JEREMIA 7:23 - AMÜSÜH HÜM CL Bible (BSI)

²³ Tüshe ha yukhüm inü arü ki jihkheah, “ I düsheak aniang, tüsho I nüsa Thrünpuh thsübah, tüsho nüsa I mihtsürü thsübah; tüsho inü nüsa ki thiyukhüm jihkhi limro ching lang tsahang, junangde nüsa tsüde alabah.”

JEREMIA 7:23 Iomraidhean Croise

JOB HU H T ANYU 36:11

Arünü anisho, tüsho api tankihsho, arünü arü nimungbo lalim tsüde tüsho arü kambo reangkeamde hoshihbah.

MUNGSHIKHÜN 119:3

Arünü amülim she mürhimo; arünü api limrobo ching tsahchoh.

MUNGSHIKHÜN 40:6

Nünü laksah-a kingaünkhi tüsho jihchungkhi mulune; nünü I nükhünbo yeahshungjih; taka kingaün tüsho neak kingaün nünü mükheang.

MUNGSHIKHÜN 81:13

O, I mihtsürünü I ki anikhülaa, junangde Israelnü I limrobo ching tsahkhülaa!

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

ABEKHIT 16:32

Mosanü tha, “Atungpuhnü thiyukhüm jihkhi ju ha: ‘ Manna ju pungdüchi 1 luang tüsho arübe lünbo thsungkheak zoang, junangde inü nüsa Ijip chingnü bekhitchoki nüsa tsühshihpü sunglo ching yikhap jihkhi arünü angübah.’”

ISAIA 3:10

Thiyuro larü ki arü kuhi lakhi thaang, tümüde arünü arü rhimokhi sangaso tsühbah.

JEREMIA 11:4

küpü nüsa jipürü Ijip lomi yinchi motru chingnü bekhitchoki inü arü ki thade, I yu aniang, tüsho inü nü ki thiyukhüm jihkhi alala rhimoang de thiyukhüm jih. Junangde nüsa I mihtsürü thsübah,

JEREMIA 11:7

Tümüde inü nüsa jipürü Ijip chingnü bede akhiukchoki düshihde arü ki thado, khihni khiungde arü ki kim aban, I yu aniang de thade lah.

JEREMIA 13:11

Tümütüsho chimrüm khimnü khürü chim kheak kapkihkhi nangde, inü Israel yamkhün abümnü tüsho Juda yamkhün abümnü I kheak kapkihshihbah, Atungpuhnü thachoh, jude athsükhinü arübo I thsungkheaknü mihtsürü khülang, mung khülang, mungshi khülang, tüsho müretahkhi khülang labah. Tüshe arünü mani.

JEREMIA 22:21

Inü nü lalim-tsükhi ching asuk, tüshe nünü tha, “ Inü mani.” Ha nü athunuchoki nü limro lakheah, tümüde nünü I yu mani.

JEREMIA 22:3

Atungpuhnü ha thachoh: Thiyuro tüsho thiyurolungkinü rhimoang, tüsho rükyuka larü ajunorü khah chingnü bekhitang. Tüsho amülim düthsü, yungsho khiungkerü, mürerü, tüsho khimoberü ki athsümünim düla, yungsho ha dangpung ching amülim mülarü thiyih dübuk.

JEREMIA 24:7

Inü arü kilim I Atungpuh de mükheahpü mulong jihbah; tüsho arübo I mihtsürü thsübah tüsho I arü Thrünpuh thsübah, tümüde arü mulong athrünkhinü arübo I kilim rholobah.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

JEREMIA 32:23

arünü yüzah tüsho alakukruk lu. Tüshe arünü nü düsheak mani yungsho nü yakzan ching mütsah; nünü arü ki thiyukhüm jihkhi alala arünü tümü mürhimo. Jumonü nünü harü thsümütsü alala arü kheak arüshih.

JEREMIA 38:20

Jeremianü alo, “ Nü arü kilim müjih. Inü tümü nü ki thachonü Atungpuh düsheak lang aniang, tüsho nü tsüde alabah tüsho nü rhangdung aninga labah.

JEREMIA 42:6

Atsü yungsho amütsü thsüthsü, isanü shepü kilim nü yüshihchonü Atungpuh yu isanü anibah, ju yande isanü Atungpuh isa Thrünpuh yu anichoki isa tsüde ayübah.”

ZEPHANIA 3:2

Hanü tümü düsheak mani; hanü athsülangkhi müleangkhi. Hanü Atungpuh kheak mükin; hanü nihbuh Thrünpuh kilim phünide müyü.

