JEREMIA 6:12 - AMÜSÜH HÜM CL Bible (BSI)

¹² Arü yambo, arü lubo tüsho niuberü rukhühnü püpürü kilim jihbah; tümüde lomi ching larü kheak azhihde I khah chungbah, Atungpuhnü thachoh.

JEREMIA 6:12 Iomraidhean Croise

1 KIUTHSÜYUKHEAN 21:16

Davidnü abinkih-a kheah tüsho thüning le alo dükeak Atungpuh yunirü zhipa ngü, tüsho nukshang khülang Jirusalem kumung dünkih-a api khah ching shuh. Judüki David tüsho azothsürübonü shungliukhim phuyubah khukning.

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

ISAIA 9:12

Siriarü aniakhiuklim tüsho Filistiarü aniyüzahlim, Israel muyupü arü mün kaa lah. Ha alala thsungkheaknü api bukakhiukkhi rholode mutso; api khah kheakü khiungde chungkhih-a lah.

ISAIA 9:17

Jumonü Atungpuhnü arü athunu mihtsürübo kheak mihmuzho mülakheah, yungsho arü mürerübo tüsho khimoberü kheak muzhomüyi mülakheah; tümüde mihbüm abannü Thrünpuh mümükheah tüsho amütsü-rhimorü lakheah, tüsho arü mün abannü mahkhapkhi yu tha. Ha alala thsungkheaknü api bukakhiukkhi rholode mutso, api khah kheakü khiungde chungkih-a lah.

ISAIA 9:21

Manasenü Ephraim tsüh, Ephraimnü Manase tsüh, tüsho rukhühnü arünü Juda azhih. Tümüde ha alala thsungkheaknü api bukakhiukkhi rholode mutso; api khah kheakü khiungde chungkih-a lah.

JEREMIA 15:6

Nünü I bahyukdo, Atungpuhnü thachoh, nü dunglim peang yüchoh; jumonü nü azhihde I khah chungkhitkheah tüsho nü thsümünim– tümütüsho I bukakhiukkhi danlopü keaka lakheah.

JEREMIA 21:5

Inü she nüsa azhihde khah ato chungkhitbah, bukakhiukde, mulong zhipzhipde, tüsho bukmükede keochihbah.

JEREMIA 38:22

Juda kiulongthsüpuh yam ching aninga larü azoberü alala Babilon kiulongthsüpuh torü kilim bede wukhiukbah arünü nü ki thabah, ‘ Nü müyamrübonü nü bephülapdo tüsho nü zhidoabahdo; kheakü nü jing akhimniuhniuh ching jungrama lah, arünü nü bahkhido.’

JEREMIA 38:23

Nü niubebo alala tüsho nü tsührübo Kaldearü kilim bede wukhiukbah, tüsho nü she arü khah chingnü mutsokhi, tüshe Babilon kiulongthsüpuhnü arambah; tüsho ha kiuto monü atakbah.”

JEREMIA 7:20

Jumonü Atungpuh Thrünpuhnü ha thachoh: I bukakhiukkhi tüsho I mulong zhipzhip ha dangpung kheak mihtsürü tüsho shiwühbo kheak, thulu sangdungbo tüsho alo sangasobo kheak dungkihbah, ha atakbah tüsho müzünmüt.

JEREMIA 8:10

Jumonü inü arü niuberübo püpürü kilim jihbah tüsho arü lubo akukrü kilim jihbah, tümütüsho aninikhühnü atobe khiungde mihbüm abannü thiyuro mülakhi alü thsüpü bukmükhütlah; wukihrünü amükeamrü khiungde thiyuro mihbüm abannü mülimde rhimochoh.

TÜZHOKHI 2:8

Atungpuhnü Zion tsührübe chipi thsümünimpü lümkihlah; apinü aru tholang; athsümünimpü chingnü apinü akhah mutuklo; apinü aheangsadam tüsho chipi tüzhoshih, arübo rukhühnü shekhia lah.

TÜZHOKHI 3:3

I azhihde apinü nimung amuyung alochode akhah rholodo.

TÜZHOKHI 5:11

Zion ching aliberübo, Juda kiutobo ching atsangkhitkhibo kheak amütsü thsüdo.

TÜZHOKHI 5:2

Isa yamrüplurüp mihsorü kilim tsodo, isa yambo khiungkerü kilim tsodo.

TÜZHOKHI 5:3

Isa mürerü, buhrü-mülarü kamdo; isa berübo khimoberübo nangde lah.

EZEKIEL 35:3

tüsho thaang, Atungpuh Thrünpuhnü ha thachoh: Inü nü azhihde lah, Edom müzüng; nü zhikshihpü tüsho abahkhi kamshihpü inü nü azhihde I khah chungkihlah.

EZEKIEL 7:24

Inü arü yambo lushihpü amütsü trükshihbo bedarübah; tode kükheangrü inü akheamshihbah, tüsho arü arüngyambo müneanabahbah.

MIKA 2:4

Ju nimung arünü nüsa azhihde korak-khün thsübah, tüsho khühde tüzhokhinü mulong rozhakbah, tüsho athabah, “ Isa shahde thsümünimdo; Atungpuhnü I mihtsürü lakhit hande tsodo; künangde apinü ju I kheaknü luakhinkhea! Isa ramrü kilim apinü isa lubo chama jihdo.”

ZEPHANIA 1:13

Arü lakhit yankhia lubah, tüsho arü yambo thsümünimbah. Arünü thüyambo thsüthsü she, arünü jurü ching müla; arünü kurungasolu thsüthsü she, arünü jurü chingnü yukhu muyung.

ZEPHANIA 1:4

Inü Juda tüsho Jirusalem ching larü alala azhihde I khah chungkihbah; tüsho inü ha dangpung chingnü Baal kingaünrü aningkhibo tüsho müzammüram amükinrü amükeamrü mungbo dükheakshihbah;