JEREMIA 52:6 - AMÜSÜH HÜM CL Bible (BSI)

⁶ Khinu phüyi nimung tuku nipü ju kiuto ching khümzung muthsukde arükhi hode lomi mihtsürü thsungkheak tsühyungpü mülade alakheah.

JEREMIA 52:6 Iomraidhean Croise

2 KIULONG THSÜRÜ 25:3

Khinu phüyi, nimung tuku nipü kiuto ching khümzung khide phünahde kam, junangde lomi mihtsürübo thsungkheak tsühyungbe mülade alakheah.

ISAIA 3:1

Tümüde kheakü Wuto Atungpuhnü arü tsühyungbe ngüpung yikhap tüsho ke alala Jirusalem tüsho Juda chingnü hande tsochoh;

JEREMIA 15:2

Tüsho küyimki arünü nü ki thaba, “ Isa külim peang yüba?” nünü arü ki thabah: Atungpuhnü ha thachoh: Sherü arüm-tukthsü akhulanü, arüm-tukthsü lim, tüsho sherü nukshang akhulanü, nukshang lim; sherü khümzung lim akhulanü, khümzung lim, tüsho sherü arampü akhulanü arampü lim.

JEREMIA 19:9

Tüsho inü arü ki arü tsührübo tüsho tsührübebo shih tsühshihbah, tüsho arü rhangdung yimrünü zündobahle arü lümthsünüde lachoki arünü yamhingrü shih tsühachihbah.

JEREMIA 21:9

Sherü ha kiuto ching lanü nukshang, khümzung, tüsho tukthsünü ashebah; tüshe sherü wukhiukba tüsho nüsa yanrü Kaldearü ki jihabahbanü nüsa rhangdung labah tüsho thirithsü thsambah khülang nangde arü rhangdung labah.

JEREMIA 25:10

Tüsho inü arü kheaknü asühachih tüsho asühkhi düsheak, yamkhünkambuh tüsho yamkhün-kambe düsheak, hi-chukhi düsheak tüsho tsünpung ching ayin keamabahshihbah.

JEREMIA 37:21

Jumonü kiulongthsüpuh Zedekianü thiyukhümbo jih, tüsho arünü Jeremia ju aheangrü mahkhappung ching jih; tüsho kiuto chingnü yikhap alala mükheamyi khiungde yikhapthsüpungbo chingnü nimung abande I kilim yikhap khülang jih. Junangde Jeremia ju aheangrü mahkhappung ching lakheah.

JEREMIA 38:9

I tungpuh kiulongthsüpuh, harü mihtsürünü akhümnü asheshihpü thsüde kekung ching bahkhi, wukihbuh Jeremia kheak mütsüde rhimodo, tümüde kiuto ching yikhap aninga müla.

JEREMIA 39:2

Zedekia kiulongthsü kam thürükheak khülang, khinu phüyi, nimung tuku nipü, kiuto chipi rhümashunga lakheah.

TÜZHOKHI 1:11

Anihbe mihtsürü alala yikhap yimde ashechoh; arünü tsühyungpü thsungkheak arü rahpungbo arü sühmüh dükünglopü yinzüyindochoh. Kheahang, O Atungpuh , tüsho I küdükhüh bahyuka lanü lümakheahang.

TÜZHOKHI 5:10

Khümzungnü isa küp mokin nangde taklah.

EZEKIEL 14:13

Mihtsürü tsührü, lominü thiyuro mülade I azhihde neak yihbeaksho tüsho ju azhihde tsühyungpü mülashihpü I khah chungkihsho tüsho khümzung yüshihsho tüsho mihtsürübo le shiwühbo laksahsho,

EZEKIEL 14:21

Tümüde Wuto Atungpuhnü ha thachoh: Mihtrebe phüyi Jirusalem azhihde, nukshang, khümzung, mütüm shiwühbo tüsho arüm–mihtsürü tüsho arü shiwühbo laksahpü arüshihchoki küdükhüh amütsübe laba!

EZEKIEL 31:1

Kam thürükheak khülang ching, khinu asampü, akhuhbe nimung, Atungpuh yu I ki arü:

EZEKIEL 5:16

Küyimki inü nü kheak ashebe tüsho khümzung hühzobonü akipbanü, inü nü thsümünimpü kipbah. Inü nü kheak khümzung alü alü handarübah tüsho nü tsühyungpü ngüpung yihdojihbah.

EZEKIEL 7:15

Wungdo ching nukshang lah, alunglim arüm tüsho khümzung lah; mükeak ching larübo nukshangnü ashebah, tüsho kiuto ching larübo khümzung tüsho arümnü amuyubah.

LEVI 26:26

Küyimki inü nüsa tsühyungpü zhimzhakshihbanü, aliberü thürünü yinchi kuk khülang ching yikhap dambah, tüsho arünü adünloa nüsa kipbah; ju nüsanü atsühbah, tüshe bukmüthsü.

ZEKARIA 8:19

Wuto Atungpuhnü ha thachoh: Khinu phüyi ching khümkeakkhi, phüngü ching khümkeakkhi, thüne ching khümkeakkhi, tüsho thürüpü ching khümkeakkhi ju asühachih tüsho asühara akheahmünchibo, tüsho Juda yamkhün thsungkheak asühkhi thüniobo labah: jumonü thiyuro tüsho mungtsü muzhoang.

YUZÜNGTHALO 32:24

arübo akhümnü ashebah tüsho takde alamlamkhinü tüsho atrebe tukthsünü ashebah; tüsho inü arü azhihde mütüm shiwüh yüshihbah, tüsho müzüm-phuruto anguhpü yüshihbah.