JEREMIA 52:11 - AMÜSÜH HÜM CL Bible (BSI)

¹¹ Apinü Zedekia mükjibo khünkhit, tüsho yinchiliunü api rhük, tüsho Babilon kiulongthsüpuhnü api Babilon ching bede yü, tüsho api shekhi nimung khiungde rihyam ching yuka zo.

JEREMIA 52:11 Iomraidhean Croise

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

JEREMIA 39:7

Apinü Zedekia mükji yihkhit, tüsho Babilon lim lude ayüpü yinchiliunü rhük.

TÜZHOKHI 2:6

Apinü api yünshim ju awündo nangde luka bahdo, apinü anihbuh mukhungyam thsümünimdo; Atungpuhnü Zion ching thünio tüsho amuni mihabahdo, tüsho abukakhiukkhi ching kiulongthsürü tüsho amükeamrü bahyukdo.

EZEKIEL 12:13

Inü api thsungkheak keang zobah, tüsho I qimürip ching api phuhbah; inü api Kaldearü lomi Babilon ching handarübah, tüshe apinü ju müngükhuk, tüsho api ju ching shebah.

EZEKIEL 17:16

Tsükjide I lale, Wuto Atungpuhnü thachoh, kiulongthsüpuh lomi küpü ching api kiulongthsü-binkiu kheak zojih, shepü thiyuchihchim apinü mükhemükimkhea tüsho api tangzüng thsümünimjihkhea, api Babilon ching shebah.

EZEKIEL 23:24

Arünü nü azhihde dukulimnü khora-lolungbe, athsunglolungbe tüsho boto mihtsürü bebah arübah; arünü nü azhihde thrip aban chingnü tsung anini tüsho atoto, tüsho yinchi-kuthran lubah azhipbah, tüsho inü arü kilim mahkhappü jihbah, tüsho arünü arü yuzüng yande nü mahkhapbah.