JEREMIA 51:43 - AMÜSÜH HÜM CL Bible (BSI)

⁴³ Anihbe kiutobo zhikrangkhündo, akung lomi, tüsho loshelo, she mülakhi lomi, tüsho mihtsürünü muhokhi kamdo.

JEREMIA 51:43 Iomraidhean Croise

MUNGSHIKHÜN 46:8

Arang tüsho Atungpuhnü alomi kheak tümü amüyinsahbe rhimoa lanü kheahang.

ISAIA 13:20

Ju ching küyimkishe müla yungsho lün alala ching müla; Arabrünü ju ching arü khimyam müthsü, mihnu neakrünü ju ching arü mihnubo müyapshih.

ISAIA 34:13

Chipibo kheak ayang mukhuhbah, tüsho khingphu le thurukmüthsübo chipibo ching labah. Ju shirungbo mungpung tüsho kewühtopü lapung kambah.

ISAIA 47:11

Tüshe amütsü rhimo nünü wurüknü müthsükhikhukkhi nü kheak arübah; nünü müyanlokhukde thsümütsü nü kheak keambah; tüsho nünü tümü she mümükheahkhi zukleangnü nü kheak athsümünim arübah.

JEREMIA 18:16

arü lomi atrebe kamshihde, lünnü ish thsüpü lah. Ha ki horü alala trechoh tüsho arü kubo lukchoh.

JEREMIA 2:6

“Atungpuh küching la, shepünü isa Ijip chingnü bede atukhea, shepünü isa sunglo ching bede yükhea, loshelo tüsho alokhünbo lakhi lomi ching, akung tüsho khide amiting lomi ching, shenü mütsahhokhi lomi ching, küching sheshe mülakhea?” de arünü mütha.

JEREMIA 50:12

nü be lümchihyuk ngübah, tüsho nü zübebe mungchih ngübah. Kheahang, anihbe trükshih bolung akheambe labah, sunglo, akunglo, tüsho ke-mülakhi loshelo labah.

JEREMIA 51:29

Alomi ajanchoh tüsho niukchoh, tümüde Babilon azhihde Atungpuh lümkhi, Babilon lomi mihtsürü mülade azhikkhi kamshihpü lah.

JEREMIA 51:37

tüsho Babilon ju athsümünim mujung, shirungbo yam, mihtrebe kukruk tüsho ish thsübe, mihtsürü mülade akambah.

JEREMIA 51:62

tüsho thaang, ‘ O Atungpuh , nünü ha dangpung ching mihtsürü yungsho shiwüh mülapü thsüde athsümünimpü müzündo, tüsho ha lünnü azhikkhi labah.’