JEREMIA 51:51 - AMÜSÜH HÜM CL Bible (BSI)

⁵¹ Isa achih ngüdo, tümüde mükhemürangkhi isanü sodo; achihkhinü isa miro lüpdolah, tümüde khiungkerübo Atungpuh yam amüsüh dangpungbo ching azahdo.

JEREMIA 51:51 Iomraidhean Croise

MUNGSHIKHÜN 109:29

I müneahrübo achih ngükhi yihshang, tüsho khimmih nangde arü lümchihyuknü arü lüpdoshang.

MUNGSHIKHÜN 71:13

I mulomülaprü achih ngüshang tüsho dükheakshang; I yuripü yimrü achih tüsho mungchih ngüshang.

MUNGSHIKHÜN 79:1

O Thrünpuh, trükshihbo nü yamrüplurüp ching azahdo; arünü nü amüsüh arüngyam thsümünimdo; arünü Jirusalem thsümünima mujungshihlah.

MUNGSHIKHÜN 79:12

Atungpuh , arünü nü mükhemükimkhi dünkheak püpürü trükshihbo ki thüne ki athrihloang.

MUNGSHIKHÜN 79:4

Isa mühi trükshihbonü isa mükhemükimchoh; arünü isa ki münejihchoh tüsho keangrümünechoh.

MUNGSHIKHÜN 89:46

Külokhüh, Atungpuh ? Nü lünnü ajikba de? Nü mulong zhipzhip mo nangde atakba de?

ISAIA 13:1

Amoz tsührü Isaianü Babilon dünkheak ngükhi müchityu.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 21:1

Keto sunglo dünkheak müchityu. Negeb ching chitmühean yünkhi nangde, ha loshelo chingnü, atrebe lomi khülang chingnü arüchoh.

ISAIA 47:1

Akiang tüsho asungthulung ching binang, atsangkhit tsührübe Babilon! Kiulongthsü-binkiu kheak yungde alo kheak binang, tsührübe Kaldea! Tümüde nü kheaküa athünak tüsho aliuhliuh de müji.

JEREMIA 14:3

Atorübonü arü yamlarübo ke thsungkheak yüshihchoh, arübo kekhip ching arüchoh, arünü ke müngü, arübo kesopung akeangkeang tsolochoh. Arübo achih ngüdo tüsho mulong thsümünimdo tüsho arü ku muhiuchoh,

JEREMIA 25:26

dukulim kiulongthsürü alala, limshu tüsho aphüni, akhinashu thsüde, tüsho alomi kheak lakhi alomiküp kiulongthsübo alala. Tüsho arübo dunglim Babilon kiulongthsüpuhnü ayungbah.

JEREMIA 31:19

Tümüde I rholode atso dunglim I mulong müthri; inü anikhit dunglim inü I khüh yüm. I achih ngü tüsho mi müdünkhit tümütüsho I athunuchoki achihbe inü han.”

JEREMIA 52:13

Apinü Atungpuh yam, kiulongthsüpuh yam, tüsho Jirusalem yambo alala tak; atorü yambo alala takabah.

TÜZHOKHI 1:10

Thiriribonü shoto kukrukbo alala kurungkheak arü khahbo shuhkihdo; nünü nü borü lung yüzahpü mümülükhi trükshihbonü arüngyam ching yüzahkhi she anihbenü ngüdo.

TÜZHOKHI 2:20

Kheahang, O Atungpuh , tüsho lümakheahang! Shepü ki nünü ha rhimokhea? Azoberübonü arünü azübekhi tsührü tsühba shi? Amükeamrü tüsho wukihrübo Atungpuh arüngyam ching laksahba de?

TÜZHOKHI 5:1

O Atungpuh , isa kheak tümü keamkih-a lanü lümkhitjang; mürüngang, tüsho isa achih ngükhi kheahang!

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

EZEKIEL 36:30

Inü sangaso tüsho thulu chingnü akhiukkhi muzhomopungde akamshihbah, junangde trükshih bolung nü khümzungnü achih ngükhi küyimkishe müthsünülo.

EZEKIEL 7:18

Arünü shungliukhim phuyubah tüsho atrebe khümbah. Arü mirobo kheak achihkhi labah tüsho arü kubo hütbah.

EZEKIEL 9:7

Judüki apinü arü ki tha, “Arüngyam müneanjang tüsho khikzhakpung ju ashemibonü mishang. Yüang!” Jumonü arünü wukhiuk tüsho kiuto lüpdükhi ching laksah.

DANIEL 11:31

Apinü bonungrübo bemukhungkhinü arüngyam le chipi müneanjihbah. Arünü mutukzhakde taka kingaünkhi tukloshihbah tüsho athraneanbe mihtrebe zhipshihbah.

AMOS 7:9

Isak achang dangpungbo zhikabahshihbah, tüsho Israel arüngakopungbo thsümünima yapshihbah, tüsho inü Jeroboam yamkhün azhihde nukshang shuhkihbah.”

MIKA 6:16

Nünü Omri yakzan thsükhibo tüsho Ahab yamkhün rhimobo zodo, tüsho nünü arü lalimlakobo yando. Jumonü inü nü ju athsümünim, tüsho nü kheak larübo ish thsüpü kamshihkheah; jumonü I mihtsürünü abahyukkhi nünü ahanbah.

MIKA 7:10

Judüki I ririnü angübah, tüsho achihnü anihbe lüpdobah, shepünü I ki tha, “Atungpuh nü Thrünpuh küching la?” I mükbonü anihbe lungkhi ngübah; kheakü anihbe ju kiudunglimro akhimniuhniuh nangde athrümyukbah.