JEREMIA 51:56 - AMÜSÜH HÜM CL Bible (BSI)

⁵⁶ tümüde athsümünimrü khülang Babilon azhihde arüdo; anihbe thirithsürübo luabahdo, arü sanglühbo zhaka lah; tümüde Atungpuh ju ashaklo Thrünpuh ah, apinü mide ajihlobah.

JEREMIA 51:56 Iomraidhean Croise

THRÜNTAN 49:24

Tüshe Jakob Thrünpuh Wuto wu, namfimihnu neakrü, Israel kümdorü hode api sanglüh tsüde la, tüsho api khah düküngde kamshih,

MUNGSHIKHÜN 137:8

O Babilon tsührübe, shepü athsümünimpü akhua la, nünü isa ki rhimokhi thsungkheak shepünü nü ki jihlobanü asühpü.

MUNGSHIKHÜN 37:15

Arü nukshangbo arü mulong ching yüzahbah, tüsho arü sanglühbo zhakbah.

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

MUNGSHIKHÜN 76:3

Apinü ju ching aphürapkhi hühzobo, thirithsü tsung tüsho nukshang yihshak.

ISAIA 21:2

I ki michih amuthsuk thaa lah; mülapyukrünü mülapyukchoh, tüsho athsümünimrünü thsümünimchoh. Wutuang, O Elam, yandoang, O Midia; anihbenü thsünüshihkhi alala inü akheam thsüshihbah.

ISAIA 34:8

Tümüde Atungpuhnü royimpü nimung khülang lah, Zion dünkheaknü thsümüchipü kam khülang lah.

ISAIA 35:4

Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

ISAIA 59:18

Arü rhimobo yande apinü ju ruk jihlobah; api azhihrübo kilim bukakhiukbah, api riribo kilim athrihlobah; keyean lomibo ching apinü athrihlobah.

JEREMIA 49:35

Wuto Atungpuhnü ha thachoh: Inü Elam sanglüh, atsunglopung ato yihshakbah;

JEREMIA 50:10

Kaldearü yankhia lubah; anihbe yankhia lurü alala reangkeambah, Atungpuhnü thachoh.

JEREMIA 50:36

Müchitrü azhihde nukshang lah, junangde arübo makharü kambah! Anihbe thirithsürü azhihde nukshang lah, junangde arübo niuknimbah!

JEREMIA 51:24

Zion ching arünü nüsa kheak amülim rhimokhi alala dünkheaknü nüsa mük kinü inü Babilon tüsho Kaldearü ki jihlobah, Atungpuhnü thachoh.

JEREMIA 51:30

Babilon thirithsürübonü keochihpü tuklodo, arübo chipi ayünkhi ching lah; arü sühmüh keaka lah, arübo azoberü kamdo; anihbe yambo keak mo takkihdo, akhrihbebo zhaka lah.

JEREMIA 51:48

Jüdüki thüningbo tüsho alomi, tüsho jurü ching lakhi alalanü Babilon kurungkheak asühde ahobah; tümüde arü azhihde athsümünimrü dukulimnü arübah, Atungpuhnü thachoh.

JEREMIA 51:53

Babilonnü thüning lim yükihkih she, tüsho anihbenü chipi changde ayünyün she, I kilimnü athsümünimrü anihbe kheak arübah, Atungpuhnü thachoh.

JEREMIA 51:6

Babilon bolungnü tsoang, nüsa mihbüm abannü nihbuh rhangdung khümkhitang! Anihbe neak dünkheaknü düdükheak, tümüde ha Atungpuh royimkhi kim lah; anihbe ngüpü lakhi apinü jihlochoh.

TÜZHOKHI 3:64

O Atungpuh , arü khahnü arhimokhi yande arü rhimobo dünkheak jihloang!

EZEKIEL 39:3

Inü nü khah huzulim chingnü nü sanglüh lakkhibah, tüsho nü khah tsülim chingnü nü hühzobo yihkhibah.

EZEKIEL 39:9

Judüki Israel kiutobo ching larübonü wukhiukbah tüsho mo thsübah thsühnukbo takbah–tsungninibo tüsho tsungbo, sanglühbo tüsho hühzobo, thsühshangbo tüsho thsühbo–tüsho arünü jurünü nimung thüne thsungkheak mo thsübah.

AMOS 2:15

sherü sanglüh shuhchonü müzhip, tüsho sherü jing athrilanü mükhümkhit, yungsho khoraberünü arü rhangdung mükhümkhit;

OBADIA 1:15

Tümüde trükshih alala azhihde Atungpuh nimung thüninde lah. Nünü arhimokhi nangde, nü ki rhimobah; nü rhimobo nü ku kheak alodarübah.

HABAKKUK 2:8

Tümütüsho nünü trükshih ahihdo yankhia ludo, tümütüsho mihtsürü thiyih bukkhi tüsho alomi kiutobo tüsho jurü ching larü alala ki athsümünim rhimokhinü aninga larü mihtsürü alalanü nü yankhia lubah.

YUZÜNGTHALO 32:35

Royimpü tüsho ashaklopü I yo, akhukhi kim ching arü jing lihbah; tümüde arü thsümüchipü nimung thüninde lah, tüsho arü kiuyuk aphüni lah.

2 TESALONIKA 1:6

Tümütüsho Thrünpuh ju thiyuro lakhinü sherünü nüsa küpkhuk jihbanü apinü küpkhuk jihlobah,

AMIKHEAKAKHIUKKHI 17:16

Tüsho nünü angükhi ajuh thürü ju, arü le shiwühnü müzammürambe thraneanbah; arünü anihbe khukshikbah, tüsho bünkeang kamshihbah, anihbe shih tsühbah tüsho monü takabahbah,

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”

1 SAMUEL 2:4

Wuto sanglühbo zhakabahdo, tüshe sühmüh mülarübo reangzahchoh.