JEREMIA 51:47 - AMÜSÜH HÜM CL Bible (BSI)

⁴⁷ Tsükjide inü Babilon mejakbo thsümüchipü kim arüchoh; anihbe lomi abümnü achih ngübah, tüsho alaksahkhi alala anihbe bolung labah.

JEREMIA 51:47 Iomraidhean Croise

ISAIA 21:9

Kheahang, ju ching arü arüchoh, khoraberübo, khoraberü mahnene!” Tüsho apinü thalo, “Babilon lungdo, lungdo; tüsho anihbe sangthsü thrünpuhbo alala alo kheak keamthünaka yaplah.”

JEREMIA 11:22

jumonü Wuto Atungpuhnü ha thachoh: Inü arü thsümüchipü lah; athunu mihtsürübo nukshangnü ashebah; arü tsührübo tüsho arü tsührübebo khümzungnü ashebah;

JEREMIA 13:21

Nünü nü müyamrü thsüpü lümkhi nü kurungkheak lachoki nünü tümü thaba? Azoberü thsünükhi nangde, thsününü nü müramloba de?

JEREMIA 23:34

Tüsho wukihrü yungsho amükeamrü, yungsho mihtsürü sherünü athaba, “Atungpuh müchityu,” inü arü tüsho arü yamkhün thsümüchibah.

JEREMIA 25:12

Jushu kam nerü dunglim, Babilon kiulongthsüpuh, ju trükshih tüsho Kaldearü lomi arü mülimkhi dün alomi ju lünnü zhikrangkhündo akamshihbah, Atungpuhnü thachoh.

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 51:18

Arübo müthülünkhi, thiyuro mülakhi rhimo ah; arü thsümüchi kim ching arübo dükheakbah.

JEREMIA 51:24

Zion ching arünü nüsa kheak amülim rhimokhi alala dünkheaknü nüsa mük kinü inü Babilon tüsho Kaldearü ki jihlobah, Atungpuhnü thachoh.

JEREMIA 51:43

Anihbe kiutobo zhikrangkhündo, akung lomi, tüsho loshelo, she mülakhi lomi, tüsho mihtsürünü muhokhi kamdo.

JEREMIA 51:52

Jumonü inü anihbe sangthsübo thsümüchipü kim tsükjide arüchoh, tüsho anihbe lomi alala ching yurirünü ashearabah.