JEREMIA 6:22 - AMÜSÜH HÜM CL Bible (BSI)

²² Atungpuhnü ha thachoh: Kheahang, dukulim lomi chingnü mihtsürü arado, trükshih ato khülang limshu lakhi lomi ching thuruchoh.

JEREMIA 6:22 Iomraidhean Croise

NEHEMIA 1:9

Tüshe nüsanü I kilim alode arübah inü athakhi rhimosho nüsa lomi akheam khiungde müzützüt she kükheak I mung zoshihpü inü mokhitdünü ju kheak belode arübah.’

JEREMIA 10:22

Kheahang, düsheak khülang, alankhi ato khülang dukulim lomi chingnü, Juda kiutobo zhikrangkhündo shirung lapung kamshihpü arüa lah.

JEREMIA 13:20

Nü mük rheakbah sherü dukulimnü arüchonü kheahang. Nü kilim jihkhi akheahakham namfimihnu boto kükheak la?

JEREMIA 25:32

Wuto Atungpuhnü ha thachoh: Kheahang, thsümütsü ju trükshih chingnü trükshih ching buchoh, tüsho alomi akheam chingnü chitmühean akihchoh!

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 30:5

Atungpuhnü ha thachoh: Isanü atrebe, atrekhi zhikhi sodo, mungtsü yung.

JEREMIA 4:16

Trükshihbo ki thaang, “Ha ching arü lah!” Jirusalem azhihde zhiyukang, “ Limshu lomi chingnü thiriri arüchoh; arünü Juda kiutobo azhihde ahochoh.

JEREMIA 4:6

Zion limpeang riphin shuhkihang, tsoyukpung yimang, dashu, tümüde inü dukulimnü amütsü tüsho athsümünim ato handarado.

JEREMIA 47:2

Atungpuhnü ha thachoh: Kheahang, dukulimnü kebo akichoh tüsho düchi-bukkhi ayung kambah; arünü lomi tüsho ju ching lakhi kiuto tüsho ju ching larübo zündobah. Mihtsürübonü azhihbah tüsho lomi ching larü alalanü tüzhobah.

JEREMIA 5:15

Inü limshu chingnü trükshih khülang nü kheak handarübah, O Israel yamkhün, Atungpuhnü thachoh. Ha sühmüh lakhi trükshih, ha jipü-lün trükshih, nünü mümükheahkhi yutha trükshih, yungsho arünü athakhi nünü manikhitkhuk.

JEREMIA 5:16

Arü hühzopung ju akhimshuhkhi kiuyuk nangde; arü alala sühmüh larü thirithsürü ah.

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

EZEKIEL 21:31

Inü I mulong zhipzhip nüsa kheak dungkihbah tüsho nüsa azhihde I bukakhiukkhi mo mütkihbah; inü nüsa bukmüke mihtsürü, athsümünimpü ching athsükhit mihtsürü khah ching jihbah.

EZEKIEL 23:22

Jumonü, O Oholiba, Atungpuh Thrünpuhnü ha thachoh: Nünü müküntsande rholode arükhi, nü muzhorübo nü azhihde thurumusubah, tüsho thrip aban chingnü nü azhihde inü arü bedarübah:

HABAKKUK 1:6

Tümüde inü mihmukhiuh tüsho mükeamramkhi trükshih, nihbuh yo yungkhi lapungbo lupü alomi mülih hode atsahkhi Kaldearü wusushihchoh.

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.