JEREMIA 6:19 - AMÜSÜH HÜM CL Bible (BSI)

¹⁹ Aniang, O alomi; inü arü lümkhi aso asokhi ha mihtsürübo kheak thsümütsü handarüpü lah, tümütüsho arünü I yu mani; tüsho arünü I yakzan bahyukdo.

JEREMIA 6:19 Iomraidhean Croise

MÜCHITMUDU 15:26

Amütsü lümkhibo ju Atungpuh kilim athraneanbe lah, tüshe atsangkhit yubo apinü asühlah.

MÜCHITMUDU 28:9

Shepünü yakzan anipü chingnü anükhün anguhde tsochonü, api tamkhüntamnü athraneanbe labah.

ISAIA 1:2

Aniang, O yinmibo, tüsho aniang O alomi; tümüde Atungpuhnü asukdo: Inü tsührübo mütrükhit tüsho arübo zübemusu, tüshe arünü I azhihdo.

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

ISAIA 59:7

Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah.

ISAIA 66:18

Tümüde inü arü rhimobo tüsho arü lümkhi mükheahlah, tüsho trükshih le thiyutha alala bemukhungpü I arüchoh; tüsho arünü arübah I müretahkhi ngübah,

JEREMIA 11:11

Jumonü, Atungpuhnü ha thachoh, lungdode inü arü kheak arünü mutsokhikhukpü thsüde thsümütsü handarübah; arünü I ki zhizhi she inü arü ki mani.

JEREMIA 15:6

Nünü I bahyukdo, Atungpuhnü thachoh, nü dunglim peang yüchoh; jumonü nü azhihde I khah chungkhitkheah tüsho nü thsümünim– tümütüsho I bukakhiukkhi danlopü keaka lakheah.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JEREMIA 19:15

Wuto Atungpuh , Israel Thrünpuhnü ha thachoh: Kheakü inü ha kiuto tüsho kiutobo kheak inü azhihde athakhi thsümütsü alala handarüchoh, tümütüsho arünü I yubo anipü reanglode arü hung chungthülangdo.

JEREMIA 19:3

Nünü athabah: Atungpuh yu aniang, O Juda kiulongthsürübo tüsho Jirusalem ching larübo. Wuto Atungpuh , Israel Thrünpuhnü ha thachoh: Inü ha dangpung kheak thsümütsü handarübah, junangde sherübonü ha sobanü nükhün peangbah,

JEREMIA 21:14

Nüsanü rhimokhi sangaso nangde inü nüsa thsümüchibah, Atungpuhnü thachoh; inü ha murung ching mo takkihbah, tüsho ju mükamde alala aniuabahbah.

JEREMIA 22:29

O alomi, alomi, alomi, Atungpuh yu aniang!

JEREMIA 29:19

tümütüsho arünü I yu mani, Atungpuhnü thachoh, küyimki inü nüsa kilim I yamlarü wukihrübo alochode arüshihkhea, tüshe nüsanü mani, Atungpuhnü thachoh.

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

JEREMIA 4:16

Trükshihbo ki thaang, “Ha ching arü lah!” Jirusalem azhihde zhiyukang, “ Limshu lomi chingnü thiriri arüchoh; arünü Juda kiutobo azhihde ahochoh.

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JEREMIA 49:37

Inü arü riribo miki Elam treshihbah, tüsho arü rhangdung yimrü miki inü arü kheak thsümütsü I bukakhiuk handarübah, Atungpuhnü thachoh. Arü mümuyu khiungde inü arü dunglim nukshang yüshihbah;

JEREMIA 6:10

She kheak inü asukba tüsho düh de athaba, junangde arünü asoba? Kheahang, arü nükhünbo müyeahshung, arünü manikhuk. Atungpuh yu ju arü ki münedung lah; arünü ju ching asühako müla.

JEREMIA 6:18

Jumonü aniang, O trükshihbo, tüsho O amukhungrübo, arü kheak tümü dünjipü lanü mükheahang.

JEREMIA 8:5

Dale küde ha mihtsürünü murholo tsantsande tsoa la? Arünü akeangyu kheak düküngde ramrihdo, arünü arholopü reanglodo.

JEREMIA 8:9

Lümlung larü achih ngüshihbah, arübo ayingyingbah tüsho aphuhbah; tümütüsho arünü Atungpuh yu bahyuk, arü kheak tümü lümlung la?

DANIEL 9:11

Israel alalanü nü ki anipü reanglode nü yakzan lakmihdo tüsho rholode tsodo. Jumonü Thrünpuh yamlarü Mosa yakzan ching thrütkhi muthrumünean tüsho thiyuchihchim isa kheak dungkih, tümütüsho isanü nü azhihde neak yihbeak.

HOSEA 10:13

Nünü mihbukmuyuk khimdo, nünü amütsü yimludo, nünü akeangyu sangaso tsühdo. Tümütüsho nünü nü wu tüsho thirithsü hihkhi ching kindo,

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

AMOS 2:4

Atungpuhnü ha thachoh: Judanü alochode neak yihbeakkhi dünkheak, inü thsümüchi mululo; tümütüsho arünü Atungpuh yakzan bahyuk, tüsho api yukhüm muzo.

MIKA 1:2

Soang, nüsa mihtsürü alala; aniang, O alomi, tüsho ju ching lakhi alala; tüsho Atungpuh Thrünpuh ju api amüsüh arüngyam chingnü nüsa azhihkhi thiyumütsan labah.

MIKA 6:2

Nüsa müzüngbo, tüsho nüsa akheam mülakhi alomi khimtanbo, Atungpuhnü müdamkhi soang; tümüde Atungpuhnü api mihtsürü kheak müdampü lah, tüsho apinü Israel kheak müneahbah.

JOHAN 12:48

Shepünü I bahyukcho tüsho I yubo müleangkhichonü mahkhap khülang lah; inü athakhi yu hode akheam nimung api mahkhapbah.

YUNIRÜBO RHIMO 8:22

Jumonü nü mihbukmuyukkhi müthriang, tüsho Atungpuh ki tamkhüntamnüang, khükia nü mulong ching ha lümkhi hode apinü nü neak bahjihbah.

YUZÜNGTHALO 30:19

Inü khihni nüsa azhihde thiyumütsan thsüde thüning tüsho alo jichoh, junangde inü nüsa müngüh rhangdung tüsho ashekhi, müngühmühi tüsho muthrumünean zojihchoh; jumonü rhangdung mokhitang, junangde nü tüsho nü tsühsoniuso chido rhangdung labah;

YUZÜNGTHALO 32:1

O thüningbo, aniang, tüsho inü athabah; tüsho alominü I mün chingnü athakhi aniang.

YUZÜNGTHALO 4:26

khihni nüsa azhihde inü thüning tüsho alo jichoh, junangde nüsa Jordan hode ayükhi lomi chingnü shahde adükheakkhambah; nüsa nimungbo mushuhakhin, tüshe shahde adükheakbah.

1 SAMUEL 15:23

Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”

1 SAMUEL 15:26

Samuelnü Saul ki tha, “Inü nü kilim murholo; tümüde nünü Atungpuh yu bahyukdo, tüsho nü Israel kurungkheak kiulongthsürü chingnü Atungpuhnü bahyukdo.”