JEREMIA 52:7 - AMÜSÜH HÜM CL Bible (BSI)

⁷ Judüki kiuto chipi ching rhümashung; tüsho kiuto mühide Kaldearü lalashe bonungrübonü shan tüsho kiulongthsüpuh shahwün ki chipi mahne dükeak khuhto-ripit chingnü azhing ching kiuto chingnü wukhiuk. Arünü Araba limpeang yü.

JEREMIA 52:7 Iomraidhean Croise

2 KIULONG THSÜRÜ 25:4

Judüki kiuto chipi ching ahopung thsakham; Kaldearünü kiuto mükamde zündodo she kiulongthsüpuh lung bonungrü alala kiulongthsüpuh shahwün ki, chipi mahne dükeak ripit chingnü tsoabah. Arünü Araba thrippeang yü.

JEREMIA 34:22

Inü thiyukhüm jihbah, Atungpuhnü thachoh, tüsho arübo ha kiuto ching belodarübah; tüsho ha bede keochihde ayankhitbah, tüsho monü atakbah. Juda kiuto mihtsürübo mülade zhikabahbah.

JEREMIA 39:2

Zedekia kiulongthsü kam thürükheak khülang, khinu phüyi, nimung tuku nipü, kiuto chipi rhümashunga lakheah.

JEREMIA 49:26

Jumonü anihbe athrününgtsüngbo kiudunglimrobo ching keambah, tüsho anihbe bonungrü alala ju nimung dükheakbah, Wuto Atungpuhnü thachoh.

JEREMIA 51:32

Kedükihhopung yandoa lah, khiukbo monü takdo, tüsho bonungrübo atrekhi ching lah.

JEREMIA 6:5

“Thsakhamang, tüsho isanü azhing ching yananü, tüsho anihbe lapungbo thsümünimanü!”

EZEKIEL 12:12

Arü bolung yakzanshuhrünü shuhyini ching nihbuh kukruk dubuh kheak yihkihbah tüsho atsobah, tüsho api hode atsopü chipi ching rhümashungbah. Apinü alomi müngükhukpü thsüde amiro lüpdobah.

EZEKIEL 12:4

Animuro kim ching arünü akheahchoki, ramtso thsungkheak nü kukrukbo lude akhiukang. Jushu arelim, arünü akheahchoki, ramtso ching yürü nangde wukhiukang.

EZEKIEL 33:21

Isa ramtsokhi kam thürükheak mahne ching, khinu thürü, phüngü nipü, khürü Jirusalem chingnü atsokhitrü I kilim arü tüsho tha, “ Kiuto lunga lah.”

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

LEVI 26:36

Nüsa sherübo rhangdung lanü nüsa riri lo ching inü nüsa mulong ching trede akamshihbah; sangyü keamkhikhi düsheaknü nüsa tsoshihbah, tüsho nüsabo nukshang müngüh tsokhi nangde atsoshihbah, tüsho nüsabo shenü müyande angaka yapbah.

AMOS 4:3

Nüsa mihbüm aban rhü abitkhi chingnü mikhuhlim tsobah; tüsho nüsa Harmon lim yana yüshihbah, Atungpuhnü thachoh.

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.

YUZÜNGTHALO 32:30

Atungpuh arü Thrünpuhnü arü yinkhi yungsho, tüsho Atungpuhnü arü jihabahkhi yungsho, küde thsah khülangnü chithürü yande müshampü, tüsho mahnenü chithürü thürü alihde atsoshihpü?