JEREMIA 51:57 - AMÜSÜH HÜM CL Bible (BSI)

⁵⁷ Inü anihbe torübo tüsho lümlung larübo müshangshihbah, kovünorbo she, atorübo tüsho thirithsürübo; arünü kamruhroro yapbah tüsho küyimkishe masürü, kiulongthsüpuhnü thachoh, shepü mung Wuto Atungpuh la.

JEREMIA 51:57 Iomraidhean Croise

ISAIA 37:36

Judüki Atungpuh yunirü tsahmusu tüsho Asiriarü binkheampung ching 185,000 laksah; küyimki ayinkhikhea, arübo alala ashemibo lakheah.

ISAIA 44:25

Shepünü akeangyu dünjipü müchitkhi yandoabahcho, tüsho kuhi-kheahrü makharü kamshihcho; shepünü lümlung larü rholoshihcho, tüsho arü mükheahmudu abünrü kamshih;

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

JEREMIA 13:13

Judüki nünü arü ki thabah: Atungpuhnü ha thachoh: Ha lomi ching larü, David kiulongthsübinkiu kheak binrü kiulongthsürübo, amükeamrübo, wukihrübo tüsho Jirusalem ching larü alala inü amüshangshihbah.

JEREMIA 25:27

Judüki nünü arü ki thabah, Wuto Atungpuh , Israel Thrünpuhnü ha thachoh: Inü nüsa bolung nukshang arüshihkhi hode yungang, müshangang tüsho mülümang, lungang tüsho dasürülo.

JEREMIA 46:18

Atsütsü I lah, kiulongthsüpuhnü thachoh, shepü mung Wuto Atungpuh la, awungbo lung Tabor nangde tüsho keto yean Karmel nangde khülang arüchoh.

JEREMIA 48:15

Moab tüsho api kiutobo thsümünimrü atudo, tüsho api yo amokhitkhi athrününgtsüngbo alaksahpü ching yüdo, kiulongthsüpuhnü thachoh, shepü mung Wuto Atungpuh la.

JEREMIA 50:30

Jumonü anihbe yo athrününgtsüngbo anihbe kiudunglimrobo ching keambah, tüsho anihbe bonungrü alala ju nimung dükheakbah, Atungpuhnü thachoh.

JEREMIA 51:39

Küyimki arü mulong phurubanü, inü arü yungbe zojihbah tüsho arübo masühyi khiungde müshangshihbah tüsho kamruhroro yapshihbah tüsho küyimkishe müyihmusu, Atungpuhnü thachoh.

EZEKIEL 20:33

Tsükjide I lale, Wuto Atungpuhnü thachoh, Inü nüsa kurungkheak wuto khah tüsho achungkhitkhi bin tüsho mulong zhipzhip yakzan shuhbah.

NAHUM 1:10

Arübo ayangbo nangde thrukrama lah, amüshangrü nangde arübo müshanga lah; arübo amukuh sünit nangde aniua lah.

NAHUM 3:18

Nü yo namfimihnu neakrübo yapshea lah, O Asiria kiulongthsüpuh; nü yo mükheahmudurübo anechoh. Nü mihtsürübo abemukhungrü mülade müzüngbo kheak hiumüzüta lah.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

AMIKHEAKAKHIUKKHI 18:9

Tüsho alomi kiulongthsürü, sherünü anihbe lung müzammüram yihbeakkhea tüsho müthangmüsün ching lakheanü anihbe aniukhi mokhüh ngüchoki arünü atripbah tüsho tüzhobah;