JEREMIA 51:8 - AMÜSÜH HÜM CL Bible (BSI)

⁸ Zukleangnü Babilon lungabah tüsho ajan; anihbe thsungkheak tüzhoang! Anihbe thsünükhi thsungkheak moli luang; khükijua anihbe athsüngubah.

JEREMIA 51:8 Iomraidhean Croise

ISAIA 21:9

Kheahang, ju ching arü arüchoh, khoraberübo, khoraberü mahnene!” Tüsho apinü thalo, “Babilon lungdo, lungdo; tüsho anihbe sangthsü thrünpuhbo alala alo kheak keamthünaka yaplah.”

ISAIA 47:11

Tüshe amütsü rhimo nünü wurüknü müthsükhikhukkhi nü kheak arübah; nünü müyanlokhukde thsümütsü nü kheak keambah; tüsho nünü tümü she mümükheahkhi zukleangnü nü kheak athsümünim arübah.

ISAIA 47:9

Harü chido kim khülang, nimung khülang chingnü nü kheak arübah: nünü wurük ahihdo tüsho müchit-wu ato huhhuh she, tsührü dükheakpü tüsho khimoberü kampü kim dükde ching nü kheak arübah.

JEREMIA 46:11

Gilead lim wutuang, tüsho moli luang, O Ijip atsangkhit tsührübe! Akeangkeang ching nünü moli ahihdo ahorido; nü thsungkheaknü athsüngu müla.

JEREMIA 48:20

Moab achih ngüshihdo, tümüde ha thsümünimdo; tüzhoang tüsho tripang! Moab thsümünima yaplah de Arnon ayung yeande mükheahshang.

JEREMIA 48:31

Jumonü inü Moab thsungkheak mulong rozhakde tripchoh, inü Moab alala thsungkheak tripchoh; Kir-heres mihtsürü thsungkheak inü mitripchoh.

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 51:41

Küde alomi lüpdükhi kükheangkhi Sheshak rama lude! Küde Babilon trükshih bolung mihtrebe kama la!

JEREMIA 8:22

Gilead ching moli müla de? Ju ching thümürü müla de? Dale tümüde amuzhobe I mihtsürü shihphü müthsüngukhea?

EZEKIEL 30:2

Mihtsürü tsührü, müchitang tüsho thaang, Atungpuh Thrünpuhnü ha thachoh: Tüzhoang, “ I nimung thsungkheak are!”

DANIEL 5:24

“Jumonü api kilimnü ha thrütpü khah arüshih.

DANIEL 5:31

Tüsho Midiarü Darius, kam 62 azorünü kiulongthsü leangkhia lu.

NAHUM 3:19

Tümünü nü mü müthsüngukhuk; nü yurikhi ashebe lah. Nü yusheak sorü aban nü keamkhi dünkheak khah damchoh, Khürünü akheam mülakhi nü bukmükekhi chingnü tsokhidü de?

AMIKHEAKAKHIUKKHI 14:8

Püpü yunirü, mahnepünü tha, “Lungdo! Babilon ato lungdo! Alibenü anihbe yüliyüra yukhu trükshih alala yungshih.”

AMIKHEAKAKHIUKKHI 18:2

Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo;