JEREMIA 52:24 - AMÜSÜH HÜM CL Bible (BSI)

²⁴ Aheangrü wühkenobuhnü akube amükeambuh Seraia bea lu, mahnepü amükeambuh Zephania tüsho ripit neakrü 3;

JEREMIA 52:24 Iomraidhean Croise

2 KIULONG THSÜRÜ 23:4

Kiulongthsüpuhnü Hilkia achangbe amükeambuh, api khin amükeamrübo, tüsho ripit neakrübo ki Baal, Ashera, tüsho chiningbo thsungkheak thsükhi kukrukbo alala Atungpuh arüngyam chingnü lude akhiukshihpü thiyukhüm jih; apinü jurübo Jirusalem aleanglim Kidron mükeak chingnü tak tüsho awahbo Bethel ching hande yü.

2 KIULONG THSÜRÜ 25:18

Aheangrü wühkenobuhnü Seraia achangbe amükeambuh, ju khinbuh Zephania amükeambuh tüsho ripit-limro aheangrü 3 bea lu;

1 KIUTHSÜYUKHEAN 6:14

Azaria tsührü Seraia, Seraia tsührü Jehozadak;

EZRA 7:1

Kam ahihkhüh dunglim, Artazerzes Persia kiulongthsürü thsüchoki, mihtsürü khülang amung Ezra lakheah. Apinü anihbuh jipürü Aron, Achangbe Amükeambuh yande khean: Ezra ju Seraia tsührü, Azaria tsührü, Hilkia tsührü,

MUNGSHIKHÜN 84:10

Nü arüngyam ching lakhi nimung khülang ju püpü lim chithürü kheaknü atsübe; mihbukmuyukrü khimyambo ching lapü dün a I a Thrünpuh yam ching ripit-neakrü thsübah.

JEREMIA 20:4

Tümüde Atungpuhnü ha thachoh: Inü nü tüsho nü müyamrü alala ki nü atrebe kamshihchoh; tüsho nünü kheahde alachoki arübo arü riri nukshangnü akeambah. Tüsho inü Juda alala Babilon kiulongthsüpuh khah ching jihbah; apinü arübo rama lubah Babilon ching tsobah, tüsho nukshangnü arü laksahbah.

JEREMIA 21:1

Ha Atungpuh yu kiulongthsüpuh Zedekianü Malkia tsührü Pashhur tüsho Maaseia tsührü amükeambuh Zephania api kilim yüshihchoki Jeremia kilim arü. Arünü tha:

JEREMIA 29:25

Wuto Atungpuh , Israel Thrünpuhnü ha thachoh: Nü mung chingnü Jirusalem ching lakhi mihtsürü alala kilim, Maaseia tsührü amükeambuh Zephania tüsho amükeamrü alala ki kihüm mühahde tha:

JEREMIA 29:29

Amükeambuh Zephanianü ha kihüm wukihbuh Jeremianü sode khe.

JEREMIA 34:21

Tüsho Juda kiulongthsüpuh Zedekia tüsho api yo atorübo a arü riri tüsho arü rhangdung yimrübo, nüsa kheaknü atsolokhi, Babilon kiulongthsüpuh bonungrü kilim inü ajihbah.

JEREMIA 35:4

Inü arübo Atungpuh yam ching, Thrünpuh mihtsürü Igdalia tsührü Hanan tsührübo khiungshak ching bedarü. Ha ripit neakbuh Shallum tsührü Maaseia khiungshak kumung atorübo khiungshak phünide lakheah.

JEREMIA 37:3

Kiulongthsüpuh Zedekianü Shelemia tsührü Jehukal tüsho Maaseia tsührü amükeambuh Zephania wukihbuh Jeremia kilim yüshihde tha, “Muzhobah Atungpuh isa Thrünpuh ki isa thsungkheak tamkhüntamnüjang.”

JEREMIA 52:12

Khinu phüngü, nimung thürü nipü–küpü Babilon kiulongthsüpuh Nebukednezar kam thürükheak tukupü lakhea–Babilon kiulongthsüpuh tankihrü, aheangrü wühkenobuh Nebuzaradannü Jirusalem ching yüzah.

JEREMIA 52:15

Aheangrü wühkenobuh Nebuzaradannü zhochih traktrak mihtsürü khürü tüsho kiuto ching aninga larü mihtsürübo tüsho Babilon kiulongthsüpuh kilim tsorü, ju lung keaklahrü bebah ramtso ching yü.

TÜZHOKHI 4:16

Atungpuhnü aküdah thsüde arü hiumüzütshih, apinü arü kheaküa mükheahyuk; amükeamrübo ki wüntre tümü muhuh, azothsürübo ki amuzho tümü müla.

EZEKIEL 11:7

Jumonü Wuto Atungpuhnü ha thachoh: Nünü abahkhi pangbo ju shih tüsho ha kiuto ju phüh, tüshe inü ju chingnü nü yankhitbah.

EZEKIEL 24:5

Namfimihnu bolung amokhitkhi luang, ju khüp sang rhungkihang; ju amapshang tüsho ju ching arobo khiungang.

EZEKIEL 34:10

Atungpuh Thrünpuhnü ha thachoh, Inü namfimihnu neakrübo azhihde lah; tüsho inü I yo namfimihnubo arü khah chingnü akheangbah, tüsho arü namfimihnu yimkipkhi chingnü tukloshihbah; namfimihnu neakrünü kheaküa mütsüh. Inü arü mün chingnü I yo namfimihnubo khümkhitbah, junangde arübo ju arü thsungkheak jim müthsü.