JEREMIA 6:23 - AMÜSÜH HÜM CL Bible (BSI)

²³ Arünü sanglüh tüsho thsüh thrüa luchoh, arü bukmüke tüsho mihmüthsüm müla, arü düsheak ju keto ahukkhi nangde lah; arübo khorabo kheak binlah, thirithsürü nangde nüsa azhihde züt thsülah, O Zion tsührübe!

JEREMIA 6:23 Iomraidhean Croise

ISAIA 10:32

Ha nimungnü api Nob ching labah, apinü Jirusalem awung, Zion tsührübe Müzüng kheak akhah zhimpungkhi niukbah.

ISAIA 13:18

Arü sanglühbonü athunu mihtsürübo laksahbah; arünü nuyam sangaso kheak mihmüthsüm mülade alabah; arü müknü azürübo kheak kheah-a mümuzho.

ISAIA 17:12

Ah, mihtsürü ahihdo arhunganimkhi, arünü keto ahuhkhi nangde alanchoh! Ah, trükshihbo arungkhi, arünü ke ato ahukkhi nangde ahukchoh!

ISAIA 19:4

inü Ijiprü ju amüküp aputungrü khah ching jihbah; bukmüke kiulongthsürünü arü kurungkheak yakzan shuhbah, Wuto Atungpuhnü thachoh.

JEREMIA 25:32

Wuto Atungpuhnü ha thachoh: Kheahang, thsümütsü ju trükshih chingnü trükshih ching buchoh, tüsho alomi akheam chingnü chitmühean akihchoh!

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

JEREMIA 4:16

Trükshihbo ki thaang, “Ha ching arü lah!” Jirusalem azhihde zhiyukang, “ Limshu lomi chingnü thiriri arüchoh; arünü Juda kiutobo azhihde ahochoh.

JEREMIA 4:29

Khoraberü tüsho sanglüh-kiprü düsheaknü kiuto alala tsochoh; arü rimchak ching yüzahchoh; arübo lunghü kheak künchoh; kiuto alala bahyukdo tüsho jurü ching she müla.

JEREMIA 5:16

Arü hühzopung ju akhimshuhkhi kiuyuk nangde; arü alala sühmüh larü thirithsürü ah.

JEREMIA 50:41

Kheahang, mihtsürü khülang dukulimnü arüchoh; trükshih ato tüsho kiulongthsürü ahihdo limshu lomi chingnü thurumusuchoh.

JEREMIA 50:42

Arünü sanglüh tüsho thsüh shuhlah, arübo bukmüke tüsho mihmüthsüm müla. Arü düsheak ju keto arungkhi nangde lah; arübo khorabo kheak binlah, keochihpü thirithsürü nangde duklanglah, nü azhihde, O tsührübe Babilon!

JEREMIA 6:4

“Anihbe bede thirithsüpü thsakhamang, asürang, tüsho isanü animuro yananü!” “ Isa are, tümüde nimung hochoh, kerimkih hungshangchoh!”

JEREMIA 8:16

Khorabonü sheak thsükhi Dan chingnü solah; arü khorapungbo khungkhinü alomi alala ajanchoh. Lomi tüsho ju ching lakhi alala, kiuto tüsho ju ching larü thsümünimpü arü arüdo.

EZEKIEL 21:31

Inü I mulong zhipzhip nüsa kheak dungkihbah tüsho nüsa azhihde I bukakhiukkhi mo mütkihbah; inü nüsa bukmüke mihtsürü, athsümünimpü ching athsükhit mihtsürü khah ching jihbah.

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.