JEREMIA 52:13 - AMÜSÜH HÜM CL Bible (BSI)

¹³ Apinü Atungpuh yam, kiulongthsüpuh yam, tüsho Jirusalem yambo alala tak; atorü yambo alala takabah.

JEREMIA 52:13 Iomraidhean Croise

1 KIULONG THSÜRÜ 9:8

Ha yam ha athsümünimkhibo mujung kambah; ha horü abannü amüyinsahbah, tüsho ish dübah; tüsho arünü athabah, ‘ Tümüde Atungpuhnü ha lomi tüsho ha yam kheak hadürü rhimokhea?’

2 KIULONG THSÜRÜ 25:9

Apinü Atungpuh yam, kiulongthsüpuh yam, tüsho Jirusalem yambo alala takabah; thüyam atotobo apinü takabah.

2 KIUTHSÜYUKHEAN 36:19

Arünü Thrünpuh yam takabah, Jirusalem chipi kingkheam, kiulongthsürü-yambo alala monü takabah, tüsho shoto pungphurubo alala thsümünim.

MUNGSHIKHÜN 79:1

O Thrünpuh, trükshihbo nü yamrüplurüp ching azahdo; arünü nü amüsüh arüngyam thsümünimdo; arünü Jirusalem thsümünima mujungshihlah.

JEREMIA 19:13

Tüsho Jirusalem yambo le Juda kiulongthsürü yambo ju Topheth nangde müneanshihbah–thüyam kumung kheaknü rhümthüneabe takde chining kingaünkhi tüsho püpü thrünpuhbo kilim yukhu buka bahkhi yambo alala.

JEREMIA 21:10

Tümüde inü ha kiuto azhihde amütsü thsungkheak I miro anguhdo tüsho atsü thsungkheak yung, Atungpuhnü thachoh: Ha Babilon kiulongthsüpuh khah ching jihbah, tüsho apinü monü atakbah.

JEREMIA 21:14

Nüsanü rhimokhi sangaso nangde inü nüsa thsümüchibah, Atungpuhnü thachoh; inü ha murung ching mo takkihbah, tüsho ju mükamde alala aniuabahbah.

JEREMIA 22:14

shepünü thacho, “ Inü I yam khiungshak atotobo achangbe khiungshak ato bede athsübah,” tüsho shepünü ju thsungkheak ayinripitbo thsücho, cedarnü kümlocho tüsho yin-mürümmuchunü mujucho.

JEREMIA 32:29

Kaldearünü arübah ha kiuto kheak mo thsahkihbah, tüsho thüyambo küpü kheak I bukakhiukshihde Baal kilim kingaünkhea tüsho püpü thrünpuhbo kheak rhümthüneabe bukkihkheanü ju bede atakbah.

JEREMIA 34:22

Inü thiyukhüm jihbah, Atungpuhnü thachoh, tüsho arübo ha kiuto ching belodarübah; tüsho ha bede keochihde ayankhitbah, tüsho monü atakbah. Juda kiuto mihtsürübo mülade zhikabahbah.

JEREMIA 38:23

Nü niubebo alala tüsho nü tsührübo Kaldearü kilim bede wukhiukbah, tüsho nü she arü khah chingnü mutsokhi, tüshe Babilon kiulongthsüpuhnü arambah; tüsho ha kiuto monü atakbah.”

JEREMIA 6:5

“Thsakhamang, tüsho isanü azhing ching yananü, tüsho anihbe lapungbo thsümünimanü!”

JEREMIA 7:14

jumonü I mung tamde ajikhi yam, küpü ching nüsanü kincho, tüsho inü nüsa le nüsa jipürü kilim jihkhi dangpung kheak, inü Shilo ching rhimokhi nangde arhimobah.

TÜZHOKHI 2:5

Atungpuh ju thiriri khülang nangde kamdo; apinü Israel tüsho kiulongthsürü-yambo muyuabahdo tüsho apinü anihbe chipibo thsümünimdo, tüsho Juda ching mitripkhi tüsho tüzhokhi alü kamshihdo.

TÜZHOKHI 2:6

Apinü api yünshim ju awündo nangde luka bahdo, apinü anihbuh mukhungyam thsümünimdo; Atungpuhnü Zion ching thünio tüsho amuni mihabahdo, tüsho abukakhiukkhi ching kiulongthsürü tüsho amükeamrü bahyukdo.

TÜZHOKHI 2:7

Atungpuhnü api kingaün sadam tüsho api arüngyam bahyukdo; apinü kiulongthsürü-yam chipibo thiriri khah ching jihdo; thünio nimung nangde Atungpuh yam ching düsheak khülang zhikihdo.

TÜZHOKHI 2:8

Atungpuhnü Zion tsührübe chipi thsümünimpü lümkihlah; apinü aru tholang; athsümünimpü chingnü apinü akhah mutuklo; apinü aheangsadam tüsho chipi tüzhoshih, arübo rukhühnü shekhia lah.

EZEKIEL 16:41

Arünü nü yambo takkheambah tüsho aliberübo mikinü nü thsümüchibah. Inü nü müzammüram tukloshihbah, tüsho kheaküa nünü nü muzhorü ki müjihchung.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

AMOS 2:5

Jumonü inü Juda kheak mo khülang yüshihbah, tüsho junü Jirusalem chipi aniubah.

AMOS 6:11

Kheahang, Atungpuhnü thiyuchihchim jihchoh, tüsho thüyam ato ju ajipbo kambah tüsho thüyam anini ju adütre kambah.

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.

ZEKARIA 11:1

Nü ripitbo khimshuhang, O Lebanon, junangde monü nü yo cedarbo aniubah!

MATHI 24:2

Tüsho Jisunü arü ki tha, “Nüsanü harü alala müngü de? Atsütsü inü nüsa ki thachoh: ha dangpung ching lung khülang she maningde keamabahbah.”