JEREMIA 52:15 - AMÜSÜH HÜM CL Bible (BSI)

¹⁵ Aheangrü wühkenobuh Nebuzaradannü zhochih traktrak mihtsürü khürü tüsho kiuto ching aninga larü mihtsürübo tüsho Babilon kiulongthsüpuh kilim tsorü, ju lung keaklahrü bebah ramtso ching yü.

JEREMIA 52:15 Iomraidhean Croise

2 KIULONG THSÜRÜ 25:11

Nebuzaradan aheangrü wühkenobuhnü kiuto ching aninga lakhi, Babilon kiulongthsüpuh kinü atsorü, aningkhi mihtsürü alala ramtso ching bede yü.

2 KIULONG THSÜRÜ 25:8

Khinu phüngü, nimung thüne nipü–küpü Nebukednezar Babilon kiulongthsü kam thürükheak tukupü lakhea–Nebukednezar, mih-aheangrü wühkenobuh, Babilon kiulongthsüpuh yamlarü Jirusalem ching arü.

JEREMIA 1:3

Kheaküshe Josia tsührü Juda kiulongthsüpuh Jehoiakim nimungbo ching, tüsho Josia tsührü Juda kiulongthsüpuh Zedekia kam thürükheak khülang akheam khiungde, khinu phüngü ching Jirusalemrü ramde ayükhi khiungde arü.

JEREMIA 39:9

Judüki aheangrü wühkenobuh Nebuzaradan nü kiuto ching aninga lakhi mihtsürü alala, api kilim shande arürübo Babilon ching rama lubah tso.

EZEKIEL 12:11

Arü ki thaang, “ I nüsa ki amütsan khülang lah.” Inü rhimokhi nangde, ju arü ki rhimobah. Arübo ramtso ching aramrü nangde ayübah.

ZEKARIA 14:2

Tümüde inü trükshih alala Jirusalem azhihde keochihpü bemukhungbah, tüsho kiuto lubah tüsho thüyambo lubah tüsho aliberübo reangkihde thsümüchibah; mihtsürü niukshakkhüh ramtso ching yübah, tüshe aningkhi mihtsürü kiuto chingnü müdükheak.