JEREMIA 7:24 - AMÜSÜH HÜM CL Bible (BSI)

²⁴ Tütüshe arünü mihyu mani yungsho arü nükhün mumupho, tüshe arü amütsü lümkhi ching nihnihde, arü nihbuh lümrükbo ching tsah, tüsho mikhuhlim yungde dunglim peang tsah.

JEREMIA 7:24 Iomraidhean Croise

NEHEMIA 9:29

Nü yuzüng anishihpü nünü arü ki müzünde tha, tüshe arünü ha anibah rhangdung lapü thsüthsü she arünü kükheangde nü yakzan mani, tüshe nü yakzan azhihde neak yihbeak. Mulong müküpde tüsho nihnihde, arünü mihyuanipü reanglo.

MUNGSHIKHÜN 81:13

O, I mihtsürünü I ki anikhülaa, junangde Israelnü I limrobo ching tsahkhülaa!

JEREMIA 13:10

Ha amütsü mihtsürü, sherünü I yu anipü thsunglocho, sherünü nihnihde arü lümkhi ching yancho tüsho püpürü thrünpuhbo dunglim arü tankihpü tüsho kingaünpü yüdünü, atsü thsungkheak tümü mülakhi ha chimrüm khim nangde alabah.

JEREMIA 13:11

Tümütüsho chimrüm khimnü khürü chim kheak kapkihkhi nangde, inü Israel yamkhün abümnü tüsho Juda yamkhün abümnü I kheak kapkihshihbah, Atungpuhnü thachoh, jude athsükhinü arübo I thsungkheaknü mihtsürü khülang, mung khülang, mungshi khülang, tüsho müretahkhi khülang labah. Tüshe arünü mani.

JEREMIA 15:6

Nünü I bahyukdo, Atungpuhnü thachoh, nü dunglim peang yüchoh; jumonü nü azhihde I khah chungkhitkheah tüsho nü thsümünim– tümütüsho I bukakhiukkhi danlopü keaka lakheah.

JEREMIA 16:12

tüsho nüsanü jipürü kheaknü amütsübe yakli huh, tümüde nüsa mihbüm abannü I ki anipü thsunglode, nihbuh lümkhi anihnih amütsü yanchoh.

JEREMIA 17:23

Tütüshe arünü mani yungsho arü nükhün mumupho; arünü arü hungbo chungthülang tüsho mani yungsho thsangdan müleangkhi.

JEREMIA 17:9

Mulong ju alala kheaknü mülapmüjikhi lah tüsho athsüngupü münchi holah, shepünü ju anikhitkhukba?

JEREMIA 18:10

tüshe I yu manide I miki amütsü rhimosho, judüki inü atsü rhimopü lümkhi müthribah.

JEREMIA 18:12

Tüshe arünü tha, “Ju rhimo müla! Isanü isa nihbuh lümkhi yanbah, tüsho isa mihbüm abannü isa lümkhi amütsü yande arhimobah.”

JEREMIA 2:27

shepünü sangdung ki tha, “ Nü a I buh,” tüsho lung ki tha, “ Nünü I zübe.” Tümüde arünü arü düthsün I kilim anguh. Tüshe arü küpkhuk kim ching arünü thachoh, “Arang tüsho isa khümkhitang!”

JEREMIA 22:21

Inü nü lalim-tsükhi ching asuk, tüshe nünü tha, “ Inü mani.” Ha nü athunuchoki nü limro lakheah, tümüde nünü I yu mani.

JEREMIA 23:17

Atungpuh yu mükhemükimrü kheak arünü thachoh, “ Nüsa tsüde alabah;” tüsho nihnihde nihbuh mulongkhi ching yanrü ki arünü thachoh, “Thsümütsü tümü she nüsa kheak marü.”

JEREMIA 3:13

Nünü Atungpuh nü Thrünpuh azhihkhi mütsande mükheahshang, tüsho nü muzho jaksorü bolung sangdung phüyak aban khüp hiumüzütkhi, tüsho I yu manikhi alokhiang, Atungpuhnü thachoh.

