7

Isa jipürü nimung chingnü kheakü khiungde isanü tode neak yihbeakde arüdo; tüsho neak hode isa kiulongthsürübo tüsho amükeamrübo püpürü kiulongthsü khah ching, khihni hanangde, thsühnuk ching, ramtso ching, jangkhijangra ching, tüsho achih ngüde lashih.

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

NEHEMIA 9:30

Kam ashang nünü arü ki arümkheam, tüsho nü memüsühnü wukihrübo hode thashih; tüshe arü nükhünnü mani, jumonü nünü arübo püpürü lomi khah ching jihabah.

ISAIA 5:4

Inü I yo kurungasolu ching mürhimokhi tümükhüh la shi? Inü kurungaso asopü mükkin thsüchoki, küde thsah kurungaso asan asokhea?

JEREMIA 11:7

Tümüde inü nüsa jipürü Ijip chingnü bede akhiukchoki düshihde arü ki thado, khihni khiungde arü ki kim aban, I yu aniang de thade lah.

JEREMIA 25:3

Amon tsührü Juda kiulongthsüpuh Josia kiulongthsükhi kam thürükheak mahsampü chingnü khihni khiungde, kam mukukheak mahsam, Atungpuh yu I kilim arü, tüsho inü nüsa ki alochode asukdo, tüshe nüsanü mani.

JEREMIA 25:4

Tüsho Atungpuhnü api yamlarü wukihrübo alala alochode nüsa kilim arüshihshih she, nüsanü mani yungsho nüsa nükhün mumupho,

JEREMIA 29:19

tümütüsho arünü I yu mani, Atungpuhnü thachoh, küyimki inü nüsa kilim I yamlarü wukihrübo alochode arüshihkhea, tüshe nüsanü mani, Atungpuhnü thachoh.

JEREMIA 35:14

Rekab tsührü Jonadabnü api tsühsoniuso kilim yukhu muyungpü thiyukhüm jihkhi anido; tüsho arünü khihni khiungde muyung, tümüde arünü arü jipürü yukhüm anido. Tüshe inü nüsa ki alochode asuk, tüshe nüsanü I yu mani.

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 44:4

Judüalalashe, inü I yamlarübo wukihrübo alochode thiyia arüshihde tha, “ Inü athraneankhi ha athraneanbe dürhimo!”

JEREMIA 7:13

Tüsho kheakü, nüsanü harü alala rhimokhinü, Atungpuhnü thachoh, tüsho küyimki inü nüsa ki alochode asukkhea, nüsanü mani, tüsho küyimki inü nüsa jikhea, nüsanü malo,

EZEKIEL 2:3

Apinü tha: “Mihtsürü tsührü, inü nü Israel, I azhih trükshih kilim yüshihchoh; arü le arü bebuhrünü khihni khiungde I azhihde arüdo.

HOSEA 11:7

I mihtsürü ju I kheaknü rholode atsopü lümkihlah. Arünü Khide Achangbuh ki jiji she apinü arü mushuhmusu.

HOSEA 12:10

Inü wukihrübo ki asuk; inü michihbo hihde kamshih, tüsho wukihrübo hode inü athsümünim hande arübah.

AMOS 2:11

Tüsho inü nüsa tsührü khürü wukihrübo akhiukshih tüsho athunurü khürü Nazirit kamshih. Ha atsütsü yung de, O Israel mihtsürü? Atungpuhnü thachoh.

MALAKI 3:7

Nüsa jipürü nimungbo chingnü nüsanü I yakzanbo chingnü anguh tüsho jurü muzo. I kilim rholoang, tüsho inü nüsa kilim rholobah, Wuto Atungpuhnü thachoh. Tüshe nüsanü thachoh, “ Küde thsah isanü arholopü?”

LUKNÜ ATHRÜTKHI THIYUSHEAK-ATSÜ HUHTANYU 11:49

Jumonü Thrünpuh lümlungnü thachoh, ‘Inü arü kilim wukihrübo tüsho amüsüh-thsangyurübo yüshihbah, tüsho arünü arü khürü laksahbah tüsho thsümüchibah.’

YUZÜNGTHALO 9:7

“Nüsanü künangde sunglo ching Atungpuh nüsa Thrünpuh bukakhiukshihkheanü lümkhitang tüsho dümih; nüsa Ijip lomi ching chamachihkhi nimungnü ha dangpung khiungde arüchoki dükeak ching nüsanü Atungpuh azhihde arüdo.