ZEKARIA 6:15

Sherübo limshude lanü arübah tüsho Atungpuh yam thsüpü rungbah; tüsho Wuto Atungpuhnü I ju nü kilim thiyikheah de nünü amükheahbah. Nünü düshihde Atungpuh nü Thrünpuh yu anisho ha adünjibah.

ZEKARIA 7:7

Jirusalem mühide kiutobo bede lalim tsüde alachoki, tüsho Negeb le Shephela ching laabahshu harü Atungpuh yubo ha adüso wukihrübonü azhiyukkhi yung de?

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

2 KORINT 10:5

Thrünpuh mükheahmudu lim atsangachih tüsho lülüshishi limkhudo aban isanü thsümünimchoh, tüsho lümkhi aban Khrista yu anipü ramde arüchoh.

YUZÜNGTHALO 11:27

khihni inü nüsa ki thiyukhüm jihkhi Atungpuh nüsa Thrünpuh yukhümbo anisho müngühmühi;

YUZÜNGTHALO 13:4

Nüsanü Atungpuh nüsa Thrünpuh dunglim tsahang tüsho api wüntreang, tüsho api yukhüm yande api düsheak aniang, tüsho nüsanü api tankihde api kheak düngdüng ramrihang.

YUZÜNGTHALO 13:5

Tüshe wukihrü yungsho milim müchitrü ju asheshihbah, tümütüsho apinü Atungpuh nüsa Thrünpuh shepünü nüsa Ijip chingnü bekhit tüsho azhorü yamkhün chingnü rhokhitkhea, apinü thiyukhüm jihkhi limro chingnü tüsho api kheaknü chamkhide atsoshihpü nüsa ki thado. Junangde nüsanü amütsü rhimo nüsa bolungnü yihkhita bahang.

YUZÜNGTHALO 30:2

tüsho inü khihni nüsa ki thiyukhüm jihkhi nangde nü tüsho nü tsührübo, nü mulong tüsho nü me athrünkhi Atungpuh nü Thrünpuh ki rholode api ki mihyuanisho,

YUZÜNGTHALO 30:20

junangde nünü Atungpuh nü Thrünpuh muzhode api yu anibah, tüsho nünü api kheak müripbah, tümüde api ju nü rhangdung tüsho nü kutsüp; tüsho Atungpuhnü nüsa jipürü, Abraham, Isak tüsho Jakob arü kilim jihpü thiyuchihchimkhi lo ching nü labah.”

YUZÜNGTHALO 30:8

Tüsho nünü Atungpuh ki mihyuanilobah tüsho inü khihni nü ki thiyukhüm jihkhi ha arhimobah.

YUZÜNGTHALO 4:10

künangde nüsa Atungpuh nüsa Thrünpuh miki Horeb ching zhipchoki Atungpuhnü I ki tha, Mihtsürübo I ki bemukhungang; tüsho inü I yu soshihbah, junangde arü alomi ching lachoki rhangdung amuyungnü I wüntrepü mükheahbah, tüsho arünü tsührübo ki thsangyubah.

YUZÜNGTHALO 4:40

Jumonü nüsanü api yakzanbo tüsho yuzüngbo inü khihni jihkhi aniang, junangde nüsa dunglim tsührübo kheak tsüde alabah, tüsho Atungpuh nüsa Thrünpuhnü lün thsungkheak jihkhi lo ching nüsa kutsüpde alabah.”

YUZÜNGTHALO 5:16

“Atungpuh nü Thrünpuhnü thiyukhüm jihkhi nangde nü be tüsho nü buh wüntreang, junangde Atungpuh nü Thrünpuhnü ajihkhi lo ching nü kutsüpde alabah.

YUZÜNGTHALO 5:29

O, arünü I wüntrekhi hadürü arü mulong ching lade kamruhroro I yukhüm zokhülaa, junangde arü tsührübo kheak lünnü tsüde alabah!

YUZÜNGTHALO 5:33

Nüsanü lüpdükhi ching Atungpuh nüsa Thrünpuhnü thiyukhüm jihkhi ching tsahang, junangde nüsa rhangdung tsüde alabah, tüsho nüsanü amükühpü lakhi lo ching nüsa kutsüp ashang alabah.

YUZÜNGTHALO 6:3

Jumonü O Israel aniang, tüsho ha yande arhimopü kümkangang, junangde nüsa tsüde alabah, tüsho Atungpuh nüsa bebuhrü Thrünpuhnü nüsa ki thiyuchihchimkhi nangde niuhke tüsho mukhuke bukde alakhi lomi ching tode wüh bubah.

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.