JEREMIA 6:7 - AMÜSÜH HÜM CL Bible (BSI)

⁷ Kekhipnü ke bukkhitkhi nangde, anihbenü mihbukmuyuk bukkhitchoh; thiyih bukkhi tüsho athsümünim anihbe kheaknü sochoh; tukthsü tüsho mübo I miki judü lang lah.

JEREMIA 6:7 Iomraidhean Croise

MÜCHITMUDU 4:23

Nü lümzülümdokhi kümkangang; tümütüsho ju kenü ah.

ISAIA 1:6

Jinglung chingnü, thangphülang khiungde, ju ching atsü müla, tüshe areakbo le mübo tüsho mübo thiyihkhi lah; jurübo mümüsühabah yungsho mürüm, yungsho müdangke mumujude lah.

ISAIA 57:20

Tüshe mihbukmuyuk ju keto bukkhi nangde zhikde mülakhuk; ke bukkhinü aneak tüsho akhimniuhniuh rhukihchoh.

ISAIA 59:6

Arü azheangliubonü khim nangde müthsükhuk; arünü athsükhinü arü muphudori. Arü rhimobo ju amülim rhimobo lah, tüsho thiyih bukkhi rhimobo arü khah ching lah.

JEREMIA 20:8

Tümüde küyimki inü asukkheanü, inü zhikhit, inü zhi, “ Khahleakleak tüsho athsümünim!” Tümüde I thsungkheaknü Atungpuh yu nimung amuyung mükhemükim tüsho keangrümüne kamdo.

JEREMIA 30:12

Tümüde Atungpuhnü ha thachoh: Nü mü müthsüngukhukbe lah, nü yurikhi mungukhukbe lah.

JEREMIA 30:13

Nü kümpü she müla, nü mü thsungkheak moli müla, nü thsüngupü müla.

JEREMIA 30:15

Tümüde nü yurikhi thsungkheak zhicho? Nü thsünükhi müthsüngukhukbe ah. Tümütüsho nü mülimkhi tolah, tümütüsho nü neakbo hihdaklah, inü harü nü ki rhimodo.

JEREMIA 32:31

Ha kiutonü athsükhi nimungnü khihni khiungde I bukakhiukshihdo tüsho mulong zhipzhipshihdo, junangde ha I mikinü lahkhita bahbah,

JEREMIA 8:22

Gilead ching moli müla de? Ju ching thümürü müla de? Dale tümüde amuzhobe I mihtsürü shihphü müthsüngukhea?

EZEKIEL 21:29

Nüsanü angükhi michihbo tüsho müchitbo akeangyu, nüsa mihbukmuyuk tüsho amütsürü tüsho nüsa akheam thsümüchipü nimung arüchoh, nukshang ju nüsa hungbo kheak keampü lah.

EZEKIEL 24:7

Tümüde ju ching thiyih zahlah; anihbenü ju lung kheak yihkih; alonü alüpdopü thsüde anihbenü alo kheak mubukkhit.

EZEKIEL 45:9

Atungpuh Thrünpuhnü ha thachoh: Suhdo, O Israel kiulongthsürübo! Athsümünim tüsho junokhi bahyukang, tüsho tümü thiyuro tüsho alungkianü rhimoang. Nüsanü I mihtsürü yankhitkhi arün thsang, Atungpuh Thrünpuhnü thachoh.

EZEKIEL 7:11

Athsümünimnü mihbukmuyuk alü kamshihchoh; arü sheshe, lakhit amo-achak tümü maning.

EZEKIEL 7:23

Yinchiliubo tsanglungang, tümütüsho alomi ju thiyih bukkhinü milah tüsho kiuto athsümünimnü milah.

ZEPHANIA 3:1

Ayokhe, athsümünimkhi, amüneankhi, junokhi kiuto!