JEREMIA 3:17

Ju kim ching Jirusalem ju Atungpuh kiulongthsü-binkiu de ajibah, tüsho trükshih alala Jirusalem ching Atungpuh miki mukhungbah, tüsho kheaküa arünü mulong müküpde nihbuh amütsü lümkhi ching müyan.

JEREMIA 32:23

arünü yüzah tüsho alakukruk lu. Tüshe arünü nü düsheak mani yungsho nü yakzan ching mütsah; nünü arü ki thiyukhüm jihkhi alala arünü tümü mürhimo. Jumonü nünü harü thsümütsü alala arü kheak arüshih.

JEREMIA 32:33

Arünü arü düthsün I ki anguhdo, arü mirobo yung; inü arü ki alochode thsangyuyu she, arünü mani tüsho thsülangkhi mulu.

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

JEREMIA 7:26

tütüshe arünü I ki mani yungsho manguh, tüshe arü hungbo chungthülangde la. Arünü arü jipürü kheaknü amütsübe rhimodo.

JEREMIA 8:5

Dale küde ha mihtsürünü murholo tsantsande tsoa la? Arünü akeangyu kheak düküngde ramrihdo, arünü arholopü reanglodo.

JEREMIA 9:14

tüshe arü jipürünü arü ki thsangyukhi nangde nihnihde arü nihbuh mulong yan tüsho Baalbo dunglim yü.

EZEKIEL 20:13

Tütüshe Israel mihtsürünü sunglo ching I azhih. Mihtsürünü mihyuanibah rhangdung lapü lalashe, arünü I yakzan thsükhibo müyan tüshe I yakzanbo bahyuk tüsho arünü shahde I amunibo müneanjih. Jumonü inü arü kheak I bukakhiuk dungkihbah tüsho sunglo ching arü dükheakshihbah de inü tha.

EZEKIEL 20:16

tümütüsho arünü I yakzanbo bahyuk tüsho I yakzan thsükhibo müyan tüsho I amunibo müneanjih; tümüde arü mulong arü sangthsübo dunglim yü.

EZEKIEL 20:21

Tüshe tsührübonü I azhih: Arünü I yakzan thsükhibo müyan, mihtsürünü mihyu anibah rhangdung lapü lalashe arünü I yakzanbo zopü mükümkang, tüsho I amunibo müneanjih. Jumonü sunglo ching arü kheak I bukakhiuk dungkihpü tüsho arü azhihde bukakhiukpü inü tha.

EZEKIEL 20:8

Tüshe arünü I azhih tüsho I ki mani; arü mük ki lakhi athraneanbe mejakbo arünü yihkhita mübah, yungsho arünü Ijip sangthsübo mübahyuk. Jumonü I mulong zhipzhip arü kheak dungkihpü tüsho Ijip ching arü kheak I bukakhiukpü inü tha.

DANIEL 9:6

Isanü nü mung chingnü isa kiulongthsürübo, yakzanshuhrübo, isa jipürübo, tüsho lomi mihtsürü alala ki asukkhi nü yamlarübo ki mani.

HOSEA 10:6

Kukruk ju Asiria lim ato kiulongthsüpuh ki ruk nangde hande ayübah. Ephraim achih ngübah, tüsho Israelnü anihbuh sangthsü dünkheak achihbah.

HOSEA 4:16

Israelrü ju khoranunu nangde yihkhro ah; küde thsah Atungpuhnü rimlopung amülih ching arü yimkippü?

MIKA 6:16

Nünü Omri yakzan thsükhibo tüsho Ahab yamkhün rhimobo zodo, tüsho nünü arü lalimlakobo yando. Jumonü inü nü ju athsümünim, tüsho nü kheak larübo ish thsüpü kamshihkheah; jumonü I mihtsürünü abahyukkhi nünü ahanbah.

ZEKARIA 7:11

Tüshe arünü anipü thsunglo, tüsho chungthülangdo arü düthsün anguh tüsho manipü arü nükhün yihdo.

YUZÜNGTHALO 29:19

tüsho küyimki hadürü mihtsürünü ha muthrumüneankhi sobanü, apinü nihbuh mulong ching müngühmühide athabah, ‘Inü I mulongnü alümkhi ching tsah-a lalashe I mungtsü labah.’ Hanü nüsa atsü tüsho amütsü chido thsümünimbah.