JEREMIA 6:25 - AMÜSÜH HÜM CL Bible (BSI)

²⁵ Thulu ching düyü, yungsho limro kheak dütsah; tümüde thiririnü nukshang shuhlah, athrip abande atrebe lah.”

JEREMIA 6:25 Iomraidhean Croise

2 KIUTHSÜYUKHEAN 15:5

Ju kimbo ching she thsungkheak she ayüpü yungsho arüpü mukukde alakheah, tümüde küpkhuk atonü lomi ching larü alala thsünü.

JOB HU H T ANYU 18:11

Athrip abande atrebenü api müzünchoh, tüsho api lahzhi kheak müthsakkihlah.

MUNGSHIKHÜN 31:13

Tümüde akeangyu thakhi ahihkhüh inü sochoh; thrip aban atrebe lah; arünü I azhihde rük thsüchoh tüsho I rhangdung lupü mülapmüjichoh.

ISAIA 1:20

tüshe nüsanü reanglosho tüsho azhihsho, nukshangnü nüsa muyubah; tümüde Atungpuh münnü asukdo.

JEREMIA 14:18

I thulu ching wukhiuksho, nukshangnü alaksahkhibo inü ngüchoh; I kiuto ching yüzahsho, khümzungnü tukthsürübo inü ngüchoh. Wukihrü tüsho amükeamrü chido arünü mümükheahkhi ching yüdo.

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

JEREMIA 30:5

Atungpuhnü ha thachoh: Isanü atrebe, atrekhi zhikhi sodo, mungtsü yung.

JEREMIA 4:10

Judüki inü tha, “Ah, Atungpuh T H RÜ NPU H , küde nünü shahde ha mihtsürü tüsho Jirusalem mulomülapde athakhea, ‘ Nukshang nü hung kheak lalashe nü mungtsü labah!’ ”

JEREMIA 4:5

Juda ching thakhiang, tüsho Jirusalem ching zhiyukang tüsho thaang. Lomi alala ching hulipungpung mütang; achangnü ahoang tüsho thaang, “ Rukhüh mukhungang, tüsho isanü chipi ayünkhi kiutobo ching yüzahanü!”

JEREMIA 46:5

Tüshe tümüde arü trekhi inü ngücho? Arübo rholode arüdo; arü thirithsürübo kukabahdo tüsho niokheamde tsodo. Arünü rholoa mükheah– alala mühide atrebe lah! Atungpuhnü thachoh.

JEREMIA 49:29

Arü khimyambo tüsho arü mihnubo, zhindokhim tüsho arü kukruk alala luang; nüsa thsungkheaknü kemelbo luang, tüsho azhikhi khülang yükihbah: “Alala mükamde mihtrebe lah!”

JEREMIA 49:5

Nü yamhingrü alala chingnü inü nü kheak atrebe handarübah, Wuto Atungpuhnü thachoh, nüsa mihbüm aban yanmüzütbah, tüsho tsotsahrümtsahrübo shenü mübemukhung.

JEREMIA 8:14

Tümüde isa kheakü khiungde binla? Rukhüh mukhungang, isanü chipi ayünkhi kiuto ching yüzahanü, tüsho ju ching dükheakanü; tümüde Atungpuh isa Thrünpuhnü isa dükheakshihpü akhuabahdo, tüsho müzüm ke ayungpü jihdo, tümütüsho isanü Atungpuh azhihde neak yihbeakdo.

JEREMIA 8:15

Isanü mungtsü thsungkheak kheahchoh, tüshe tümü atsü müngü, athsüngupü kim kheahchoh, tüshe ju müthri atrebe lah.

TÜZHOKHI 2:22

Thünio nimung khülang nangde nünü mühi alala chingnü I riribo juyukdo; tüsho Atungpuh bukakhiukkhi nimung she mutsokhit yungsho maning; shepü inü zübekhea tüsho mütrükheanü I ririnü thsümünimdo.

EZEKIEL 21:17

I she I khahbo dambah, tüsho I mulong zhipzhip keamlobah. I Atungpuhnü asukdo.

EZEKIEL 7:18

Arünü shungliukhim phuyubah tüsho atrebe khümbah. Arü mirobo kheak achihkhi labah tüsho arü kubo hütbah.

LUKNÜ ATHRÜTKHI THIYUSHEAK-ATSÜ HUHTANYU 19:43

Nü riribonü nü mükamde chipi ayünde tüsho thrip aban zündopü nimungbo arübah,